မိမိရင်သွေး ဆုံးရှုံးရတဲ့ထိတော့ မချက်လိုက်ပါနဲ့ ကြူကြူမမရယ်

ထမင်းမေ့ ၊ဟင်းမေ့ ထိုင်ချက်နေတာ၊ အွန်လိုင်းထိုင်သုံးနေမိတာလောက်ကို လွန်လှပြီးလို့ တွေးနေမိတာ။ ထိုထက် အဖြစ်ဆိုးသူတွေလဲ ရှိနေပါလား။

ပြီးခဲ့တဲ့လက ဂျပန်နိုင်နိုင်ငံမှာ Yumiko Takahashi ဆိုတဲ့ အမျိုးသမီးကို ချက်တင်ထိုင်ရာမှ မိမိကလေးကို မေ့လျော့ပြီး ကလေးသေဆုံးသည့်အထိ ဖြစ်ပွားခဲ့လို ဖမ်းဆီးအရေးယူခဲ့ပါတယ်။

Yumiko Takahashi ရဲ့ ၁၉ လအရွယ်သားလေး Neo ဆိုတဲ့ သားလေးဟာ ဇွန်လ(၂၄)ရက်နေ့က စပြီး ကိုယ်အပူချိန်တွေ အရမ်းမြင့်တက်နေတာကိုတော့ မိခင်က သတိထားမိပါတယ်။ ဒါပေမဲ့လဲ ကလေးကို အိပ်ရာပေါ်မှာ လှဲသိပ်ထားပြီး ချက်တင်ဝင်နေရာတာနဲ့ နေမကောင်းတဲ့ ကလေးကို မေ့လျော့နေလိုက်တာ ကလေးက ဇွန်လ(၂၆)ရက်နေ့ (၂)နာရီ ၀န်းကျင်လောက်မှာ သေဆုံးသွားခဲ့ပါတယ်။

သေဆုံးသွားလို့ မိခင်က ချက်ချင်းသိသေးတာ မဟုတ်ပါဘူး။ သနားစရာကလေးလေး အမေလုပ်သူ ထိုင်ချက်နေလိုက်တာ သေဆုံးနေတဲ့ အသက်မဲ့ ခန္ဓာကို (၂၇)ရက်နေ့ မနက်ကျမှပဲ သိခဲ့ရတာပါ။ သေဆုံးပြီး တစ်ရက်နီးပါး နောက်ကျပြီးမှ သိခဲ့ရတာပါ။

Takahashi, 29ကို ကလေးငယ်သေဆုံးမှုနဲ့ သက်ဆိုင်ရာက အရေးယူခဲ့ပါတယ်။ သူမရဲ့ ၀န်ခံချက်အရ သူမ၏ ကလေး သေဆုံးမှုမှာ ယခုတစ်ကြိမ်သာ မဟုတ်ခဲ့ရပါကြောင်း။

ပထမ ရင်သွေးလေးမှာ မွေးဖွားပြီး ရက်အနည်းငယ်တွင် သေဆုံးသွားခဲ့ရပြီ၊ဒုတိယ သားလေးမှာလဲ သူမအိမ်ရဲ့ ၀ရံတာမှ လိမ့်ကျကာ သေဆုံးခဲ့ရပါတယ်။

ကျွန်မရဲ့ ဒုတိယသားလေး ၀ရံတာမှ လိမ်ကျသေဆုံးပြီးခဲ့ချိန်က စပြီး ဖြေမဆည်နိုင်ခဲ့တဲ့ ကျွန်မ အွန်လိုင်းပေါ်မှာ အချိန်တွေ ကုန်စေရင်း မွန်းကြပ်နေတဲ့ စိတ်ကို ဖြေဖျောက်ခဲ့တာပါ။ ဒီ (၃) နှစ်ဆိုတဲ့ အချိန်ကို အွန်လိုင်းပေါ် ချက်တင်ထိုင်ရင်းနဲ့ ကုစားနေခဲ့တာ ဒီအွန်လိုင်းရောဂါကြီး ဆွဲပြီး ခုလို ဖြစ်သွားတဲ့ အထိပါပဲလို့ ထွက်ဆိုခဲ့ပါတယ်။

ဝေဒနာကို ကုစားဖို့ ချက်တင်ဝင်ချင်တဲ့သူများ မိမိရောဂါ မလွန်ကျွံပါစေနှင့်။ Takahashi ကို သတိပြုပြီး မိမိကိုယ်ကို ထိန်းသိမ်းနိုင်ကြပါစေ။

Myanmar Express

Posted in: သတင်း