တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ဘန်ကောက်မြို့တွင် လှည့်လည် လေ့လာ

From : ..မြဝတီ

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် မေ ၂၉ ရက် နံနက်ပိုင်းတွင် ထိုင်းနိုင်ငံ ဆိုင်ရာ မြန်မာနိုင်ငံ သံအမတ်ကြီး ဦးတင်ဝင်းနှင့် စစ်သံမှူး ဗိုလ်မှူးကြီး ဝင်းမောင်တို့ လိုက်ပါလျက် ဘန်ကောက်မြို့ရှိ  Grand Palace သို့ ရောက်ရှိကြကာ ဧည့်သည်တော် မှတ်တမ်းစာအုပ်တွင် လက်မှတ် ရေးထိုးပြီး Grand Palaceအတွင်း လှည့်လည် ကြည့်ရှု လေ့လာကြရာ တာဝန် ရှိသူများက လိုက်လံရှင်းလင်း ပြသကြသည်။

ထို့နောက် တပ်မတော်ကာကွယ်ရေးဦးစီးချုပ်သည် မြဘုရားသို့ ရောက်ရှိပြီး ဧည့်သည်တော်မှတ်တမ်းစာအုပ်တွင် မှတ်တမ်းတင် လက်မှတ် ရေးထိုးကာ မြဘုရားအား ဖူးမြော်ကြည်ညိုသည်။

ယင်းနောက် အလှူငွေများ ပေးအပ်လှူဒါန်းရာ တာဝန်ရှိသူများမှ လက်ခံရယူကြပြီး ဓမ္မဒါန လက်ဆောင်အဖြစ် မြဘုရား ပုံတူအား ပြန်လည် ပေးအပ်သည်။

ဆက်လက်၍ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် Wat Pra Chetupon သို့ ရောက်ရှိကာ လျောင်းတော်မူ မြတ်စွာဘုရားအား ဖူးမြော်ကြည်ညိုပြီး လက်ယာရစ် လှည့်လည် ဖူးမြော်ရာဘုရား အကျိုး တော်ဆောင် ဆရာတော်မှ လိုက်လံရှင်းလင်း ပြသသည်။

ထို့နောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က အလှူငွေများ ပေးအပ်လှူဒါန်းရာ အကျိုးတော်ဆောင် ဆရာတော်မှ လက်ခံရယူပြီး ဘုရားသမိုင်း စာအုပ်များအား ဓမ္မဒါန လက်ဆောင် အဖြစ် ပြန် လည် ပေးအပ် ခဲ့ကြောင်း သတင်း ရရှိသည်။

.. www.MyanmarExpress.net
 

Posted in: သတင်း