ပြောင်းလဲချိန်တန်ပြီ မဲဆွယ်ဗွီဒီယိုမှ အလွဲများ (အပိုင်း-၂)

From : .. #‎ဒေါက်တာမျိုးချစ်‬

ဇာတ်လမ်းမလာခင် လိုရာစွဲ စာတမ်းထိုးပြီး အစိုးရမကောင်းကြောင်း မေးခွန်းထုတ်ကာ NLD ကို မဲထည့်ခိုင်းတာ မဖြစ်သင့်ကြောင့် ရေးခဲ့ပြီးဖြစ်ပါတယ်။ ဇာတ်လမ်းအကြောင်း ဆက်ပါအုံးမယ်။

ဇာတ်လမ်းထဲမှာ အဆိုးရွားဆုံးကိစ္စတော့ ရုပ်ရှင်အစည်းအရုံးဥက္ကဌ လူမင်းရဲ့ ပြည်သူလူထုကို လိမ်ညာ ပြောဆိုခြင်းဖြစ်ပါတယ်။ လူမင်းက NLD ပါတီဝင်တစ်ဦးအနေနဲ့ သရုပ်ဆောင်ထားပြီး ၂၀၁၅ ရွေးကောက်ပွဲမှာ မိုးကျရွှေကိုယ် ကိုယ်စားလှယ်လောင်း မပါဘူးလို့ လိမ်ညာပြောဆိုခဲ့ပါတယ်။ လူမင်းကိုယ်တိုင်က တကယ် မသိလို့ပြောတာလား၊ တမင်တကာ လိမ်ပြောတာလား၊ ဒါရိုက်တာ ဝိုင်းက လိမ်ခိုင်းလို့ လိမ်တာလားဆိုတာ မေးခွန်းထုတ်စရာရှိပါတယ်။ တမင်လိမ်ပြောတာဆိုရင်တော့ လူမင်းမှာ တာဝန်ရှိပါတယ်။ ပြည်သူကို လိမ်ညာမှု အတွက် ပြန်တောင်းပန်ဖို့ လိုပါတယ်။ လိုအပ်ရင် ရုပ်ရှင်အစည်းအရုံးဥက္ကဋ္ဌ ရာထူးကပါ နှုတ်ထွက်ရမှာပါ။ မင်းသားတစ်ယောက်အနေနဲ့ အခကြေးငွေယူထားလို့ ဒါရိုက်တာဝိုင်းက လိမ်ခိုင်းခြင်းကြောင့် လိမ်ရပြီး၊ ဇာတ်ညွန်းထဲမှာ ပါသမျှအတိုင်း သရုပ်ဆောင်ရတယ်ဆိုရင်တော့ ဇာတ်လမ်းထဲက လူမင်းရဲ့ စကား အားလုံးဟာ သာမန်နားထောင်ကောင်းတဲ့ ဇာတ်လမ်းတစ်ပုဒ်လို့ပဲ မှတ်ယူရမှာပါ။ ဒါပေမယ့် ဇာတ်ညွန်းရေးတဲ့ မိုက်တီး၊ ကြည်ဖြူရှင်နဲ့ ဒါရိုက်တာဝိုင်း သာမက တည်းဖြတ်တဲ့ ဒေါ်အောင်ဆန်းစုကြည်တို့အနေနဲ့ ပြည်သူကို လိမ်ညာမှုအတွက် ပြန်ဖြေရှင်းရပါလိမ့်မယ်။

လူမင်းပြောတဲ့ မိုးကျရွှေကိုယ် မပါဘူးဆိုတဲ့ ပြောစကားဟာ ဖယ်ရှားခံခဲ့ရတဲ့ ကိုကိုကြီး၊ ကိုမြအေး၊ ဒေါ်ညိုညိုသင်းတို့ကို ရည်ရွယ်တာဖြစ်နိုင်ပြီး NLD ပါတီဝင်တွေ ကျေနပ်စေဖို့ မိုးကျရွှေကိုယ်မပါဘူးလို့ ပြောဆိုခဲ့တာ ဖြစ်နိုင်ပါတယ်။ ဒါပေမယ့် ကိုယ်စားလှယ်လောင်းစာရင်းမှာ NLD ပါတီဝင်မဟုတ်တဲ့ မိုးကျ ရွှေကိုယ်တွေ အများကြီးရှိနေပါတယ်။ အမျိုးသားလွှတ်တော် မဲဆန္ဒနယ်အမှတ် (၁၀) မှ ဒေါ်နော်လှလှစိုး၊ ဒဂုံမဲဆန္ဒနယ်မှ ဒေါ်သက်သက်ခိုင်၊ ဒေါပုံမဲဆန္ဒနယ်မှ ကိုပြုံးချို၊ ရန်ကင်းမဲဆန္ဒနယ်မှ ဒေါ်ဇင်မာအောင် နဲ့ သင်္ဃန်းကျွန်းမဲဆန္ဒနယ်မှ ကိုနေဘုန်းလတ်တို့ဟာ အခုမှ NLD တံဆိပ်ကပ်တဲ့ မိုးကျရွှေကိုယ် စစ်စစ်တွေ ဖြစ်ပါတယ်။

ဇာတ်လမ်းအစမှာ ယာဉ်ထိန်းရဲတွေကို တိုက်ခိုက်ပြောဆိုထားပါတယ်။ ကားနှစ်စီးချိတ်မိစဉ် ရဲမရှိလို့ ယာဉ်ကြောပိတ်ဆို့နေရတယ်လို့ ဆိုပါတယ်။ နေရာတိုင်းမှာ လူဆိုးလူကောင်း တွဲရှိတဲ့အတွက် တာဝန်ကျေပွန်စွာနဲ့ နေပူမရှောင်၊ မိုးရွာမရှောင်ဘဲ လမ်းပေါ်မှာ ပင်ပင်ပန်းပန်လုပ်နေရတဲ့ ယာဉ်ထိမ်းရဲတွေအတွက် စိတ်မကောင်းဖြစ်ရပါတယ်။ မော်တော်ပီကယ်တွေနဲ့ ရဲတွေအနေနဲ့ ၎င်းတို့ကို အပြစ်တင်ပြီး မဲတောင်းသွားတဲ့ NLD ကို မဲထည့်သင့်/မထည့်သင့် စဉ်းစားရမှာပါ။

အဲဒီနောက် ရှေ့မှာပိတ်လို့ နောက်ပြန်လှည့်မယ်ဆိုတဲ့ ကားသမား မေတ္တာကို မင်းသမီး သဉ္စာဝင့်ကျော်က “ရှင်တို့က တစ်စိတ်ရှိ နောက်ကြောင်းပြန်မယ်ဆိုတာချည်းပဲ” လို့ ဆိုပါတယ်။ ဒီစကားက ဗွီဒီယိုကြည့်တဲ့ပြည်သူဆီကို အစိုးရ ထစ်ကနဲရှိ နောက်ကြောင်းပြန်လှည့်မယ်လို့ ပြောတတ်တယ်ဆိုတဲ့ မက်ခ်ျဆေ့ပေးထားတာ ဖြစ်နိုင်ပါတယ်။ သာမန်ပြည်သူတစ်ဦးအနေနဲ့ အစိုးရက နောက်ကြောင်းပြန်ဖို့ ခဏခဏပြောခဲ့သလားဆိုတဲ့ အတွေးမျိုး ယူဆသွားဖွယ်ရှိပါတယ်။ ဒါပေမယ့် ၅ နှစ်တာအတွင်းမှာ သမ္မတ ဦးသိန်းစိန်၊ ဦးတင်အေး၊ ဦးရွှေမန်း၊ ဦးရဲထွဋ်၊ ဦးအောင်မင်း၊ ဦးစိုးသိန်း သာမက ကာချုပ်မင်းအောင်လှိုင်ကပါ နောက်ကြောင်းပြန်လှည့်စရာအကြောင်း လုံးဝမရှိဟု အကြိမ်ကြိမ်ပြောဆိုခဲ့တာ စာဖတ်သူအများ သိနိုင်ပါ တယ်။ ဒီတော့ ဒီစကားရဲ့ ဆိုလိုရင်းကိုပါ မေးခွန်းထုတ်ရမှာပါ။

နောက်တစ်ယောက်ကတော့ ဘွဲ့ရပညာတတ်ပြီး နိုင်ငံခြားမှာ ကျွန်ခံမယ်ဆိုတဲ့ ချစ်သုဝေဖြစ်ပါတယ်။ မြန်မာနိုင်ငံမှာ အလုပ်ရှားပါးခက်ခဲပြီး အလုပ်လက်မဲ့ဦးရေ များပြားတယ်လို့ ဆိုပါတယ်။ အဲဒီနောက် ကျန်တဲ့ အနုပညာသည်များပေါင်းကာ အစိုးရကြောင့်ဆိုပြီး ခေါင်းတည်ပါတယ်။ တကယ်တော့ အလုပ်လက်မဲ့ ပြဿနာဟာ နိုင်ငံတကာမှာ ရင်ဆိုင်နေရတဲ့ ပြဿနာပါ။ အလုပ်လက်မဲ့ရှိတိုင်း အစိုးရမကောင်းဘူး ပြောရမယ်ဆိုရင် အလုပ်လက်မဲ့အများဆုံး ၁၀ နိုင်ငံ စာရင်းဝင်တဲ့ ဂရိ၊ ပေါ်တူဂီ၊ စပိန်နဲ့ တောင်အာဖရိက နိုင်ငံတို့က သမ္မတတွေကို အပြစ်တင်ရမလိုဖြစ်နေပါတယ်။ ကမ္ဘာ့စစ်တမ်းများအရ အလုပ်လက်မဲ့ အများဆုံး နိုင်ငံ ၁၀၀ စာရင်းမှာတောင် မြန်မာနိုင်ငံ မပါဝင်ပါဘူး။ ဒါကို မင်းသမီး ချစ်သုဝေနဲ့ ဒါရိုက်တာဝိုင်းတို့ သိဖို့လို ပါတယ်။

မိုးယံဇွန်ရဲ့ “လင်ယူရင် လင်က လုပ်ပြီးကိုင်ပြီးမှ ကျွေးတယ်” ဆိုတဲ့ ရိုင်းဆိုင်းတဲ့ စကားကိုတော့ အကျယ်ချဲ့ပြီး မဝေဖန်တော့ပါဘူး။ ပြည်သူဆီက မဲဆွယ်တဲ့ ဗွီဒီယိုမျိုးမှာ မလိုအပ်ဘဲ ရိုင်းစိုင်းတဲ့စကားလုံးတွေ မထည့်သင့်ဘူးထင်ပါတယ်။ မတော်တဆ ကြည့်မိတဲ့ ဆရာတော်ကြီးတွေ၊ အမျိုးသမီးငယ်တွေကို အားနာ သင့်ပါတယ်။

ဆက်လက်ဖော်ပြမည်။

‪.. https://www.facebook.com/MyanmarExpress
 

Posted in: အသုံးမကျတဲ့ ဒေါ်စု နဲ့ NLD