တရားလိုပြ သက်သေအဖြစ် ဒေါက်တာသန်းထွဋ်အောင်အား ဗဟန်းမြို့နယ် တရားရုံးက ဆင့်ခေါ် သော်လည်း ဦးသန်းထွဋ်အောင် သွားမည်မဟုတ်။ တစ်စုံတစ်ခု ဖွင့်ချမည်ကို စိုးရိမ်တာဖြစ်နိုင်ဟု တရားခံဘက်မှ ယူဆ

Weekly Eleven CEO ဦးသန်းထွဋ်အောင်၏ ကားအား ကုန်းသီးဖြင့် မတော်တဆ ပစ်ခတ် မှုတွင် ပါဝင်မှုဖြင့် ဖမ်းဆီးထားသူ နှစ်ဦးအား တရားစွဲဆိုထားမှုနှင့် ပတ်သက်၍ ဦးသန်းထွဋ်အောင်အား
သက်သေအဖြစ် အစစ်ဆေးခံရန်အတွက် ဗဟန်းတရားရုံးက ဆင့်ခေါ်သော်လည်း သွားမည်မဟုတ်ကြောင်း သိရသည်။

ယင်းကဲ့သို့ ဆင့်ခေါ်ခြင်းအပေါ် လက်ရှိစုံစမ်းစစ်ဆေးမှုများနှင့်
ပတ်သက်၍ တရားမျှတမှု၊ တရားဥပဒေစိုးမိုးမှုများနှင့် ညီညွတ်ခြင်း
မရှိသေးပါသဖြင့် တရားရုံးသို့ သွားရောက်မည် မဟုတ်ကြောင်း Eleven
Media Group ၏ CEO ဦးသန်းထွဋ်အောင်က Eleven Facebook မှတဆင့် ပြောကြားခဲ့သည်။

ဦးသန်းထွဋ်အောင်အနေနဲ့ မိမိဘက်က မှန်တယ်ဆိုရင် ဘာမှကြောက်စရာမလိုဘဲ တရားရုံးကို သွားသင့်ကြောင်း စွပ်စွဲခံ ပုဂ္ဂိုလ်များဘက်မှ ရှေ့နေတစ်ဦးက ဆိုသည်။

"သူတို့ကပဲ တိုင်တာလေ.. အခု တရားရုံးက ခေါ်တော့ မလာဘူးတဲ့.. ပြီးရင် မစစ်သေးဘူးဆိုပြီးအော်တာလည်း သူတို့ပဲ.. ကြာတယ်အော်တာလည်း သူတို့ပဲ.. ဘာပဲဖြစ်ဖြစ် ကိုယ့်လိပ်ပြာကိုလုံရင် လာသင့်တာပေါ့" ဟု ဆိုသည်။

ဒါ့အပြင် ဦးသန်းထွဋ်အောင်အနေဖြင့် စွပ်စွဲခံရသူတွေနဲ့ မျက်နှာချင်းဆိုင်ရမည်ကို ကြောက်နေဟန်ရှိပြီး တစ်စုံတစ်ခု ဖွင့်ချမည်ကို စိုးရိမ်နေဟန်ရှိကြောင်း ၎င်းကဆိုသည်။

ပြီးခဲ့သည့် ဇူလိုင်လ ၁၄ ရက်နေ့က ဦးသန်းထွဋ်အောင်၏ ကားအား လူငယ် လေးဦးမှ ကုန်းသီးဖြင့် မတော်တဆ ပစ်ခတ်မိခဲ့သော်လည်း ဦးသန်းထွဋ်အောင်မှာ ထိခိုက်ဒဏ်ရာ လုံးဝမရရှိခဲ့ပေ။

အခင်းဖြစ်ပြီး နောက်တစ်နေ့တွင် KTV မှ မကျေနပ်မှုကြောင့် ဖြစ်ကြောင်း သတင်းများထွက်ပေါ်ခဲ့သည်။

.. https://www.facebook.com/MyanmarExpress
 

Posted in: ဘာလဲဟဲ့ Eleven Media