ဂွကျလိုက်တာ

မျိုးဆက်သွေး

စာပေစိစစ်က မူတွေ ပြင်လိုက်တယ်။ လက်ရှိ စာနယ်ဇင်းတွေထဲက အနုပညာ၊ အားကစား၊ အိုင်တီ စသည်ဖြင့် ငါးမျိုးက တင်ထုတ် မဟုတ်တော့ဘဲ ထုတ်တင် ဖြစ်သွားတယ်။ သူတို့အဆို အုပ်စု ၁ ပေါ့။ ကျန်တာတွေ အဓိကအားဖြင့် သတင်း ဂျာနယ်တွေ၊ ပြဿနာ ဖြစ်နိုင်တဲ့ ဘာသာရေး ဂျာနယ်တွေကတော့ အရင်လိုပဲ တင်ထုတ်ပေါ့။ ဆိုလိုတာက စနစ်ဟောင်း အတိုင်း စာပေစိစစ်ကို ဖြတ်သန်းပြီးမှ ထုတ်ပေါ့။ ထုတ်တင်ဆိုတဲ့ စာပေစိစစ်ကို ဖြတ်သန်းစရာ မလိုတဲ့ ဂျာနယ်များအတွက် လိုက်နာရမယ့် စည်းကမ်းတွေလည်း ထွက်လာတယ်။ အဲဒါကို ကောင်းတယ်၊ ဆိုးတယ် အမျိုးမျိုး ပြောကြတာပဲ။ ဒီမှာ ပြောချင်တာက စည်းကမ်းတွေ အကြောင်း မဟုတ်ဘူး။ ရလာတဲ့ လွတ်လပ်မှုကို ထုတ်တင်ဆိုတဲ့ ဂျာနယ်များရဲ့ အယ်ဒီတာများက ဘယ်လိုများ ကျင့်သုံးနေသလဲ ဆိုတာပဲ။

ထုတ်တင်စနစ်စပြီး သိပ်မကြာပါဘူး စာပေစိစစ်က ထုတ်တင် ဂျာနယ်လေးငါးခုကို ခေါ်သတိပေးတယ်ဆိုတဲ့ သတင်းထွက် လာတယ်။ ပြည်ပ မီဒီယာတွေကတော့ ဒါဟာ စာပေ လွတ်လပ်ခွင့်က ဘာမှ မထူးဘူးလို့ ဖွင့်ဆိုကြတယ်။ ကျွန်တော်တို့လည်း ဒီလိုပဲထင်တယ်။ ဒီတော့ ဘယ်ဂျာနယ်တွေ ခေါ်သတိပေးခံရသလဲ ဆိုတာ လေ့လာကြည့်တယ်။ နောက်ပြီး ဘာတွေ ရေးလို့များ စာပေကင်ပေတိုင်က ခေါ်ကြိတ်ရသလဲလို့ ရှာဖွေကြည့်တယ်။ အော် ဒီတော့မှ ကိုယ်လူတွေကလည်း ကိုယ့်လူတွေကိုးလို့ သက်ပြင်း ချရတဲ့ကိန်း ဆိုက်တော့တာပဲ။ ဒီမှာ ကြည့်လိုက်ဦး၊ ဘာတွေ ရေးလို့များ သတိပေးခံရသလဲ ဆိုတာ

Mobile Guide ဆိုတဲ့ အိုင်တီဂျာနယ်ကတော့ နန်းသူဇာဆိုတဲ့ မော်ဒယ်လ်ကို မျက်နှာဖုံးတင်တယ်။ အထဲမှာလည်း သူ့ပုံနဲ့ မိုဘိုင်းလ်ဖုန်းနဲ့ ကွန်ပျူတာကြော်ငြာ ဆန်ဆန်ပုံတွေ ထည့်တယ်။ မော်ဒယ်လ်က ပြိုင်စက်ဘီးကို ခွပြီး လက်တစ်ဝါးလောက် ပဲရှိတဲ့ ဂျင်းဘောင်းဘီအတိုနဲ့ တင်ပါးကို နောက်ပစ်ထားတဲ့ပုံ။ စာပေစိစစ်က မလုပ်ပါနဲ့လို့ ပြောထားတဲ့ မြန်မာ့ယဉ်ကျေးမှု အရဖော်ပြရန် မသင့်သော ကိုယ်အစိတ်အပိုင်းများကို ဖော်ပြခြင်း မပြုရဆိုတဲ့မူနဲ့ ကွက်တိပါပဲ။ စာပေကင်ပေတိုင်က မောင်တွေ မဆိုထားနဲ့ ကျွန်တော်တို့တောင် တံထွေးကို ဂလုလို့မြိုချရမယ့်ပုံမျိုး။

နောက်တစ်စောင်ကတော့ ကျန်းမာရေးဂျာနယ် Health Care ဂျာနယ်။ ဒင်းတို့မှာလည်း တော်ရှာပါတယ်။ အေးကမ္ဘာ ဒေါက်တာချစ် ဆိုတဲ့နံမည်နဲ့ အမျိုးသားများ၏ လိင်ဆက်ဆံမှု အခက်အခဲများဆိုတဲ့ ဆောင်းပါးရေးတယ်။ ဒါပေမယ့် တကယ်တော့ ဒါဟာ Sildora ဆိုတဲ့ ကာမအားတိုးဆေး ကြော်ငြာဆောင်းပါး ဖြစ်ပါတယ်။ ဒါပေမယ့် ကျင့်ဝတ်အရ ကြော်ငြာ ဆောင်းပါးဖြစ်ကြောင်းဖော်ပြရမှာကို မဖော်ပြပဲခပ်တည်တည်နဲ့ ဆေးပညာ ဆောင်းပါးပုံစံ အကြောင် ရိုက်ထားတယ်။ ဒီထက် ဆိုးတာက အရေးအသားတွေပဲ၊ အားလုံးတော့ ကူးပြီး မဖော်ပြတော့ပါဘူးဗျာ၊ တော်ကြာ ဟိုဝတ္ထု ရေးတယ် ထင်ပြီး ကိုပိတောက်က ဆင်ဆာဖြတ် နေဦးမယ်။ ဒီအပိုဒ်လေးတွေပဲ ဖတ်လိုက်ပါဦး

သုတ်ထွက်စောခြင်း၊ တည့်မတ်ခြင်းသည် သန်မာ၍ ဖြစ်ဖြစ်၊ ပျော့တော့တော့ပဲဖြစ်ဖြစ်၊ အတွင်းသို့ထည့်ပြီးပြီးခြင်း ဖြစ်ဖြစ်၊ မထည့်ခင်တွင် ဖြစ်ဖြစ်++++++ အပြည့်အ၀မ၀င်ခင် ညှိုးကျသွားခြင်း++++ လက်ထပ်ပြီးကာစတွင် ကျွမ်းကျင်မှု မရှိ၊ စိတ်လှုပ်ရှားလွန်း၍၊ သန်မာမှုမရှိခင် သွားထဲ့လို့ +++++

ကဲဗျာ၊ အဲဒါမျိုးတွေ ပါတဲ့ကြော်ငြာကို မဆော်ရင် ဘယ်သူ့များ ဆော်ရမလဲနော်၊ စဉ်းစားကြပါဦး.

နောက်ထပ် အကောင်းစား နှစ်စောင်ကတော့ ဘောလုံး ဂျာနယ်နှစ်စောင် ဖြစ်တဲ့ Forever , Four Four Two တို့ပါပဲ။ သူတို့ကတော့ ပရီမီယာလိဂ် မရှိတော့ လူတွေ အားကစား ဂျာနယ် ၀ယ်လိုအား ကျသွားတာကို ကုစားတဲ့အနေနဲ့ ကာလသားကြိုက် Play Boy ဂျာနယ် မျက်နှာဖုံးမှာ မလုံ့တလုံ အရိုက်ခံထားတဲ့ ဂျာမန် အမျိုးသမီး ဘောလုံးသမား တစ်စုပုံကို မူရင်းကနေ ကူးယူ ဖော်ပြပြီး အဲဒီ ဘောလုံးသမားတွေ ကမ္ဘာ့အမျိုးသမီး ဘောလုံးပြိုင်ပွဲဝင် ဂျာမနီ ဘောလုံးအသင်း ပထမ ၁၁ ဦးစာရင်းမှာ တစ်ယောက်မှ ပါမလာ လို့ ၀မ်းနည်းရတဲ့ အကြောင်း ရေးထားရှာပါတယ်။

ကဲဒီတော့ ကျွန်တော်တို့ မီဒီယာဆရာများက သူများ မီဒီယာ လွတ်လပ်ခွင့် ဆိုတော့ ကိုယ်ကလည်း မီဒီယာ လွတ်လပ်ခွင့် ဆိုပြီး အော်သာ နေတယ်၊ လွတ်လပ်ခွင့်ဟာ တာဝန်သိမှု၊ စည်းကမ်းရှိမှုနဲ့ အတူ တွဲနေတယ် ဆိုတာ သိပုံမရဘူး။ ဒါ့ကြောင့်လည်း ဗိုလ်ချုပ်က လွတ်လပ်ပြီ ဆိုပြီး လမ်းပေါ်တက် ဆေးရိုးလှမ်းလို့ မရဘူးလို့ ပြောခဲ့တာပဲ။

တကယ်တော့ အိုင်တီဂျာနယ်က အစိုးရဲ့ အိုင်တီမူဝါဒအပေါ် သုံးသပ်လို့၊ ကျန်းမာရေး စာစောင်က ကျန်းမာရေး မူဝါဒအပေါ် သုံးသပ်လို့၊ အားကစား ဂျာနယ်က အားကစား လောက အခြေအနေအပေါ် သုံးသပ်လို့ စာပေစိစစ်က ဘောင်ကျော်တဲ့ ဆိုပြီး ခေါ်သတိပေးတာ ဆိုရင်တော့ လူကြားလို့ ကောင်းသေးတာပေါ့ဗျာ၊ ကျုပ်တို့မှာလည်း သူတို့ဘက်က ရပ်တည်ပြီး စာပေစိစစ်က ဘာဖြစ်တယ်၊ ညာဖြစ်တယ် ပြောလို့ ကောင်းသေးတာပေါ့။ အခုတော့ အညှီအဟောက်နဲ့ ခေါ်ပြောခံရတော့ ဒါလားကွ၊ မင်းတို့ လိုချင်တဲ့ စာပေလွတ်လပ်ခွင့် ဆိုပြီး မေးငေါ့ခံရမယ့် အပေါက်ပဲ။

ထုတ်တင်တွေကို လွှတ်ပေးလိုက်တာနဲ့ အညှီအဟောက်လိုင်းပေါ် ရောက်သွားတာကို ကြည့်ပြီး ပျော်မယ့်သူတွေက စာပေ ကင်ပေတိုင်ချုပ်ကြီး မရဲတရဲ တင့်ဆွေနဲ့ အဖွဲ့သားတွေပဲ။ စာပေစိစစ်မူ အပြောင်းအလဲကို ကြေညာတဲ့ အခမ်းအနားမှာ သူတို့က အခုထုတ်တင်တွေရဲ့ အခြေအနေကို ကြည့်ပြီး နောက်ကျန်တဲ့ အုပ်စုတွေကိုလည်း ထုတ်တင်အဖြစ် ပြောင်းလဲ သွားမယ်လို့ ပြောခဲ့တယ်။ အခု ဖြစ်သလိုမျိုးများ ဖြစ်ရင်တော့ ဒင်းတို့ဘက်က ဟင် ခင်ဗျားတို့ လွတ်လပ်ခွင့် ပြောမနေနဲ့ ကျုပ်တို့ မစစ်တော့တာနဲ့ ဘာဖြစ်ကုန်ပြီလဲ တွေ့တယ် မဟုတ်လားလို့ ပြောစရာ အကွက် ရသွားတော့တာပေါ့။

ဒီအဖြစ်အပျက်ဟာ ဂျာနယ်လောကမှာ အယ်ဒီတာကောင်း ဘယ်လောက် ရှားနေသလဲ ဆိုတာ ပြလိုက်တာလည်း ဖြစ်ပါတယ်။ ဒါ့ကြောင့်လည်း ဆရာဦးဝင်းငြိမ်းက ထုတ်တင် ဖြစ်လာတဲ့အခါ အယ်ဒီတာတွေရဲ့ အခန်းကဏ္ဍက အရေးကြီးလာပြီ၊ အရည်အချင်း မရှိရင် ပြုတ်ကျန်ခဲ့မှာပဲလို့ ပြောခဲ့တာ ဖြစ်ပါတယ်။

အဲထုတ်တင်မှာတင် ပြဿနာဖြစ်တာ မဟုတ်သေးဘူး။ တင်ထုတ်မှာလည်း စာပေစိစစ်က အစိုးရ၊ ပုဂ္ဂလိက အဖွဲ့အစည်းတွေကို ဝေဖန်တဲ့ စာတွေကို အတိအကျရေးရင် ထည့်စမ်းလို့ ပေးလိုက်တော့ Hot News နဲ့ SSC ဆေးရုံက စပြီး တရားတဘောင် ဖြစ်နေကြပြီ။ ဘယ်သူ မှန်တယ်၊ မှားတယ်ကို မဆိုလို၊ သို့သော် ကိုယ့်တာဝန် ကိုယ်ယူ၊ မှားတယ် ထင်ရင် အရင်ကလို စာပေစိစစ်က ကြားမ၀င်ဘူး၊ တရားရုံးမှာ ရှင်းကြဆိုတဲ့ ဒီမိုကရေစီ စနစ်မှာ မီဒီယာတေ ရင်ဆိုင်ရမယ့်အ ခြေအနေကို မိတ်ဆက် ပေးလိုက်တာနဲ့ ပေါ်လာတဲ့ အခြေအနေကိုသာ ဆိုလိုတယ်။ ဒါဟာ လွတ်လပ်ခွင့်နဲ့ တာဝန်သိမှု ကိစ္စကို ထုတ်ဝေသူများ၊ အယ်ဒီတာများ ရင်ဆိုင်ရတော့မယ့် အခြေအနေကို မီးမောင်း ထိုးပြလိုက်တာလဲ ဖြစ်တယ်။ ဟိုတုံးကတော့ တစ်ဘက်က ကန့်ကွက် လာရင်တော့ စာပေစိစစ်က ခွင့်ပြုပြီးသားပဲ ဆိုတဲ့ ဆင်ခြေလေးနဲ့ ပြောလို့ ရသေးတယ်။ နောင်ဒီလိုရမှာ မဟုတ်တော့ဘူး။

မီဒီယာ လောက ဆရာကြီး ဖြစ်တဲ့ ဇာတ်လိုက်ကြီး နေ၀င်းမောင် တစ်ယောက်လည်း သံဃ မဟာနာယကအဖွဲ့ နေပြည်တော် ရွှေ့ရမယ်ဆိုတဲ့ သတင်းကို အတည်ပေါက်နဲ့ လုပ်ချလိုက်လို့ သာသနာရေး ၀န်ကြီးက တရားစွဲမယ်လို့ ခြိမ်းခြောက် ခံရပြီး အခုတော့ တောင်းပန် တိုးလျှိုးကာ သတင်း မမှန်ကြောင်း ဖြေရှင်းချက် ထည့်ပေးပါ့မယ် ဆိုပြီး ခယနေရတယ်ဆိုပဲ။

ဒီကြားထဲမှာ ကိုယ့်တာဝန် ကိုယ်ယူ ဆိုတော့မှ ထုတ်တင်တစ်ချို့က စာပေစိစစ်ကို သွားပြီး အရင်လိုပဲ တင်ထုတ်လုပ် ပါရစေလို့ ပြောလိုပြော၊ အရင်စနစ်ပဲ ကောင်းပါတယ် ဆိုသူဆိုဖြစ်လို့ ဆရာမောင်ဝံသက ပြည်သူ့ခေတ် အင်တာဗျူးမှာ အဲဒီလို မလုပ်သင့်ကြောင်း၊ ကိုယ့်တာဝန် ကိုယ်ယူပြီး မီဒီယာ လွတ်လပ်ခွင့်ကို ကြိုးစား တိုက်ယူရမယ်လို့ သတိပေးခဲ့ရတယ်။ အော် ဖြစ်ပုံများ။

ကဲ ဒီလိုပုံနဲ့ကတော့ ဘယ်တော့များ သူတို့ပြောနေတဲ့ စတုတ္ထ မဏ္ဍိုင်ကြီး ပေါ်လာနိုင်ပါ့မလဲ၊ မျှော်သူပဲ မောရမယ့် ကိန်းဆိုက်ပြီ။ ဂွကျလိုက်ပုံများ၊ ပြောမပြောချင်တော့ဘူး။

မျိုးဆက်သွေး

http://padaukmyay.blogspot.com/2011/07/blog-post_15.html

Myanmar Express

Posted in: ဘာလဲဟဲ့ စတုတ္ထမဏ္ဍိုင်