ပေးစာ - ၃

မြန်မာ့နိုင်ငံရေးကို အစိုးရရဲ့ ဆန့်ကျင်ဖက်ကနေ နိုင်ငံရေးလုပ်နေသူတွေရဲ့ ၈၀ ရာခိုင်နှုံးက အဓိကပစ်မှတ် မှားနေပါတယ်။ အထူးသဖြင့် ပြည်ပကနေ နိုင်ငံရေးလုပ်နေသူအားလုံးနီးပါးက မယောင်ရာကို ဆီလူးနေကြတုန်းပါပဲ။ အဲ့ဒီ တလွဲဆံပင် ကောင်းမှုတွေကြောင့် နှစ်ပေါင်းများစွာ ကျရှုံးမြဲ ကျရှုံးနေရတာပါ။


ပစ်မှတ် အစစ်အမှန်

ကျွန်တော်တို့ နိုင်ငံရေး သမားတွေရဲ့ အဓိက ပစ်မှတ် အမှန်က ပြည်သူတွေပါ။ ပြည်သူတွေကို အကျိုးပြုဖို့နဲ့ ပြည်သူတွေရဲ့ အနာဂါတ်ကို အကောင်းဆုံးဖန်တီးဖို့ပါ။ ဒါပေမယ့် လက်တလော နိုင်ငံရေး လုပ်ဆောင်နေသူတွေအားလုံးနီးပါးက ပြည်သူကို ပစ်မှတ်ထားရမယ့် အစား လက်ရှိအစိုးရကို ပစ်မှတ်ထားနေကြပါတယ်။ လက်ရှိအစိုးရကို မကောင်းပြောဖို့၊ လက်ရှိအစိုးရကို အပြစ်တင်ဖို့ ကို အတင်း အဓမ္မ လုပ်ဆောင်ဖို့ ကြိုးစားရင်း ပြည်သူတွေကို ရင်းနှီးမြုပ်နှံနေကြပါတယ်။

အစိုးရဆိုတဲ့ ပစ်မှတ်ကို နေရာပေါင်းစုံက တိုက်ခိုက်ဖို့ ချောင်းမြောင်းရင်း ပြည်သူ ဆိုတဲ့ ပေါ်တာတွေကို ရှေ့ကနေ လွှတ်နေကြပါတယ်။ သူတို့တွေကမှ ပြည်သူကို ပေါ်တာဆွဲသူ အစစ်အမှန်၊ အကြမ်းဖက်သူအစစ်အမှန်၊ နိုင်ငံပြိုကွဲဖို့ လုပ်ဆောင်သူ အစစ်အမှန်တွေ ဖြစ်နေပါတယ်။ ကျွန်တော်တို့နိုင်ငံရဲ့ သမိုင်းမှာ အလားတူဖြစ်စဉ်ပေါင်းများစွာ ရှိခဲ့ပါတယ်။ အဲ့ဒီဖြစ်စဉ်တိုင်းရဲ့ အဆုံးမှာလည်း ဘာမှတိုးတက်ပြောင်းလဲမှု တစ်ခုမှ ဖြစ်မလာခဲ့ပါဘူး။ ဒါပေမယ့်လည်း ဘယ်သူမှ သံဝေဂ မရခဲ့ကြတဲ့အပြင် နောက်တစ်ကြိမ်မှားဖို့ ကြိုးစားနေကြပါတယ်။

အမှန်တကယ် ပြည်သူလူထု အတွက် နိုင်ငံရေးလုပ်ဆောင်နေတဲ့သူတွေဆိုတာ ကျွန်တော်တို့လို ပြည်တွင်းကနေ နိုင်ငံရေးလောကမှ နေရာတစ်နေရာရဖို့နဲ့ ပြည်သူလူထုအတွက် အကျိုးဆောင်ခွင့် တစ်နေရာရဖို့ ကြိုးစားနေသူတွေပါ။ တကယ်ဖြစ်ချင်ရင် တကယ်လုပ်ယူမှရမှာပါ။ ကျွန်တော်တို့တွေ ပေးပါ ပေးပါ ဆိုပြီး အကြိမ်ကြိမ် တောင်းယူခဲ့ဖူးပါတယ်။ အကြိမ်ကြိမ်ရှုံ့ချခဲ့ဖူးပါတယ်။ ဂျပန်စက္ကူ ၁၀ ထုတ်ကျော်အောင် ကြေငြာချက်ပေါင်းများစွာကို ထုတ်ပြန်ခဲ့ဖူးပါတယ်။ ဒါပေမယ့် ဘာထူးခြားလာပါသလဲ? အားလုံးသိပါတယ်။ ဘာမှမထူးခြားလာပါဘူး။ အခုချိန်ဟာ ပြည်သူလူထုအတွက် အမှန်တကယ် နိုင်ငံရေးလုပ်ချင်သူတွေအတွက် အခွင့်အရေးကောင်းတွေ ရှိနေတဲ့ အချိန်ပါ။ ခုချိန်မှာ နိုင်ငံရေးလုပ်ခွင့်ရလို့ ကျွန်တော့ကိုယ် ကျွန်တော်လည်း ဂုဏ်ယူမိပါတယ်။ အမှန်တကယ်လည်း ပြည်သူ့အတွက်လုပ်နေရတယ်ဆိုတဲ့ စိတ်မွေးထားလို့ ကြည်နူးရပါတယ်။ ဒါတွေကို ထောင်ထဲက လူတွေနဲ့ ပြည်ပက လူတွေကို နားလည်စေချင်ပါတယ်။ ရှက်လည်း ရှက်တတ်စေချင်ပါတယ်။

ခုလိုနိုင်ငံအတွက် ပါတီပေါင်းများစွာ၊ လူမျိုးစုပေါင်းများစွာက အမတ်တွေရဖို့ ကြိုးကျိုးစားနေချိန်၊ မိမိတို့နှစ်သက်တဲ့ ခေါင်းဆောင်၊ အရည်အချင်းရှိတဲ့ ခေါင်းဆောင်အတွက် ပြည်သူတို့ အသည်းကြားက မဲတပြားရဖို့ လက်တွေ့ ကျိုးစားနေချိန်မှာ ပြည်ပက ဒို့အရေး ဒို့အရေး အော်နေသူတွေက ဘာတစ်ခုမှ ကူဖော်လောင်ဖက်မရပါဘူး။ ထောင်ကျနေတဲ့လူတွေကလည်း ဘာတစ်ခုမှ အကျိုးမပြုပါဘူး။

ပြည်ပကနေပြီး တန်းစီဓာတ်ပုံရိုက်၊ အလံတွေထောင်၊ အော်လန်တွေကိုင်ပြီး အစိုးရ မကောင်းကြောင်းတွေ ပြောနေလို့ ခုချိန်မှာ ဘာများအကျိုးထူးနိုင်မှာလဲ?

ခုလောလောဆယ်မှာ ကျွန်တော်တို့က အလယ်မှာရှိနေပြီး ပြည်သူလူထုနဲ့ အစိုးရ က အစွန်းတစ်ဖက်ဆီမှာရှိပါတယ်။ အဲ့ဒီအချိန်မှာ ပြည်သူလူထုဖက်ကို ချဉ်းကပ်နိုင်ဖို့ ကြိုးစားရပါမယ်။ ပြည်သူလူထုကို ကျောပေးပြီး အစိုးရဖက်ကိုလှည့်ပြီး အော်ချင်ရာအော်နေရင်တော့ ပြည်သူလူထုအတွက်လည်း အမှိုက်၊ အစိုးရအတွက်လည်း အမှိုက်ဖြစ်နေမှာပါ။ ဒီတော့ တကယ်နိုင်ငံရေးလုပ်ချင်တယ်ဆိုရင်၊ ပြည်သူကို တကယ်အကျိုးပြုချင်တယ်ဆိုရင် အစိုးရမဟုတ်တဲ့ ပါတီတစ်ခုခုကို ငွေအား ဒါမှမဟုတ် လူအားနဲ့ အကျိုးပြုဖို့ပဲ လုပ်ဆောင်ကြပါ။

အားမနာတမ်းဝေဖန်ရမယ်ဆိုရင် ကျွန်တော်တို့ဆီမှာ တီရှပ် ဝတ်ပြီး ပန်းဖလက် ကိုင်ထားတဲ့ ခလေး တစ်ယောက်က ပြည်ပမှာ ဝတ်စုံအပြည့်၊ ခေါင်းပေါင်း၊ အလံနဲ့၊ အော်လံကိုင်ထားတဲ့လူထက် အဆပေါင်းများစွာ ပြည်သူကို အကျိုးပြုနေပါတယ်။ အစပေါင်းများစွာ တန်ဖိုးရှိပါတယ်။ ပြည်ပက နေ အဲ့လို အကျိုးမရှိတာတွေ လုပ်နေကြမယ့်အစား ပြည်တွင်းမှာ ငွေကြေးမပြည့်စုံတဲ့ ပါတီတွေကို ကူညီပေးပါ။ သူတို့တွေမှာ အခက်အခဲတွေ ရှိနေပါတယ်။ လက်ရှိအာဏာရှိနေတဲ့ ပါတီနဲ့ ယှုဉ်ပြိုင်ဖို့ ဘက်ပေါင်းဆုံးက လိုအပ်မှုတွေရှိနေပါတယ်။ အဲ့ဒါကို သိစေချင်ပါတယ်။ ပြည်ပ အတိုက်အခံအဖွဲ့ ကူညီထောက်ပံ့နေသူတွေ အနေနဲ့ကလည်း အဲ့လိုလူတွေကို ကူညီမယ့်အစား ပြည်တွင်းက အစိုးရကို တရားဝင်ယှဉ်ပြိုင်မယ့် တကယ်အလုပ်လုပ်တဲ့လူတွေကိုပဲ ကူညီပါ။ ပြည်ပက တန်စီဓာတ်ပုံရိုက်၊ ဒို့အရေးအော်နေသူတွေအနေနဲ့လည်း မိမိတို့ ရနေတဲ့ ငွေကြေးတွေကို တကယ်အလုပ်လုပ်နေသူတွေကို ခွဲပေးပါ။ အနှစ် ၂၀ ကျော် ပြည်ပမှာ တောင်အော်မြောက်အောင် လုပ်နေလို့ ဘာမှ တိုးတက်ပြောင်းလဲမလာဘူးဆိုတာကို လက်ခံပြီး တစ်ပတ်တောင် မလိုတော့တဲ့ ရွေးကောက်ပွဲအတွက် အစိုးရမဟုတ်တဲ့ ပါတီတွေကို ကူညီပေးပါ။

ဒီလိုလုပ်နေတဲ့လူတွေထက်

ဒီလူတွေတွေက
ပိုပြီးတန်ဖိုးရှိပါတယ်
ပိုပြီး ကျက်သရေရှိပါတယ်
ဂုဏ်ရှိပါတယ်
ပိုပြီး သတ္တိရှိပါတယ်
ပိုပြီး ပြည်သူကိုအကျိုးပြုပါတယ်
ပိုပြီး ငြိမ်းချမ်းခြင်းကို ဦးတည်ပါတယ်
ပိုပြီး ဒီမိုကရေစီကို ဦးတည်ပါတယ်

အမြင်မှန်တွေ ရကြပါစေ
ဦးမောင်ကို

Posted in: ပေးစာ