ဗြိတိန် ဝန်ကြီးချုပ် မြန်မာနိုင်ငံလာမည်

 ဗြိတိန်ဝန်ကြီးချုပ် ဒေးဗစ် ကင်မရွန်း

ဗြိတိန် ၀န်ကြီးချုပ်ဟာ ဒီသတင်းပတ် အတွင်းမှာ မြန်မာနိုင်ငံကို တရက်ကြာ ခရီးသွားဖို့ ရှိပါတယ်။ ဧပြီလ ၁၃ ရက်နေ့ သောကြာနေ့မှာ မြန်မာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံဖို့ ရှိပါတယ်။ ညနေပိုင်းမှာတော့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ သူမရဲ့ နေအိမ်မှာ တွေ့ဆုံဖို့ ရှိတယ်လို့ သိရှိရပါတယ်။
မစ္စတာ ကင်မရွန်းဟာ ဒေါ်အောင်ဆန်းစုကြည် အပါအ၀င် NLD ကိုယ်စားလှယ်တွေ အများစု အနိုင်ရရှိခဲ့တဲ့ ဧပြီလ ကြားဖြတ်ရွေးကောက်ပွဲ အပြီး အနောက်နိုင်ငံတွေ က မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့ မှုတွေ ရုတ်သိမ်း ဖို့ စဉ်းစား နေချိန်မှာဘဲ မြန်မာနိုင်ငံကို ပထမဆုံး လာရောက်တဲ့ ၀န်ကြီးချုပ် တဦးလည်း ဖြစ်ပါတယ်။ ဒီနှစ်ဆန်းပိုင်း ဇန်န၀ါရီလကလည်း ဗြိတိန် နိုင်ငံခြားရေး ၀န်ကြီး Willian Hague ဟာ ၅၆ နှစ် အတွင်း ပထမဦးဆုံး အဖြစ် မြန်မာနိုင်ငံကို သွားရောက်ခဲ့ပါတယ်။ အလားတူဘဲ ဥရောပ နိုင်ငံခြားရေးနဲ့ လုံခြုံရေး ပေါ်လစီ ဆိုင်ရာ ဥရောပ သမဂ္ဂ မဟာမင်းကြီး ကက်သရင်း အက်ရ်ှတွန် ဟာလည်း မြန်မာနိုင်ငံကို မကြာမီ သွားရောက်ဖို့ ရှိနေပါတယ်။

 Myanmar Express 

Posted in: သတင်း