အသုံးမကျ ( ၇ ) လ

ဘာလိုလိုနဲ့ ဒီနေ့ဆိုရင် မြန်မာ့ဒီမိုကရေစီ ခေါင်းဆောင်၊ လူထုခေါင်းဆောင် လို့ ပြည်ပရောက် မြန်မာတွေ အမြဲခေါ်ပြောနေတဲ့ ဒေါ်အောင်ဆန်းစုကြည် တစ်ယောက် ဂျွန်ယက်တောခိုးဝင်လာတာကို သက်ဆိုင်ရာကို အကြောင်းမကြား၊ ပြန်မလွှတ်သည့်အပြင် ညပေးအိပ်ခဲ့ ပြစ်မှုကြောင့် နေအိမ်အကျယ်ချုပ်က လွတ်မြောက်လာတာ (၇) လ ပြည့်ပါပြီ။ အကျယ်ချုပ်ကျခံစဉ်က နိုင်ငံအနှံ့အပြားက သံရုံးရှေ့တွေကနေပြီး ဒေါ်အောင်ဆန်းစုကြည်ကို ချက်ချင်းလွှတ်ဖို့ အသေအလဲ ကြိုးစားနေကြသူတွေလည်း ခုဆိုရင် အလုပ်ပျက်အကိုင်ပျက်ဖြစ်နေကြပါပြီ။ ခုချိန်မှာ အဲဒီ ဆန္ဒပြခဲ့ဖူးတဲ့သူတွေကို မေးချင်ပါသေးတယ်။ ဘာဖြစ်လို့ ”ဒေါ်အောင်ဆန်းစုကြည်... ချက်ချင်းလွှတ်.. ချက်ချင်းလွှတ်....” လို့ အော်ခဲ့ကြရတာပါလဲ ဆိုတဲ့အကြောင်းပြချက်ကိုပါ။ ခု ဆို လွှတ်ခဲ့တာ နှစ်ဝက်တောင် ကျော်နေပါပြီ ဘာမှလည်း မထူးခြားပါ။


အကျယ်ချုပ်မှ လွတ်ခါနီးအချိန်မှာ twitter သုံးမယ် လို့ပြောခဲ့ပေမယ့် ခုထိ ( ၇ ) လ ပြည့်ချိန်ထိ မသုံးနိုင်သေးပါ။ အကျယ်ချုပ်က လွတ်လွတ်ချင်းမှာ အမျိုးသားပြည်လည်သင့်မြတ်ရေးဆိုပြီး ပါးစပ်က တဖွဖွပြောကာ ဟုတ်တိပတ်တိ အစည်းဝေး ၃ ခါလောက် လုပ်ခဲ့တဲ့ ဒုတိယ ပင်လုံညီလာခံ ဆိုတာကလည်း ( ၇ ) လ တောင် ကြာပြီး အကောင်ထည် မဖော်နိုင်ခဲ့ပါ။ ဒေါ်အောင်ဆန်းစုကြည်ကသာ ညီလာခံလေး တစ်ခုကို အကောင်အထည်မဖော်နိုင်တာ နိုင်ငံတော်အစိုးရကတော့ ဒေါ်အောင်ဆန်းစုကြည် လွတ်မြောက်ပြီးမှပဲ လွတ်တော်အစည်းအဝေး များကို အကြိမ်ကြိမ်ကျင်းပနိုင်ခဲ့၊ အစိုးရအဖွဲ့ကို ဖွဲ့စည်းနိုင်ခဲ့၊ သမ္မတများကို ရွေးချယ်တင်မြောက်နိုင်ခဲ့တဲ့အပြင် ပြည်တွင်းရှိ မြို့အနှံ့အပြားသို့ သွားရောက်ပြီး ပြည်သူအများနဲ့တွေ့ပြီးရုံမျှ မက အိမ်နီးချင်းနိုင်ငံများထိပါ သွားရောက်နိုင်ခဲ့ပြီး ဖြစ်သည်။

နိုင်ငံတော် အစိုးရအဖွဲ့မှ လွတ်တော်အစည်းအဝေးများ၊ ငလျင်နှင့် အခြားကယ်ဆယ်ရေးများ၊ တိုင်းပြည်ဖွံ့ဖြိုးရေးလုပ်ငန်းများ၊ မြန်မာပြည်အနှံ့မှ ပြည်သူတို့နှင့်တွေ့ဆုံမှုများ လုပ်နေချိန်မှာ လူထုခေါင်းဆောင် လို့ နာမည်တပ်ထားသည့် ဒေါ်အောင်ဆန်းစုကြည်ကတော့ ဈေးရောင်းလိုက်၊ အသက် ၆၀ ကျော်သူ ၈၀ ရာခိုင်နှုံးရှိသော NLD အဖွဲ့ဝင်များနှင့် သက်ကြီးပူဇော်ပွဲလုပ်လိုက်ဖြင့်သာ အချိန်ကုန်နေခဲ့ပါတယ်။

သူငယ်တန်း ကလေး တစ်ဦးပင်လျှင် ( ၇ ) လ ဆိုသည့်အတိုင်းအတာအတွင်း စာကောင်းကောင်းရေးတတ်၊ စာကောင်းကောင်းဖတ်တတ်အောင် လုပ်ဆောင်ပြနိုင်ပါတယ်။ ဒေါ်အောင်ဆန်းစုကြည်လို နိုဘယ်ဆု ပိုင်ရှင်ကြီး အနေနဲ့ ဒီ ( ၇ ) လ ကို ဘာတစ်ခုမှ လုပ်မပြနိုင်ပဲ ဖြုန်းတီးပစ်လိုက်တာ အံ့သြောစရာကောင်းလောက်ပါတယ်။

မြန်မာလူမျိုးများက ဒေါ်အောင်ဆန်းစုကြည်အား ကန်တော့ကြသည်

ဒေါ်အောင်ဆန်းစုကြည်နှင့် မြန်မာလူမျိုးများက အမေရိကန်နိုင်ငံသားအား ကန်တော့ကြသည်

ဒေါ်အောင်ဆန်းစုကြည်က အင်္ဂလန်သားများ၏ ပေါင်ပေါ်ထိုင်သည်

ဂျွန်မက်ကိန်း နဲ့ ဒုသမ္မတနဲ့တွေ့ဆုံချိန်တုန်းက နိုင်ငံတော်အစိုးရက ဒေါ်အောင်ဆန်းစုကြည်ကို သာမန်မြန်မာပြည်သူတစ်ယောက်အနေနဲ့ သဘောထားခဲ့ကြောင်း ပြောခဲ့ပါတယ်။ တကယ်တော့ ဒေါ်အောင်ဆန်းစုကြည် ဆိုတာ သာမန်မြန်မာပြည်သူတစ်ယောက်လောက်ကို အသုံးမကျသူတစ်ယောက်ပါ။ သာမန်မြန်မာပြည်သူ ပြည်သားအားလုံးက ၇ လ အတွင်းမှာ နိုင်ငံအတွက် လည်းကောင်း၊ ပြည်သူအတွက်လည်းကောင်း၊ နောက်ဆုံး သူ့မိသားစုအတွက် လည်းကောင်း အများကြီး အလုပ်ကျွေးပြုနိုင်ခဲ့ပါတယ်။ အောက်ခြေသိမ်း ပန်းရံ လုပ်သားများသည် ၇ လ အတွင်း တိုက်အိမ်တစ်လုံး (သို့) လူသွားလမ်းတစ်ခု (သို့) ကွန်ဂရစ်လမ်းတစ်ပိုင်း ကို အများပြည်သူတို့ အသုံးပြုဖို့ လုပ်ဆောင်နိုင်ခဲ့သည်။ ယုတ်စွအဆုံး တစ်ယောက်တည်းဖြင့်ပင် ၇ လ အတွင်း အိမ်သာ ကောင်းကောင်း တစ်လုံးကို အနည်းဆုံး တည်ဆောက်နိုင်ပေသည်။ သို့သော် ဒေါ်အောင်ဆန်းစုကြည်မှာတော့ မဆလာ သယ်သူ တစ်ဦးလောက်ကိုပင် နိုင်ငံတော်အတွက် အသုံးမကျခဲ့ပါ။

ဒေါ်အောင်ဆန်းစုကြည်ကိုယ်တိုင်က အသုံးမကျသူဖြစ်နေသောကြောင့် ဒေါ်အောင်ဆန်းစုကြည်ဦးဆောင်သည့် NLD မှာလည်း ဆန်ကုန်မြေလေး အဖွဲ့ကြီးသာ ဖြစ်နေတော့သည်။ ဆန်ကတော့ တကယ်ကုန်ပါတယ်။ တစ်နေ့ကို တစ်တင်းခွဲ နှစ်တင်း ချက်လောက် ထမင်းနေ့တိုင်း ချက်ကျွေးနေရပါတယ်။ အဲ့ဒီထမင်းကို နေ့တိုင်းစားနေသူတွေက နိုင်ငံတော်နဲ့ ပြည်သူတွေအတွက် ဘာမှ မသုံးမကျသူတွေချည်းပါပဲ။ NLD ဥက္ကဌဆိုသူ ဦးအောင်ရွှေမှာလည်း အသက်မျှော့မျှော့ပဲ ကျန်ပါတော့တယ်။ ဒုဥက္ကဌဆိုသူ ဦးတင်ဦးမှာလဲ ဒေါ်အောင်ဆန်းစုကြည်နောက်လိုက်ပဲ လုပ်နေရပါတယ်။ ကျန်တဲ့သူတွေဆိုရင်တော့ စဉ်းစားသာကြည့်ကြပါ။

တစ်နေ့ကို ဆန်တစ်တင်းခွဲ ချက်နေရသည့် NLD ရုံးကြီး

သက်ကြီးပူဇော်ပွဲ ချိမ့်ချိမ့်သဲ

လူငယ်တွေကို ပြုစုပျိုးထောင်မယ် လို့တကြော်ကြော်အော်နေပေမယ့် ရုံးမှာအစည်ဆုံးအချိန်ကတော့ သက်ကြီးပူစော်ပွဲပဲဖြစ်ပါတယ်။ လူငယ်တွေကတော့ ပြာတာ တွေနဲ့ ဒလဝမ် တွေပေါ့။ လောလောဆယ်တော့ လူငယ်တွေလူငယ်တွေကို ဈေးရောင်းခိုင်းတာတွေ၊ ဒေါ်အောင်ဆန်းစုကြည်သွားလေရာမှာ ဝိုင်းကြီးပက်ပက် လုပ်ခိုင်းတာတွေပဲ တွေ့နေရပါတယ်။ လူငယ်တွေအတွက် ၉ ပဲ ကြာတဲ့ သင်တန်းတစ်ခုကိုတောင်မှ ဇွန်လ ၂ဝ ရက်နေ့တုန်းက ဖွင့်ပေးမယ်လုပ်ပြီး ခုတော့ ရက်အကန့်အသက်မရှိ နောက်ဆုတ်လိုက်ပြန်ပါတယ်။

ဒီလိုနဲ့ပဲ သင်တန်းဖွင့်မယ်လုပ်လိုက် အစီစဉ်ပျက်လိုက်၊ ဒုတိယပင်လုံညီလာခံလုပ်မယ်ပြောလိုက် အစီစဉ်ပျက်လိုက်၊ စီစဉ်လိုက် ပျက်လိုက်နဲ့ပဲ (၇) လ ပြည့်ခဲ့ပါပြီ။

ဒေါ်အောင်ဆန်းစုကြည်အနေနဲ့ ကိုယ်တိုင်သာ အဖြစ်ရှိအောင် ဘာမှမလုပ်တတ်ပေမယ့် အစိုးရအဖွဲ့ နဲ့ ပြည်တွင်းက ပြည်သူတွေက သူ့ကို သာမန်လူသားအဖြစ် သဘောမထားဘူးလို့ထင်နေပုံရပါတယ်။ ခရီးထွက်မှာကိုတောင် လုံခြုံရေး ယူပေးရမယ်လို့ ပြောနေပါသေးတယ်။ မြန်မာပြည်တွင်းမှာ မြန်မာပြည်သူအားလုံး ဘယ်သူမဆို လွတ်လွတ်လပ်လပ် သွားနိုင်ပါတယ်။ ဘယ်သူမှလည်း ရန်မူမှာမဟုတ်ပါဘူး။ ရူးကြောင်မူးကြောင်နဲ့ ဝိုင်းကြီးပက်ပက်လုပ်နေရင်တော့ ပြည်တွင်းကမျက်မြင်တွေတောင်မကဘူး ပြည်ပက ဓာတ်ပုံကြည့်ရတဲ့သူတွေတောင် ရိုက်ချင်စိတ်ပေါက်ပါတယ်။

လူငယ်များကို နေရာပေးထားသည်ကို တွေ့ရစဉ်

လူကြီးများက နေရာမဖယ်

ပင်ကိုယ်အရည်အချင်းပြည့်စုံသူတို့မှာ အချိန်ကြာတာနှင့်အမြင့် အရည်အသွေးပိုမိုတောက်ပြောင်လာတတ်ကြပါတယ်။ ဒီလိုအရည်အချင်းတွေကြောင့် ဒေါ်အောင်ဆန်းစုကြည် ဆိုတာကတော့ အချိန်ကြာတာနဲ့အမျှ ကြက်ပျောက်ငှက်ပျောက် ကွယ်ပျောက်တော့မှာ ပါ။ ပြည်ပမှာနေပြီး ဒေါ်အောင်ဆန်းစုကြည် နာမည်နဲ့လုပ်စားနေသူတွေကတော့ နာမည်မပျောက်အောင် အမျိုးမျိုး ကြိုးစားပမ်းစားလုပ်နေရပေမယ့် ပြည်တွင်းနိုင်ငံရေးလောကမှာတော့ ဒေါ်အောင်ဆန်းစုကြည်ဆိုတာ အရေးမပါတဲ့လူတစ်ယောက်ဖြစ်နေပါပြီ။ ဒေါ်အောင်ဆန်းစုကြည် ဆိုသည်မှာ ပါတီမှတ်ပုံမတင်ခဲ့လို့ ပြောခွင့်ဆိုခွင့်မရှိသလို ပြောနိုင်ဆိုနိုင်သည့် အရည်အချင်း မရှိသည့်လူတစ်ယောက်၊ လွတ်တော်ထဲမဝင်ခဲ့တာကြောင့် ဘာမှ လုပ်ခွင့်ကိုင်ခွင့် မရှိသလို ဘာမှ လုပ်နိုင်ကိုင်နိုင်တဲ့ အရည်အချင်းမရှိသူတစ်ယောက် အဖြစ်သာ ရှိနေပါတော့ကြောင်း အချိန် ( ၇ ) လအတွင်း ဒုံရင်းဒုံရင်းတွေက သက်သေပြနေပါတော့တယ်။

Posted in: အသုံးမကျ (၁) နှစ်