ကနေဒါသံရုံး မြန်မာနိုင်ငံတွင် ဖွင့်မည်

From : ခေတ်လူငယ်

မြန်မာနိုင်ငံတွင် ကနေဒါနိုင်ငံ သံရုံးတစ်ခုကို ဖွင့်လှစ်ရန် ကနေဒါ နိုင်ငံခြားရေးဝန်ကြီးဌာနက ဇူလိုင် ၁၃ ရက်တွင် ဆုံးဖြတ်လိုက်သည်ဟု ကနေဒါနိုင်ငံထုတ် calgaryherald သတင်းက ရေးသားဖော်ပြလိုက်သည်။ မြန်မာနိုင်ငံတွင် ထင်မြင်သိသာသော ပြောင်းလဲမှုများ ဖြစ်ပေါ်ပြီး နိုင်ငံတကာကလည်း ရင်းနှီးမြှုပ်နှံမှုများ ပြုလုပ်ရန် ဆောင်ရွက်နေကြချိန်တွင် ကနေဒါ နိုင်ငံခြားရေးဝန်ကြီးဌာနက ယင်းသို့ ကြေညာလိုက်ခြင်း ဖြစ်သည်ဟု ၎င်းသတင်းစာတွင် ရေးသားထားသည်။ ထိုင်းနိုင်ငံ ဘန်ကောက်မြို့တွင် ဖွင့်လှစ်ထားသော ကနေဒါသံရုံးမှ ထိုင်းနိုင်ငံ၊ ကမ္ဘောဒီးယားနိုင်ငံ၊ လာအိုနိုင်ငံနှင့် မြန်မာနိုင်ငံတို့အတွက် သံတမန် ဆက်သွယ်မှုကို ဆောင်ရွက်နေကြောင်း ထိုင်းနိုင်ငံဆိုင်ရာ ကနေဒါသံရုံး၏ ထုတ်ပြန်ချက်အရ ကနေဒါ နိုင်ငံခြားရေးဝန်ကြီး ဂျွန်ဘဲယာဒ်က မြန်မာနိုင်ငံ၏ အုပ်ချုပ်ရေး၊ လူ့အခွင့်အရေးနှင့် ဒီမိုကရေစီအရေး ဖော်ဆောင်မှုများ တိုးတက်လာသည်ကို အသိအမှတ်ပြုကြောင်း သိရသည်။ ကနေဒါသံရုံး မြန်မာနိုင်ငံတွင် ဖွင့်ရန် ရည်ရွယ်ခြင်းမှာ မြန်မာနိုင်ငံ၏ လူ့အခွင့်အရေးနှင့် ဒီမိုကရေစီ ဖော်ဆောင်မှုများကို မြှင့်တင်ရာတွင် ကူညီနိုင်ရန်နှင့် မြန်မာနိုင်ငံတွင် ရင်းနှီးမြှုပ်နှံမှုများကို အထောက်အပံ့ဖြစ်စေရန် ဖြစ်ကြောင်း ၂၀၁၂ ခုနှစ် ဇူလိုင် ၂၄ ရက်နေ့ထုတ် News Watch Weekly ဂျာနယ်တွင် ဖော်ပြထားပါသည်။

Myanmar Express

Posted in: သတင်း