ခေတ်သစ်ကိုလိုနီတွေရဲ့ ရန်ကိုကာကွယ်ထားရတာပါ

          နိုင်ငံဆိုတာ အစိုးရအဖွဲ့တစ်ခုရဲ့ ဖွဲ့စည်းထားရှိမှုနဲ့ အချုပ်အခြာအာဏာတည်ရှိပြီး လိုက်ပါဆောင်ရွက်ဖို့ အမိန့်စာတွေကို ဥပဒေနဲ့လိုက်နာစေခြင်းဖြစ်ပါတယ်။ သတ်မှတ်ထားတဲ့ ပိုင်နက်နယ်မြေအတွင်း စီရင်ဆုံးဖြတ် အုပ်ချုပ်ပိုင်ခွင့်ရှိပြီး မိမိစီရင်အုပ်ချုပ်ပိုင်ခွင့်ကို အင်အားသုံး၍ ခိုင်မာစွာအတည်ပြုအောင် စုစည်းတိုက်တွန်း လုပ်ဆောင်နိုင်ခွင့်ရှိတဲ့ နိုင်ငံရေးအဖွဲ့အစည်းမျိုးလည်းဖြစ်ပါတယ်။ နိုင်ငံတစ်ခုအဖြစ် သတ်မှတ်ဖို့ အစိုးရတစ်ရပ် ရှိခြင်း (Government)၊ သတ်မှတ်နယ်မြေတစ်ခုရှိခြင်း (Territory)၊ လူဦးရေ(Population)၊ အချုပ်အခြာအာဏာ (Sovereignty) စတဲ့ အရည်အချင်း ၄ ရပ်နဲ့ ညီညွတ်ရမည့်အပြင် နိုင်ငံတကာမှ အသိအမှတ်ပြုခြင်း (Recognition) နဲ့လည်းပြည့်စုံဖို့လိုအပ်ပါတယ်။ နိုင်ငံဆိုတဲ့ ဝေါဟာရကို State ဟုလည်းကောင်း၊ Nation ဟုလည်းကောင်း သုံးနှုန်း ကြပေမယ့် အမှန်တော့ Nation အဆင့်ဖွံ့ဖြိုးတိုးတက်လာလို့ State ဖြစ်လာခဲ့ပါတယ်။

          ၁၇ ရာစုနှစ်မှစပြီး ယနေ့နားလည်လာကြတဲ့ အဓိပ္ပာယ်မျိုး စတင်ကူးပြောင်းလာခဲ့ပါတယ်။ Nation-State ဆိုတာလူထု (Nation) နဲ့ အစိုးရဖွဲ့စည်းမှု (State) အစုအပေါင်းဖြစ်ကာ အတိုကောက်အနေနဲ့Nationလို့ ယနေ့တိုင် နားလည်သုံးနှုန်းနေကြတာဖြစ်ပါတယ်။ နိုင်ငံသားဆိုတာ နိုင်ငံတစ်ခုမှာ မှီတင်းနေထိုင်ကြသူများလို့ ယေဘုယျ နားလည်နိုင်ပေမယ့် အဲ့ဒီနိုင်ငံကပြဋ္ဌာန်းထားတဲ့ နိုင်ငံသားပြုမှုဥပဒေနဲ့ ညီညွတ်ဖို့လိုအပ်ပါတယ်။ လက်တင်ဘာသာ က ဆင်းသက်လာတဲ့ မြို့ပြ(City) ၌ နေထိုင်ကြသူကို နိုင်ငံသား (Citizen)လို့ ဆိုလိုတာဖြစ်ပါတယ်။ ၁၇၈၉ ခုနှစ် ပြင်သစ်တော်လှန်ရေးပြီးတဲ့နောက် အဲ့ဒီအယူအဆ အနည်းငယ်ပြောင်းလဲလာပြီး ယဉ်ကျေးမှုသမိုင်းကြောင်း၊ ဒေသလက္ခဏာတွေပါဝင်တဲ့ အယူအဆဟာ နိုင်ငံသားဆိုတဲ့ အဓိပ္ပာယ်ကို ပိုလေးနက်လာစေခဲ့ကာ အခြား နိုင်ငံတွေကို ပျံ့နှံ့သွားခဲ့ပါတယ်။ နောက်ပိုင်းမှာ နိုင်ငံတစ်နိုင်ငံအတွင်း နေထိုင်သောသူ၊ သို့မဟုတ် ပြည်ပတွင် နေထိုင်သော်လည်း အဲ့ဒီနိုင်ငံက အသိအမှတ်ပြုသူဖြစ်ရင် နိုင်ငံသားလို့ သတ်မှတ်ခဲ့ကြပါတယ်။

          နိုင်ငံတစ်နိုင်ငံမှာ တစ်စုံတစ်ရာအားကောင်းတဲ့ အစိုးရတစ်ရပ်ရှိရမှာဖြစ်ပါတယ်။ အားကောင်းတဲ့အစိုးရ တစ်ရပ်မရှိတဲ့နိုင်ငံဟာ ပြိုကွဲသွားမှာပဲဖြစ်ပါတယ်။ မျက်မှောက်ကာလကိုလေ့လာကြည့်လျင် ဆိုမာလီယာနိုင်ငံဟာ အင်အားကောင်းတဲ့အစိုးရမရှိတာကြောင့် တည်ငြိမ်မှုပျက်ပြားပြီး အခြားနိုင်ငံတွေရဲ့ စွက်ဖက်မှုကို ကောင်းစွာခံနေ ရသလို ထိုင်းနိုင်ငံမှာဖြစ်ပွားနေတဲ့ ပဋိပက္ခတွေဟာလည်း ကျွန်တော်တို့နိုင်ငံအတွက် သင်ခန်းစာယူစရာတွေပဲဖြစ် ပါတယ်။ ဒါတွေဟာ နိုင်ငံတစ်နိုင်ငံရဲ့ အစိုးရအင်အားချိနဲ့ချိန်မှာ ပြည်တွင်းရေးရာကိစ္စရပ်တွေ၊ နိုင်ငံတကာရေးရာ ကိစ္စရပ်တွေ မှာ အခက်အခဲတွေ့ရတတ်တဲ့ သာဓကတွေပဲဖြစ်ပါတယ်။

          ခေတ်သစ်အစိုးရတစ်ရပ်ရဲ့လုပ်ငန်းဟာ ပြည်သူများကောင်းစွာ အသက်ရှင်နေထိုင်ရေး၊ တည်ငြိမ်ရေး၊ စီးပွားရေးတိုးတက်မှု၊ လူမှုသာယာဝပြောရေးတို့ပဲဖြစ်ပါတယ်။ နိုင်ငံတစ်နိုင်ငံဟာ ဒီရည်မှန်းချက်တွေကို ကောင်းကောင်းထိန်းသိမ်းစောင့်ရှောက်နိုင်ရမည့်အပြင် ခိုင်မာစွာရပ်တည်နိုင်ရမှာပဲဖြစ်ပါတယ်။ နိုင်ငံတော်ဖွဲ့စည်းပုံ အခြေခံဥပဒေဆိုတာဟာလည်း အုပ်စိုးသူအစိုးရနဲ့ ပြည်သူတွေကြားက သဘောတူညီချက်တစ်ရပ်ဖြစ်ပါတယ်။ နိုင်ငံတော်ဖွဲ့စည်းပုံအခြေခံဥပဒေဟာ အချုပ်အခြာအာဏာပိုင်ဆိုင်တဲ့ နိုင်ငံတိုင်းမှာ မရှိမဖြစ်လိုအပ်တဲ့ ဥပဒေပဲ ဖြစ်ပါတယ်။ ဒါကြောင့် နိုင်ငံတစ်နိုင်ငံရဲ့ ဖွဲ့စည်းပုံအခြေခံဥပဒေဟာ အဲ့ဒီနိုင်ငံရဲ့ ကြေးမုံပြင်ပဲဖြစ်တယ်လို့ အမှတ်အသားပြုခဲ့ကြတာဖြစ်ပါတယ်။

          နိုင်ငံတော်ဖွဲ့စည်းပုံအခြေခံဥပဒေကို ရေးဆွဲရာမှာ အဲဒီနိုင်ငံရဲ့ နိုင်ငံရေးအခြေအနေ၊ ပထမဝီအနေအထား၊ ယဉ်ကျေးမှု၊ နိုင်ငံတွင်းနေထိုင်တဲ့ လူမျိုးစုများရဲ့အခြေအနေ၊ လူမှုရေး၊ ဘာသာရေး၊ စီးပွားရေး စတာတွေကို အတတ်နိုင်ဆုံးအံဝင်ခွင်ကျဖြစ်အောင် ရေးဆွဲကြတာဖြစ်ပါတယ်။ ဒါကြောင့် ကျွန်တော်တို့နိုင်ငံမှာလည်း ခေတ်အခါ အလိုက် ၁၉၄၇ ခုနှစ် ဖွဲ့စည်းအုပ်ချုပ်ပုံအခြေခံဥပဒေ၊ ၁၉၇၄ ခုနှစ် ဖွဲ့စည်းပုံအခြေခံဥပဒေနဲ့ လက်ရှိကျင့်သုံး နေသော ပြည်ထောင်စုသမ္မတ မြန်မာနိုင်ငံတော်ဖွဲ့စည်းပုံအခြေခံဥပဒေ( ၂၀၀၈ ) တို့ကို ပြဋ္ဌာန်းခဲ့ရပါတယ်။

          ၂၀၀၈ ခုနှစ် ဖွဲ့စည်းပုံအခြေခံဥပဒေကို ရေးဆွဲရာမှာ တိုတောင်းတဲ့ကာလအတွင်း ရေးဆွဲရတာမဟုတ်ပဲ မြန်မာနိုင်ငံအတွင်းမှာရှိတဲ့ နိုင်ငံရေးပါတီများ၊ များစွာသော အဖွဲ့အစည်းတွေနဲ့ တိုင်းရင်းသားကိုယ်စားလှယ်တွေက အမျိုးသားညီလာခံကို အကြိမ်ကြိမ်တက်ရောက်၍ ကြိုးစားဆောင်ရွက်ခဲ့ရတာဖြစ်ပါတယ်။ ယနေ့အချိန်အခါဟာ ၂၀၁၅ ခုနှစ် ရွေးကောက်ပွဲဆောင်ရွက်မယ့် ကာလကိုတစ်ဖြည်းဖြည်းချဉ်းကပ်လာတာနှင့်အမျှ ပါတီခေါင်းဆောင် တွေ သမ္မတဖြစ်ခွင့်ရရှိရေးအတွက် ပုဒ်မ (၄၃၆)နဲ့  ပုဒ်မ (၅၉)စ ကို ပြင်ဆင်ဖို့ တောင်းဆိုမှု၊ လှုံ့ဆော်မှု၊ ဆန္ဒပြ မှုတွေ ပြုလုပ်နေကြတာတွေ့ ရပါတယ်။ အခြားတစ်ဖက်မှ အင်အားစုများကလည်း နိုင်ငံတော်ရဲ့ အမျိုး၊ ဘာသာ၊ သာသနာကို စောင့်ရှောက်ဖို့အတွက် ဒီဥပဒေတွေကို မပြင်သင့်ကြောင်း ပြည်သူ့ဆန္ဒဖော်ထုတ်ပွဲများ ပြုလုပ်နေကြ တာလည်း တွေ့ရပါတယ်။

          ကျွန်တော်တို့နိုင်ငံဟာ အိမ်နီးချင်း တရုတ်၊ အိန္ဒိယနိုင်ငံတွေက လူဦးရေပေါက်ကွဲမှုကြောင့် နိုင်ငံတွင်းသို့ တရားမ၀င်နယ်စပ်ဖြတ်ကျော်ဝင်ရောက်နေထိုင်မှု များပြားတဲ့ နိုင်ငံဖြစ်လာခဲ့ပါတယ်။ ပုဒ်မ (၅၉)စ ပါ သမ္မတ အရည်အချင်းကို ပြင်ဆင်မယ်ဆိုပါက မြန်မာနိုင်ငံရဲ့ မူရင်းတိုင်းရင်းသားနဲ့ နိုင်ငံသားမဟုတ်သူတို့ တိုင်းပြည်ကို ဦးဆောင်ကွပ်ကဲခွင့်ရရှိသွားနိုင်ပြီး နိုင်ငံရဲ့ကံကြမ္မာဟာ မတွေးဝံ့စရာဖြစ်ပါတယ်။ ဒါကြောင့် လွတ်လပ်ရေးဖခင်ကြီး ဗိုလ်ချုပ်အောင်ဆန်းနဲ့ အရှည်မျှော်တွေးတတ်တဲ့ အကြီးအကဲတွေက ရှေးယခင်ကပင် ဒီဥပဒေကို ကြိုတင်ပြဋ္ဌာန်းခဲ့ တာဖြစ်ပါတယ်။ လက်ရှိမြန်မာနိုင်ငံရဲ့ အခြေအနေဟာလည်း လွတ်လပ်ရေးဖခင်ကြီး ဗိုလ်ချုပ်အောင်ဆန်း မျှော်မှန်း ခဲ့တဲ့အတိုင်း တရုတ်နဲ့အိန္ဒိယတို့ မြန်မာနိုင်ငံကို အရှေ့နဲ့အနောက်က အပြိုင်အဆိုင်ဖြတ်သန်းဝင်ရောက်ကာ နိုင်ငံရဲ့ အရေးကြီးတဲ့ စီးပွားရေးလုပ်ငန်းတွေနဲ့ အချက်အခြာနေရာတွေကို တိုးချဲ့ထိန်းချုပ်မှု ပြုလုပ်လာခဲ့ကြပါတော့တယ်။ နိုင်ငံရဲ့စီးပွားရေးလောကမှာ တရုတ်နဲ့ ကုလားက ဦးဆောင်နေသလို တစ်ချိန်ချိန်မှာ နိုင်ငံရေးလောကနဲ့ နိုင်ငံ ခေါင်းဆောင်နေရာကိုရယူဖို့ နည်းမျိုးစုံနဲ့ ကြိုးပမ်းလာမှာမလွဲဧကန်ဖြစ်ပါတယ်။

          မြန်မာနိုင်ငံရဲ့ နိုင်ငံရေးဦးဆောင်မှုတွင် မည်သည့်မြန်မာနိုင်ငံသား တိုင်းရင်းသားတစ်ဦးကိုမျှ ကန့်သတ်ထား လိုခြင်းမရှိကြောင်း နိုင်ငံတော်သမ္မတ ဦးသိန်းစိန်က မတ်လ ၂၉ ရက်က ရန်ကုန်တိုင်းအစိုးရရုံး လွှတ်တော် အဆောက်အအုံမှာပြုလုပ်တဲ့ နိုင်ငံတော်သမ္မတနဲ့ နိုင်ငံရေးပါတီများ တွေ့ဆုံပွဲမှာ ထပ်မံပြောကြားသွားခဲ့ပါတယ်။ ဒါဟာ ပုဒ်မ(၅၉)စ နဲ့ပတ်သက်လို့ ဒေါ်အောင်ဆန်းစုကြည်တစ်ယောက်ထဲကို ရည်ရွယ်တာမဟုတ်ဘူးဆိုတာ သက်သေပြမှုတစ်ခုဖြစ်ပါတယ်။ ကျွန်တော်တို့နိုင်ငံဟာ လွတ်လပ်ရေးမရမီကာလကပင် ယနေ့တိုင်အောင် နိုင်ငံရေး စနစ်များစွာကို ဖြတ်သန်းခဲ့ဖူးပြီး နိုင်ငံခြားတိုင်ပြည်များရဲ့ သြဇာလွှမ်းမိုးမှုခံရချိ်န်များမှာ ၎င်းတို့ရဲ့အကျိုးစီးပွား အတွက် နိုင်ငံအတွင်းရှိ နိုင်ငံသားတွေကို အမျိုးမျိုးသွေးကွဲအောင်ပြုလုပ်ပြီး ၎င်းတို့အလိုကျ ကွပ်ကဲမှုယူနိုင်ရေး ကြိုး ပမ်းခဲ့ကြပါတယ်။ မြန်မာ့လွတ်လပ်ရေးခေါင်းဆောင် ဗိုလ်ချုပ်အောင်ဆန်းဟာလည်း ဗြိတိသျှအစိုးရရဲ့ တစ်ဖက် လှည့် ကောက်ကျစ်တဲ့အစီအမံအောက်မှာ နိုင်ငံသားအချင်းချင်း ပြန်လည်လုပ်ကြံစေပြီးထက်မြတ်တဲ့ နိုင်ငံရေး ဦးဆောင်မှုကို အဆုံးသတ်ခြင်းခံခဲ့ရတာဖြစ်ပါတယ်။

          ဒါကြောင့် နိုင်ငံကိုချစ်သော နိုင်ငံနဲ့လူမျိုးအတွက် လွတ်လပ်ရေးကို ကာကွယ်စောင့်ရှောက်ရန် ဆန္ဒပြင်းပြ တဲ့ ကျွန်တော်တို့တိုင်းရင်းသားပြည်သူများဟာ ခေတ်သစ်ကိုလိုနီကို ပြန်လည်အသက်သွင်းလိုတဲ့ တိုင်းတစ်ပါးသား တို့ရဲ့ ကြိုးပမ်းမှုကို ကာကွယ်တဲ့ဥပဒေတွေဖြစ်သော ပုဒ်မ(၅၉)စနဲ့ ပုဒ်မ (၄၃၆)တို့ကို စစ်မှန်တဲ့ မျိုးချစ်စိတ်ဓာတ်၊ ပြည်ထောင်စုစိတ်ဓာတ်တွေနဲ့ ဆက်လက်ကာကွယ်ကြရမှာဖြစ်ပါတယ်။

                                                                                                              စိုင်းထက်တင်

Posted in: ဆောင်းပါး