မိန်းမတောင်းတဲ့ ဦးညီညီလွင် ( ဦးဂမ္ဘီရ ) တံပိုးနှင့် အရိုက်ခံရ

ရဟန်းဘ၀မှ လူဝတ်လဲခဲ့သော ဦးဂမ္ဘီရ ခေါ် ဦးညီညီလွင်သည် ဧပြီလ ၁၇ ရက်နေ့ မနက် ၆ နာရီခန့်က ပေါက်မြို့နယ်၊ အောင်တံခွန်ရပ်ကွက်ရှိ လေသာကျောင်းတွင် လူဝတ်လဲပြီး၊ ညနေ ၃ နာရီတွင် ပေါက်မြို့၊ အောင်တံခွန်ရပ်ကွက်ရှိ ဦးလှကျော်၊ ဒေါ်တင်စိန်တို့ သမီး မပပ၀င်းအား သွားရောက်တောင်းရမ်းခဲ့ပါတယ်။ ဒီလိုတောင်းရမ်းချိန်မှာ ဦးညီညီလွင်မှ “ ငါလူထွက်ရင် ငါ့ကို လက်ထပ်မယ်လို့ နင်ပြောထားတာ၊ ခုငါ နင့်ကို လက်ထပ်ဖို့ လူထွက်လာပြီ၊ ဒီမှာ မင်္ဂလာဆောင်မယ့် စရိတ် ” ဟုပြောဆိုကာ ငါးထောင်တန်အုပ်များကို ပစ်ပေးခဲ့ပါတယ်။ ဒါပေမယ့် မပပ၀င်းမှ “ ရှင်နှင့်ကျမ ပတ်သတ်မှုမရှိခဲ့ပါဘူး။ ဒါကြောင့် ပြန်သွားပါ ” လို့ ပြောဆိုခဲ့ပေမယ့် ဦးညီညီလွင်မှ အတင်းအကြပ်လက်ထပ်ရန်ပြောဆိုခဲ့သဖြင့် မပပ၀င်းမှ အနီးရှိ ရေထမ်းပိုးနှင့် ကောက်ရိုက်လိုက်ရာ ခေါင်းကွဲသွားခဲ့ပါတယ်။ ယခုအခါ ဦးညီညီလွင်သည် လေသာကျောင်းတိုက်တွင် နေထိုင်ရင်း ဆေးကုသမှုခံယူနေကြောင်း သတင်းရရှိပါတယ်။


Myanmar Express

Posted in: သတင်း