ပေးစာ - ၁၁ (လုပ်ရပ် သာမက စိတ်ဓာတ် ပါ ညံ့ဖျင်းသည့် BHG)

ကျွန်တော်တို့မြန်မာလူမျိုးတွေ အင်တာနက်နဲ့ရင်းနီးလာတာ ၁၀ စုနှစ် တစ်ခုတောင် မရှိသေးပါဘူး။ အင်တာနက်ပေါ်မှာ ဇော်ဂျီဖောင့် စပေါ်လာချိန်ကစပြီး မြန်မာလိုစာတွေ ရေးနိုင်ဖတ်နိုင်ရင်း အသုံးများလာရပါတယ်။ မြန်မာနိုင်ငံတွင်းမှာ အင်တာနက်ဆိုင်တွေများများစားစား ရှိလာတာလည်း ဘာမှမကြာသေးပါဘူး။ အင်တာနက်ဆိုင်လေးတွေ ရှိလာတာနဲ့အမျှ မြန်မာလူကြီး လူငယ်အများစု Internet , E-mail တို့နဲ့ ရင်းနီးလာပြီး E-mail account ကိုယ်စီ ပိုင်ဆိုင်ဖို့ကြိုးစားလာရင်း အင်တာနက်ခေတ်ကြီးမှာ ကမ္ဘာကို အမှီလိုက်ဖို့ ကြိုးစားလာကြပါတယ်။

မြန်မာလူမျိုး အများဆုံးအသုံးပြုကြတဲ့ E-mail က G-mail ဖြစ်ပြီး အင်တာနက် သုံးချိန်မှာ အများဆုံးလုပ်ကြတဲ့ အလုပ်ကတော့ တစ်ယောက်နဲ့တစ်ယောက် စာရိုက်စကားပြောခြင်း (Chatting) နဲ့ သတင်း (သို့) အခြား မသိသော အရာများကို ရှာဖွေကြည့်ကြခြင်းပဲဖြစ်ပါတယ်။ ဖွံ့ဖြိုးပြီးနိုင်ငံတွေမှာ အင်တာနက် ဆိုတာ မရှိမဖြစ် အရာတစ်ခုဖြစ်လာပြီး လူသားတွေကလည်း အင်တာနက်မရှိရင် မနေနိုင်တဲ့အထိဖြစ်လာပေမယ့် မြန်မာနိုင်ငံမှာ အင်တာနက်ဆိုတာ ဘာမှန်းမသိသူတွေ အများကြီးရှိနေပါသေးတယ်။ ကွန်ပျူတာ အပါအဝင် အသုံးပြုပစ္စည်းများက မြန်မာလူမျိုးတို့အနေနဲ့ အဖိုးတန်ပစ္စည်းတစ်ခုလို ဖြစ်နေတာက တစ်ကြောင်း၊ အင်တာနက် ချိတ်ဆက်ဖို့အတွက် အခြားအခက်အခဲတွေ အများကြီး ရှိနေသေးတာက တစ်ကြောင်း အများစုက ဆိုင်မှာပဲ သုံးကြပါတယ်။

အင်တာနက်ဆိုင်တွေကလည်း လာယောက်သုံးဆွဲသူများကို သင်ကြားပေးနေတာတွေ ရှိသလို၊ အချို့ စိတ်ဓာတ်မြင့်မားသူများက အခမဲ့ အင်တာနက်နှင့် အီးမေးသင်တန်းများကို ရက်တိုပို့ချပြီး မြန်မာလူမျိုးများကို အင်တာနက်၊ အီးမေးများနှင့် လုံးဝ မစိမ်းစေရန် သင်ကြားရင်း တစ်ဖက်တလမ်းကနေ နိုင်ငံတကာကို အမှီလိုက်ဖို့ ကူညီပေးနေကြပါတယ်။ ဒါပေမယ့် Gmail သုံးနိုင်တဲ့ မြန်မာလူဦးရေအရေအတွက်က ဘာမှမရှိသေးခင်မှာပဲ မြန်မာလူမျိုးချင်း Gmail များကို ခိုးယူတာတွေကို အကြီးအကျယ်လုပ်နေတဲ့ ဖြစ်စဉ်တွေ ပေါ်လာတော့တာပါပဲ။

သိပ်ကိုအောက်တန်းကျပြီး လုံးဝအဆင့်တန်းမရှိတဲ့အလုပ်ပါ။ အဆိုးဆုံးကတော့ အဲ့ဒီအလုပ်ကို တစ်ဦးတစ်ယောက်က ပုန်းလျှိုးကွယ်လျှိုးလုပ်တာမဟုတ်ပဲ အဖွဲ့အစည်းနဲ့ လူသိရှင်ကြား မိုက်ရိုင်းနေကြတာပါပဲ။ အဲ့ဒီအဖွဲကတော့ အားလုံးသိပြီးသားဖြစ်တဲ့ BHG လို့ခေါ်တဲ့ Blink Hacker Group http://www.blinkhackergroup.net/ ပဲဖြစ်ပါတယ်။

BHG ခိုးထားတာတွေကို ဒီမှာ ကြည့်နိုင်ပါတယ်။ ပစ္စည်းတစ်ခုကို သူခိုး ခိုးသွားရင် အသစ်ပြန်ဝယ်လို့ရပါတယ်။ ခိုးသွားတဲ့သူခိုးအတွက်လည်း သုံးလို့ရနိုင်သလို့ ပြန်ရောင်းရင်လည်း သူ့အတွက်အဆင်ပြေနိုင်ပါတယ်။ Gmail ကို ခိုးခံရသူအတွက် အကျိုးမရှိသလို ခိုးသွားတဲ့လူအတွက်လည်း ဘာမှအကျိုးမရှိပါဘူး။

အနောက်နိုင်ငံတွေမှာ ကိုယ့်မိန်းမအီးမေးကို ခိုးတဲ့ယောက်ျားတောင် ထောင်ချပါတယ်။ ဘယ်သူမှလည်း လက်မခံပါဘူး။ ဒါပေမယ့် ထူးဆန်းတာက အဲ့ဒီ BHG အဖွဲ့ကို အင်တာနက်စာမျက်နှာတချို့အပြင် သတင်းဌာနတွေကပါ ရှုံ့ချရမယ့်အစား အားပေးအားမြှောက်ပြုနေကြတာပါပဲ။ ဒါကို အက်တာနက်သုံးသူ မြန်မာအားလုံး ပြန်လည်ဆင်ခြင်သင့်ပါတယ်။ သူခိုးများသာမက သူခိုးအားပေးများကိုပါ ရှုံ့ချသင့်ပါတယ်။

Gmail အကောင့်များကို ခိုးတာသာမက အင်တာနက်ပေါ်မှာ မြန်မာအချင်းချင်း စုဖွဲ့သုံးဆွဲနေတဲ့ forum တွေကိုလည်း ဖျက်လို့ဖျက်ဆီးလိုက်လုပ်ပါတယ်။ အိမ်လွမ်းသူ forum အပါအဝင် forum တွေဟာ ဘယ်သူ့ကိုမှ ဒုက္ခပေးမနေတတ်သလို ဘာမကောင်းတဲ့ ရည်ရွယ်ချက်မှမရှိပါဘူး။ ဒါပေမယ့် ဘာရည်ရွယ်ချက်ကြောင့် အိမ်လွမ်းသူ forum ကို ခိုးရလဲဆိုတာကို ကျွန်တော်တို့မေးပေမယ့် ဘာမှ အကြောင်းမပြန်ပါဘူး။ သက်သက်မဲ့ကို ဖျက်လို့ဖျက်ဆီးလုပ်ချင်တဲ့သဘောပါ။ သမ္မတကို မကျေနပ်တာလား၊ အစိုးရကို မကျေနပ်တာလား တော့ကျွန်တော်တို့လည်း မသိပါဘူး။ ဒါပေမယ့် BHG လုပ်နေတာတွေက အွန်လိုင်းအကြမ်းဖက်မှုတွေပါ။ သမ္မတကိုအကျေနပ်ရင် သမ္မတရဲ့ အီးမေးကိုပဲ ခိုးပါ။ အစိုးရကိုမကျေနပ်ရင် မြန်မာ့အလင်း သတင်းစာ ဆိုဒ်ကို ဖျက်ဆီးပါ။ တခြားပြည်သူတွေသုံးနေတဲ့အီးမေးတွေ ခိုးဖို့မလိုသလို ပြည်သူတွေသုံးနေတဲ့ forum တွေနဲ့ အခြားဆိုဒ်တွေကို နှောက်ယှက်စရာမလိုပါဘူး။ အဲ့လိုလုပ်နေတာတွေက ပြည်တွင်းမှာ အစိုးရကိုမကျေနပ်လို့ ပြည်သူတွေသေအောင် ဗုံးခွဲနေသူတွေနဲ့အတူတူပါပဲ။ အားပေးနေကြသူတွေလည်း ကိုယ်ဘယ်ဖက်မှာ ရပ်တည်နေလဲ ကိုယ့်ဘာကို သုံးသပ်ကြပါ။

မရားမှုတစ်ခုကို ကြားနေရင်တောင် ကိုယ်တိုင်လည်း မတရားသူဖြစ်ပါတယ်။ မကောင်းမှုကို အားပေးမနေကြပါနဲ့။ အများပြည်သူအတွက် သဘာဝဘေးအန္တရာယ် တွေကို အချိန်နဲ့တပြေးညီ ကြေညာပေးတဲ့ ဦးထွန်းလွင် ရဲ့ ဆိုဒ်ကို တောင်အလွတ်မပေးပါဘူး။ ဒီတော့ BHG ရဲ့လုပ်ရက်တွေက ပြည်သူတွေအတွက် ဘာတစ်ခုမှ အထောက်အကူမပြုတဲ့အပြင် အကျိုးပင်ယုတ်တယ်ဆိုတာ ထင်ရှားနေပါတယ်။ ဒီနေ့ထိ အင်တာနက်ပေါ်မှာ နည်းပညာနဲ့ ပတ်သက်တဲ့ ဗဟုသုတပေါင်းများစွာကို မြန်မာလူမျိုးအချင်းချင်းသိရှိုနိုင်ဖို့အတွက် မျှဝေတဲ့ ဘလော့ပေါင်း၊ ဝဘ်ဆိုဒ်ပေါင်း များစွာရှိပါတယ်။ BHG အနေနဲ့ အဲ့လို လူတွေကို အားကျအတုယူသင့်ပါတယ်။

ဒါ့အပြင် Blink Hacker Group ဟာ DVB သတင်းနဲ့ 7 Day News ဂျာနယ်မှာ သူတို့အကြောင်းပါသွားတာကို ဂုဏ်ယူဝင့်ကြွားနေကြပါသေးတယ်။ အဖျက်သမားတစ်ဖွဲ့ကို ဖျက်ဆီးနေကြောင်းအရေးခံထားရတာကို ကျေးနပ်ဝမ်းသာနေတဲ့ အဖျက်သမားတွေကိုတော့ လက်ဖျားခါလောက်ပါတယ်။


ဒီမှာလဲ ”ဂျီမေး အကောင့်များ၏ password များကို BHG အဖွဲ့ဝင်တဦးဖြစ်သော H4rdcore H4cker မှရရှိထား ပါသည်” ဆိုပြီး အရှက်မရှိရေးထားပါသေးတယ်။ http://h4rdcoreh4cker.yourfreehosting.net/gmail_password/index.htm သွားကြည့်လိုက်တော့ အီးမေးအကောင့်ပေါင်း ၂ ထောင်လောက်ကို forward mail တွေထဲကနေ ရှာဖွေပြီးထည့်ထားပါတယ်။ ရေးထားတာကတော့ သူတို့ hack ထားပြီး password တွေ ရှိနေလို့ ဆက်သွယ်ဖို့ပါ။ ကျွန်တော်လည်း စိတ်ဝင်စားလို့ သေချာလိုက်ကြည့်တော့ apytz.dj@apytz.net, dancole@yahoo.com , cwsaing@yahoo.co.uk , firstnet@mail.mandalay.net , nawinjaiswal@mail4u.com , eedy_31@hotmail.com , inya@cwjamaica.com , issmtyco@yahoo.co.uk , kimwh@biznetvigator.com , PIMMM@est.nhs.uk, saitheinnaingoo@coolyork.com, alerts@birthdaytime.com , khaing_min_aung@yahoo.com.sg, SamuelNgch@jel.com.sg , en2mm2@mmgeeks.org တွေအပြင် en2cs@bot.talk.google.com , en2es@bot.talk.google.com တွေပါ ပါနေတာ တွေ့ရပါတယ်။ ဂျီမေးတောင် ကိုယ် hack ချင်တဲ့ ကောင်ကို မ hack နိုင်လို့ မသိနားမလည်တဲ့လူတွေလောက် hack နေရတဲ့လူတွေက hotmail.com , yahoo.co.uk , jel.com.sg တွေသာမက google ရဲ့ bot.talk.google.com တွေကိုပါ hack ခဲ့တယ်တဲ့။ တော်တော်ရီစရာလည်းကောင်းပါတယ်။ လူထင်ကြီးခံချင်တာလား၊ လူတွေကြောက်အောင် ချောက်ချင်တာလားဆိုတာကို နားမလည်နိုင်ပါဘူး။

တစ်ခါတုန်းကလည်း http://aadcp.aseanfoodsafetynetwork.net/WP.html ဆိုတဲ့ လင့်ကိုပြပြီး အာဆီယံ ရဲ့ ဆိုဒ်ကို hack ထားပါတယ် ဆိုပြီး သတင်းလွှင့်ပြန်ပါတယ် ဒါပေမယ့် ရှေ့က aadcp. နဲ့ နောက်က WP.html ကို ဖြုတ်ကြည့်လိုက်တော့ မူရင်း အာဆီယံ ဆိုဒ် http://aseanfoodsafetynetwork.net/ က အကောင်းကြီးအတိုင်းပဲ ရှိနေတာတွေ့ရပါတယ်။ တော်တော်လေးကို ရယ်ရတဲ့လုပ်ရပ်ဖြစ်သလို တော်တော်လေးကို မိုက်ရိုင်းတဲ့အဖြစ်ပျက်လည်း ဖြစ်ပါတယ်။ ဘာကြောင့်လည်း ဆိုတော့ http://aadcp.aseanfoodsafetynetwork.net/WP.html မှာ ရိုင်းဆိုင်းစွာနဲ့ ဆဲထားတာတွေကို ရေးသားထားလို့ပါပဲ။ ဒါပေမယ့် အဲ့ဒီအကြောင်းကို တကယ်ထင်ပြီး ဂုဏ်ယူစွာနဲ့ ဖော်ပြထားတဲ့ ဘာမှနားမလည်တဲ့ မြန်မာအတိုက်အခံတွေလည်း ရှိပါသေးတယ်။ အဲ့ဒီအလုပ်ကို မကောင်းကြောင်းကိုတော့ ဘယ်တစ်ယောက်မှ မရေးခဲ့ကြပါဘူး။ ကျွန်တော့မိန်းမလည်း အတိုက်အခံ ဘလော့ရေးပါတယ်။ ဒါပေမယ့် ဒီအကြောင်းကို အကောင်းလည်း မရေးခိုင်းခဲ့သလို အဆိုးလည်း မရေးခိုင်းခဲ့ပါဘူး။ ခုမှ မနေနိုင်လွန်းလို့သာ ထုတ်ပြောလိုက်ရတာပါ။

အခုတစ်ခါမှာလည်း ကိုယ်တိုင် ယုတ်မာရုံသာမက သူများကိုပါ ချောက်ချ လက်ညှိုးထိုးပြန်ပါတယ်။ www.phonenwe.net ဆိုတဲ့ ဆိုဒ်က ကျွန်တော်တို့မြို့က ဆရာတော် အရှင်ဧသိကအတွက်ကျတော်အပါအ၀င် ဒကာ ဒကာမများမှ ပူးပေါင်း၍ လှုဒါန်း ရေးသား တည်ဆောက်ခဲ့တဲ့ ဆိုဒ်ဖြစ်ပါတယ်။ အဲ့ဒီ ၀က်ဆိုက် hosting ၏ password အား ၀က်ဆိုက်တည် ရေးသားသူ နှစ်ယောက်ပဲ သိရှိပါသည်။ ၀က်ဆိုက် hosting ၏ password သိရှိသော သူတစ်ဦးရဲ့ အီးမေးကို လွန်ခဲ့သော ၄ လခန့်တွင် (BHG) Blink Hacker Group ဆိုသော အဖွဲ့မှ hack ခြင်းခံခဲ့ရပါတယ်။ နောက်တွင် ဗုဒ္ဒဘာသာ ၀က်ဘ်ဆိုက်တစ်ခုဖြစ်သော အဆိုပါ ဆရာတော် ၀က်ဘ်ဆိုက်၏ User Name-Password တို့အသုံးပြု၍ကာ တစ်ပါးသူများ၏ ဂျီမေးလ် password များကိုခိုးယူရန် ကြိုးစားခဲ့ခြင်း ဖြစ်ပါသည်။ အဲ့လိုကြိုးစားတဲ့အပြင် ကိုယ်လုပ်တာကိုယ် မဝန်ခံပဲ သူများကို လက်ညှိုးထိုးပြန်ပါတယ်။ ဗုဒ္ဓဘာသာ ၀က်ဆိုက်ဒ် တစ်ခုအား သာသနာကို စော်ကား၍၊ သံဃာကို စော်ကား၍ အသုံးချသည့်အပြင် တပါးသူအပေါ် တမင်ချောက်တွန်းလုပ်ကြံသော သူတွေအတွက် ကျွန်တော်တို့လည်း အလွန်ပဲ စိတ်မကောင်းဖြစ်ရပါတယ်။



နောက်ဆုံးပြောချင်တာကတော့ BHG အနေနဲ့ ပြည်သူ့အကျိုးပြုလုပ်ငန်းတွေကို မလုပ်ချင်နေပါ ပြည်သူတွေကို ဆက်ပြီး ဒုက္ခမပေးပါနဲ့။ သမ္မတကို မကျေနပ်ရင် သမ္မတအီးမေးကို hack ပါ။ အရေးမပါတဲ့ မိသားစုချင်းပြောထားတဲ့အီးမေးတွေ hack ပြီး နာမည်ကောင်းမယူပါနဲ့။ မ hack နိုင်ပဲနဲ့ တွေ့သမျှ အီးမေးတွေ လျှောက်တင်ပြီး ငါတို့ hack ထားပါတယ် လျှောက်မပြောပါနှင့်၊ hack ပြီးရင်လည်း ကိုယ်ပိုင်နည်းပညာနဲ့ hack ပါ သူများကို ချောက်မတွန်းပါနှင့်၊ အထူးသဖြင့် သာသနာကို မစော်ကားပါနှင့် hack ချင်ရင် http://messengerforbuddhist.blogspot.com/ လိုမျိုး ဆိုဒ်တွေကိုတော့ ဘာလို့ မ hack ရတာလဲ။ ပြည်သူတွေ ငြိမ်းချမ်းစွာသုံးနေတဲ့ forum တွေနဲ့ ဘယ်သူ့မှ ဒုက္ခမပေးတဲ့ ဆိုဒ်တွေကို ဖျက်လို့ဖျက်ဆီးမလုပ်ပါနဲ့။ ညံ့ဖျင်းတဲ့လုပ်ရပ်များကို မလုပ်ပဲမနေနိုင်ရင်တောင် စိတ်ကောင်းလေးထားပြီး ဆက်လုပ်နိုင်ပါတယ်။ စိတ်ဓာတ်ရော လုပ်ရပ်ရော ညံ့ဖျင်းလာရင်တော့ ဘယ်နေရာမှာမှ သုံးစားလို့ရမှာမဟုတ်ပါဘူး။

ကမ္ဘာအနှံ့မှာရှိတဲ့ အင်တာနက်သုံးသူ မြန်မာလူမျိုးအားလုံးအနေနဲ့ အင်တာနက်ကို ပျော်ရွှင်လုံခြုံ အေးချမ်းစွာ သုံးနိုင်ရေးအတွက် BHG လို အဖွဲ့တွေကို အကောင်းဖက်ရောက်အောင် ဆွဲခေါ်ကြဖို့လိုပါတယ်။ မကောင်းတာကို မကောင်းဘူးလို့ ပြောရင်း အားပေးနေသူများကိုလည်း ရှုံ့ချဖို့လိုအပ်ပါတယ်။ မြန်မာအင်တာနက်လောကကြီး သာယာချမ်းမြေ့ပါစေ...။

လေးစားစွာဖြင့်
ကျော်နိုင် (အောစတြေးလျ)

Myanmar Express

Posted in: အကျင့်ပျက် မီဒီယာများအား ဆုံးမနေသော Bkink Hacker Group,ပေးစာ