ဘဏ်အကောင့်တစ်ခုပဲ ပိုင်တယ်တဲ့လား ?

၂၀၁၅ ခုနှစ် သြဂုတ်လ (၃၀) ရက်နေ့က နေပြည်တော်ကောင်စီနယ်မြေအတွင်း ပြုလုပ်ခဲ့သည့် ဒေါ်အောင်ဆန်း စုကြည်၏ ရွေးကောက်ပွဲအကြို မဲဆွယ်ဟောပြောပွဲများတွင် ဒေါ်အောင်ဆန်းစုကြည် ပြောကြားခဲ့သည့် " ကျွန်မမှာ ဘဏ်အကောင့် တစ်ခုကလွဲလို့ တခြားဘာမှပိုင်ဆိုင်မှုမရှိပါဘူး " ဆိုသည့်စကားက ပြည်သူများ အကြား ပျံ့နှံ့သွားခဲ့ပြီးနောက် ဒေါ်အောင်ဆန်းစုကြည်အပေါ် ဝေဖန်မှုများမြင့်တက်လာခဲ့ပြီး သူမ၏ ပြောစကားကိုလည်း ဟာသတစ်ခုအဖြစ် သာ ရှုမြင်မှုများရှိလာခဲ့သည်ကိုလည်း မြင်တွေ့လာရသည်။
ဒေါ်အောင်ဆန်းစုကြည်အနေဖြင့် သူမတွင် ဘဏ်အကောင့်တစ်ခုသာ ပိုင်ဆိုင်သည်ဟု ပြောဆိုပြီးနောက် ဆက်တိုက်ဆို သလိုပင် Social Network များမှတစ်ဆင့် သူမ၏ လျှို့ဝှက်ပိုင်ဆိုင်မှုများအပါအ၀င် ပြည်ပ အထောက်အပံ့များရရှိနေသည့် သတင်းအချက်အလက်များ ထွက်ပေါ်လာခဲ့သည်ကိုလည်း မြင်တွေ့လာ ရသည်။ သူမ၏ ပြောစကားနှင့်ပတ်သက်၍လည်း အကြောင်းမသိသူများသာ ယုံကြည်မည်ဖြစ်ကြောင်း၊ အကြောင်းသိသူများကတော့ ဒေါ်အောင်ဆန်းစုကြည်၏ မြန်မာ ပြည်အနှံ့မှ ပိုင်ဆိုင်မှုများနှင့် ချမ်းသာကြွယ်ဝ မှုများကိုသိရှိပါကြောင်း၊ ဒေါ်အောင်ဆန်းစုကြည် အနေဖြင့် ယခုလို ပြည်သူကိုလိမ်ညာ၍ အသနားခံနေသည်မှာ ခေါင်းဆောင်တစ်ဦး၏ စိတ်ဓါတ်မဟုတ်ကြောင်း ဝေဖန်ပြောဆိုမှုများလည်း ရှိလာခဲ့ပြီး သူမ၏ပိုင်ဆိုင်မှု အခြေအနေကို မသိသူများကပင် ဒေါ်အောင်ဆန်းစုကြည်တွင် ဘဏ်အကောင့်တစ်ခုသာ ပိုင်ဆိုင်ခြင်းကို မယုံကြည်ကြကြောင်း ပြောဆိုမှုများလည်းရှိလာခဲ့သည်။
ယခုအခါတွင် သူမအနေဖြင့် မည်သည့်အသက်မွေးဝမ်းကြောင်း စီးပွားရေးလုပ်ငန်းမှမရှိပါဘဲ လေယာဉ် စင်းလုံးငှား ခရီးစဉ်များသွားနိုင်ခြင်း၊ တစ်နေ့တစ်မျိုးမထပ်အောင် တန်ဖိုးကြီးချိတ်ဝတ်စုံများဝတ်ဆင် နေနိုင်ခြင်း တို့အတွက်လည်း မေးခွန်းပေါင်းများစွာထွက်ပေါ်လာခဲ့ပြီင်္ဖြစ်သည်။ သူမ၏ ပြောစကားထဲတွင် စားဝတ်နေရေး ကိစ္စ အရပ်ရပ်မှ ပေးကမ်း ထောက်ပံ့မှုများကြောင့်သာ ဖြစ်သည်ဟုလည်း ၀န်ခံသွားခဲ့ကြောင်း သိရှိရသည်။ ဤသို့ဆိုလျှင် ဒေါ်အောင်ဆန်း စုကြည်အား မည်သူတွေက မည်ကဲ့သို့ ထောက်ပံ့နေသနည်း၊ မည်သည့်အဖွဲ့ အစည်းများက မည်သည့် ရည်ရွယ်ချက် များဖြင့် ထောက်ပံ့နေသနည်းဆိုသည်ကိုလည်း ဒေါ်အောင်ဆန်း စုကြည်အနေဖြင့် ဖွင့်ဟ၀န်ခံရမည်ဖြစ်သည်။
.
လက်ရှိထွက်ပေါ်နေသည့် သတင်းများအရ အမျိုးသားဒီမိုကရေစီ အဖွဲ့ချုပ် ၏ ဗဟိုဌာနချုပ်ရုံးတည်ရှိရာ ဗဟန်း မြို့နယ် ရွှေဂုံတိုင်ရှိ အဆောက်အဦမှာ ဒေါ်အောင်ဆန်းစုကြည်၏ အမည်ပေါက်ဟု သိရသည်။ ယခုအခါတွင် NLD ရုံးချုပ်အား ၆ ထပ်အဆောက်အဦဖြင့် အဆင့်မြှင့်တည်ဆောက်မည်ဖြစ်ပြီး ထိုကဲ့သို့ ဆောက်လုပ်ရန်အတွက် မည်သူတွေက နောက်ကွယ်က ထောက်ပံ့ကူညီနေသလဲဆိုတာကိုလည်း ဒေါ်အောင်ဆန်းစုကြည် အနေဖြင့် ထုတ်ဖော်ပြောဆိုသင့် ပေသည်။ နေပြည်တော်တွင် ပြောခဲ့သည့်စကားအရ လက်ရှိသူမ နေထိုင် သည့် တက္ကသိုလ်ရိပ်သာလမ်းရှိ ခြံအမှတ် (၅၄) နှင့် နေပြည်တော်ရှိ နှင်းဆီစံအိမ်များကလည်း သူမအပိုင် မဟုတ်ကြောင်း ဆိုခဲ့သဖြင့် သူမတွင် နေစရာအိမ်ပင် မရှိဘူး ဟုဆိုနိုင်ပေသည်။ သို့သော်လည်း အွန်လိုင်း စာမျက်နှာများတွင်တော့ ဒေါ်အောင်ဆန်းစုကြည်ကိုယ်တိုင် လက်မှတ် ရေးထိုး စာချုပ်ချုပ်ဆိုထားသော အိမ်ခြံမြေများရှိကြောင်း သတင်းများထွက်လာသည့်နောက် သူမ၏ စကားများသည် အလိမ်အညာများ ဖြစ်ကြောင်း ပိုမိုထင်ရှားလာခဲ့သည်။ ဒေါ်အောင်ဆန်းစုကြည်အနေဖြင့် ကျောက်ပန်းတောင်းမြို့နယ်၊ ပုပ္ပါးဒေသ တွင် ခြံတစ်ကွက်ဝယ် ယူထားရှိပြီး အဆိုပါခြံ၏ လက်ရှိပေါက်ဈေးမှာလည်း သိန်းပေါင်း နှစ်သောင်းဝန်းကျင် ရှိကြောင်းသိရသည်။ ထို့အတူ ကော့မှူးမြို့တွင်လည်း သူမအမည်ပေါက်ဖြင့် ၀ယ်ယူထားသောခြံများရှိသကဲ့သို့ ပြင်ဦးလွင်မြို့တွင်လည်း လက်ဆောင်ရရှိထားသော ခြံများရှိကြောင်းကိုလည်း ဒေါ်အောင်ဆန်းစုကြည်၏ လျှို့ဝှက် ပိုင်ဆိုင်မှုများကိုသိရှိသူများက Social Network များမှတစ်ဆင့် ဖော်ပြလာကြသည်။
ထို့အပြင် ဒေါ်အောင်ဆန်းစုကြည်နှင့် ခရိုနီများ၏ ဆက်ဆံမှုများမှာယခင်ကထက် ပိုမိုနီးစပ်လာသော်လည်း ယခင်က လောက် ပွင့်လင်းမှုမရှိတော့သည်ကိုလည်း တွေ့မြင်လာရသည်။ အမေ့အိမ် ပညာရေးကွန်ရက် ရန်ပုံငွေဖျော်ဖြေပွဲတွင် ဒေါ်အောင်ဆန်းစုကြည်ထိုးခဲ့သော ဆွယ်တာအား ခရိုနီ ဦးကျော်ဝင်း ပိုင်ဆိုင်သည့် ရွှေသံလွင် ကုမ္ပဏီမှ ၄၁၅ သိန်းဖြင့် မတန်တဆ ဈေးပေးဝယ်ပြခဲ့သည်။ ထို့အတူ ရန်ပုံငွေဖျော်ဖြေပွဲ ဒုတိယ ရက်တွင်လည်း အမည်မဖော်လို သူတစ်ဦး ဆိုသူက နောက်ထပ် ဆွယ်တာတစ်ထည်အား သိန်း ၆၃၀ ဖြင့် ထပ်မံဝယ်ယူခဲ့သည်။ အဆိုပါ ရန်ပုံငွေပွဲအတွက်လည်း သိန်းထောင်ပေါင်းများစွာရရှိခဲ့ပြီး Sky Net အသံလွှင့် ဌာနမှ သိန်းပေါင်း ၁၃၀၀၊ AGD ဘဏ်မှ သိန်း ၅၀၀ စသည်ဖြင့် လှူဒါန်းမှုများလည်းရှိခဲ့သည်။ ထို့အတူ ဒီချုပ် ဗဟိုဌာနချုပ် ဆောက်လုပ်ရန်အတွက်လည်း မြန်မာပြည်၏ Top Ten စာရင်းဝင် သူဌေးကြီးများ အပြိုင်အဆိုင် လှူဒါန်းမှုများရှိခဲ့သလို ဒေါ်အောင်ဆန်းစုကြည်၏ အိမ်စရိတ်ကို တာဝန်ယူပေး နေသည့် သူဌေးကြီးများ ရှိသည်ဆိုသည့် သတင်းကလည်း NLD အသိုင်းအ၀ိုင်းမှပင် ထွက်ပေါ်လာခဲ့ခြင်းဖြစ်သည်။ ထို့အတူပင် ၈၈ မျိုးဆက် ကျောင်းသားခေါင်းဆောင်တစ်ဦး ပြောဆိုခဲ့သည့် အချက်အလက်အရ ဒေါ်အောင်ဆန်းစုကြည်၏ ၀တ်စုံစရိတ်မှာ တစ်လတွင် သိန်း ၅၀ ခန့် ကုန်ကျပြီး ထိုစရိတ်များ ကိုလည်း ခရိုနီများကပင် အလုအယက်တာဝန်ခံ နေကြကြောင်းကိုလည်း သိရသည်။
ဒေါ်အောင်ဆန်းစုကြည်အနေဖြင့် ဘဏ်အကောင့်တစ်ခုရှိသည်ဟု ဆိုလျှင်ထိုဘဏ်အကောင့်ထဲတွင်ရှိသော ငွေကြေး ပမာဏ ကိုလည်း ဖွင့်ဟပြောဆိုသင့်ပေသည်။ နိုဘယ်လ်ဆု အပါအ၀င် နိုင်ငံတကာဆုပေါင်း ၁၀၀ ကျော် ရရှိထားသည့် သူမအနေဖြင့် ထိုဆုတံဆိပ်များမှ ရရှိသော လစဉ်၊ နှစ်စဉ်ကြေးများကို ပြည်သူလူထုအား ထုတ်ဖော်ပြောဆိုသင့်သည်။ ထိုမှသာလျှင် OIC အဖွဲ့များ၏ ထောက်ပံ့ကြေးများ၊ CIA နှင့် အနောက် အုပ်စုများ၏ ခေါင်းစဉ်အမျိုးမျိုးပြသော ထောက်ပံ့ ကြေးများ ရရှိနေသည်ဆိုသော အတွင်းသတင်းများ ထွက်ပေါ်နေမှုအား ချေဖျက်နိုင်မည်ဖြစ်သည်။
ဒေါ်အောင်ဆန်းစုကြည်အနေဖြင့် ၁၉၈၇ ခုနှစ်တွင် မြန်မာပြည်သို့ ပြန်ရောက်စဉ်က ဒေါ်လာ ၄၀၀ ကျော်နှင့် အထုပ်နှစ်ထုပ်သာပါရှိကြောင်း သိရှိရသည်။ ထိုကာလနှင့် ယနေ့ကာလ ပိုင်ဆိုင်မှုများအား နှိုင်းယှဉ်ကြည့်မည် ဆိုလျှင် များစွာကွာဟလွန်းလှပေသည်။ ထို့ကြောင့် ဒေါ်အောင်ဆန်းစုကြည်ပြောဆိုသည့် သူမတွင် နေစရာ အိမ်ပင်မရှိဘူးဆိုသည့် သဘောသက်ရောက်သော စကားမှာ လွန်စွာဟာသမြောက်သည်ဟု ဆိုရမည်ဖြစ်သည်။ ထို့ကြောင့် ဒေါ်အောင်ဆန်း စုကြည်အနေဖြင့် မိမိပိုင်ဆိုင်မှုကို ပြည်သူလူထုအား အမှန်တကယ် ချပြမည်ဆိုလျှင် အမှန်တကယ် ပိုင်ဆိုင်သည့်အရာ အားလုံးကို ချပြရန်လိုအပ်ပေသည်။ နိုင်ငံအနှံ့အပြားတွင် ၀ယ်ယူထားသော ခြံကွက်များ၊ လက်ဆောင်ပဏ္ဍာရရှိထားသော မြေကွက်များကိုပါ ဖော်ထုတ်ပြောဆိုရန် လိုအပ်သကဲ့သို့ ဘဏ်အကောင့်တွင်ရှိသော ငွေပမာဏများ၊ ထိုငွေကြေးများ ကိုလည်း မည်သည့်အဖွဲ့အစည်းများက ထောက်ပံ့ထားသည်ဆိုသည့် အကြောင်းများ၊ ခရိုနီများက မည်ကဲ့သို့ စပွန်စာ ပေးထားသလဲဆိုသည့် အကြောင်းတရားများကိုလည်း ပြည်သူလူထုအား ရဲရဲဝံ့ဝံ့ ချပြပြောဆိုရမည်ဖြစ်သည်။ ထိုကဲ့သို့ မဟုတ်ဘဲ အလိမ်အညာများဖြင့် ပြည်သူသနားယုံသက်သက် လုပ်ကြံပြောဆို နေအုံးမည်ဆိုလျှင်တော့ ပြည်သူ့ ခေါင်းဆောင်တစ်ဦးမဖြစ်ထိုက်ဟုပင် သုံးသပ်ရတော့မည်ဖြစ်သည်။
#လက္ယ်ာ

.. https://www.facebook.com/MyanmarExpress
 

Posted in: အသုံးမကျတဲ့ ဒေါ်စု နဲ့ NLD,ဆောင်းပါး