သင်္ကြန်ကာလအတွင်း ရန်ကုန်မြို့ရှိ လမ်းအချို့အား တစ်လမ်းမောင်းစနစ် ကျင့်သုံးမည်

From : ခေတ်လူငယ်

 မဟာသင်္ကြန်ပွဲတော်ကာလဖြစ်သည့် ဧပြီ ၁၂ ရက် (အကြိုနေ့) မှ ၁၆ ရက်နေ့ (အတက်နေ့) အထိ နံနက် ၆ နာရီမှ ညနေ ၆ နာရီအတွင်း ရန်ကုန်မြို့ရှိ အောက်ဖော်ပြပါ လမ်းများအား တစ်လမ်းမောင်းစနစ်ကျင့်သုံးမည်ဖြစ်သည်။ (က) ကမ္ဘာအေးစေတီလမ်း။ ပါရမီလမ်းဆုံမှစက်မှု(၁) လမ်းဆုံအထိ မြောက်မှ တောင်သို့ တစ်လမ်းမောင်းသတ်မှတ်သည်။ (ခ) စက်မှု(၁) လမ်း။ ကမ္ဘာအေးစေတီလမ်းဆုံမှ ဆရာစံလမ်းဆုံအထိ အနောက်မှ အရှေ့သို့ တစ်လမ်းမောင်းသတ်မှတ်သည်။ (ဂ) တက္ကသိုလ်ရိပ်သာလမ်းသစ်။ စက်မှု(၁) လမ်းဆုံမှ ကုက္ကိုင်းလမ်းဆုံအထိ အရှေ့မှ အနောက်သို့ တစ်လမ်းမောင်းသတ်မှတ်သည်။ (ဃ) ဆရာစံလမ်း။ စက်မှု(၁) လမ်းဆုံမှ ကမ္ဘာအေးစေတီလမ်းဆုံအထိ အရှေ့မှ အနောက်သို့ တစ်လမ်းမောင်း သတ်မှတ်သည်။ (င) ကန်တော်ကြီးပတ်လမ်း။ ဦးထောင်ဘိုအဝိုင်း၊ တိရစ္ဆာန်ဥယျာဉ်ဘက်မှ ကန်ရိပ်သာလမ်းသို့ အဝင်လမ်းသတ်မှတ်ပြီး ကန်ရိပ်သာလမ်းအတိုင်း လက်ဝဲရစ်မောင်းနှင်၍ ၎င်းမှ နတ်မောက်လမ်းအတိုင်း ကမ္ဘာအေးစေတီလမ်းဆုံသို့ အထွက်သတ်မှတ်ထားရှိသည်။ ကန်တော်ကြီးပတ်လမ်းသို့ ချဉ်းကပ်လမ်းများအားလုံး ညာကွေ့ပြီး လက်ဝဲရစ် သွားရမည်ဖြစ်သည်။ (ကန်တော်ကြီးပတ်လမ်းသို့ ဝင်ရောက်မည့် အထက်ပန်းဆိုးတန်းလမ်းမှ ယာဉ်များသည် ဒေါ်လာတင်မီးပွိုင့် မှ လည်းကောင်း၊ သိမ်ဖြူလမ်းမှ ယာဉ်များသည် သိမ်ဖြူ(၅) ခွဆုံမှ လည်းကောင်း လမ်းလွှဲအတိုင်းသွားရမည်ဖြစ်သည်။   ဖော်ပြပါ ကန်တော်ကြီးပတ်လမ်း တစ်လျှောက်တွင် နံနက် ၆ နာရီမှ ညနေ ၆ နာရီ အထိ မော်တော်ယာဉ်များ ရပ်နားခြင်းမပြုကြရန်နှင့် မော်တော်ယာဉ်များသည် သတ်မှတ်ထားသည့် လမ်းများမှ မောင်းနှင်ကြပါရန် သတိပေးနှိုးဆော်အပ်ပါကြောင်းသိရှိရသည်။


 Myanmar Express 

Posted in: သတင်း