မိုးစက်ဝိုင်နှင့် တွေ့ဆုံခြင်း

From : .. the voice

ရုရှားနိုင်ငံမှာ ကျင်းပခဲ့တဲ့ Miss Universe ပြိုင်ပွဲမှာ မြန်မာနိုင်ငံ ကိုယ်စားပြု သွားရောက်ယှဉ်ပြိုင်ခဲ့တဲ့ မြန်မာအလှမယ် မိုးစက်ဝိုင်နှင့် တွေ့ဆုံ၍ ပြိုင်ပွဲ အတွေ့အကြုံများ၊ ပြိုင်ပွဲ ကာလတစ်လျှောက် ဝေဖန်မှုများအပေါ် သူ့အမြင်နှင့် မြန်မာအလှမယ် တစ်ဦးအဖြစ် လုပ်ဆောင်သွားမည့် ပရဟိတလုပ်ငန်းများ အကြောင်းတို့ကို The Voice က မေးမြန်းထားခြင်း ဖြစ်သည်။

 

Voice : ရုရှားနိုင်ငံမှာ ပြိုင်ခဲ့တဲ့ Miss Universe ပြိုင်ပွဲမှာ တခြားနိုင်ငံက အလှမယ်တွေ ဆီကနေ ဘယ်လို အတုယူစရာတွေ တွေ့ခဲ့ရလဲ။

MSW : သူတို့ရဲ့ ပြိုင်ပွဲအတွက် ပြင်ဆင်ချိန် အရမ်းများတာကို တွေ့ခဲ့ရပါတယ်။ သူတို့နိုင်ငံတွေက ဒီပြိုင်ပွဲမှာ နှစ်ပေါင်းများစွာ ပြိုင်ခဲ့ကြတာဆိုတော့ ကိုယ့်နိုင်ငံက အလှမယ်တွေကို အရမ်း ပြင်ဆင်ပေးနိုင် ကြတယ်။ အလှမယ်တွေ ကိုယ်တိုင်ကလည်း သူတို့ကိုယ် သူတို့ ယုံကြည်မှု အရမ်းရှိကြတယ်။ အဲဒီအပိုင်းမှာတော့ မိုးစက်က သူတို့နဲ့ ယှဉ်ရင် အားနည်းပါတယ်။ မိုးစက် စဉ်းစားမိတာ တစ်ခုက လူတစ်ယောက်က အခြေအနေတစ်ခုမှာ ကိုယ် Control လုပ်လို့ မရတဲ့ အရာတွေကို စဉ်းစားပြီး လိုက်လုပ်နေမယ့်အစား ကိုယ် Control လုပ်လို့ရတဲ့ အရာတွေကို ဦးစားပေးပြီး လိုက်လုပ်တာက ကိုယ့်အတွက် ပိုပြီး အကျိုးရှိပါတယ်။ အဲဒီအတွက် မိုးစက် တခြားနိုင်ငံက အလှမယ်တွေနဲ့ စကားပြောကြည့်ရင်း သူတို့ရဲ့ အားသာချက်တွေကို လေ့လာတယ်။ သူတို့ ဘယ်လို လမ်းလျှောက်တယ်၊ ဘယ်လို အလှပြင်တယ်၊ ကိုယ့်ကိုယ်ကိုယ် ယုံကြည်မှု ရှိတဲ့ပုံပေါက်အောင် ဘယ်လို နေထိုင်ကြတယ် ဆိုတာတွေကို လေ့လာဖြစ်ပါတယ်။
Voice : နောက်နှစ် Miss Universe ပြိုင်ပွဲမှာ သွားရောက် ယှဉ်ပြိုင်မယ့် မြန်မာ အလှမယ်တွေ အတွက် ကိုယ်ရခဲ့တဲ့ အတွေ့အကြုံတွေအရ ကြိုတင် ပြင်ဆင်ထားသင့်တဲ့ အရာတွေကို ပြောပြပေးပါဦး။

MSW : မိုးစက် ပြောချင်တာကတော့ နောက်နှစ်မှာ သွားပြိုင်မယ့် ပြိုင်ပွဲဝင်တွေ အနေနဲ့ ဘက်ပေါင်းစုံကနေ ကြိုတင် ပြင်ဆင်ထားသင့်ပါတယ်။ ပြင်ဆင်မှု အပြည့်နဲ့ သွားပြိုင်မယ် ဆိုရင်တော့ ကိုယ့်အတွက်လည်း ပိုပြီး အကျိုးရှိတယ်။ ရလဒ်ကောင်းတွေလည်း ရနိုင်ပါတယ်။ ဒီပွဲမှာ ဆုရသည် ဖြစ်စေ၊ မရသည် ဖြစ်စေ ငါအကောင်းဆုံး လုပ်မယ်ဆိုတဲ့ စိတ်တစ်ခုနဲ့ ယှဉ်ပြိုင်ရင် ကြိုးစားမှုနဲ့ ထိုက်တန်တဲ့ ရလဒ် တစ်ခုတော့ တစ်ချိန်မှာ မိုးစက်တို့ နိုင်ငံအတွက် ရလာမှာပါ။

Voice : People Choice ဆု အတွက် မဲအများဆုံးရ နေရာကနေ ဒီဆုနဲ့ လွဲခဲ့ရတဲ့အပေါ် ဘယ်လို ခံစားရလဲ။ ကိုယ်နဲ့ Voting တွေမှာ အပြိုင်ဖြစ်ခဲ့တဲ့ ဖိလစ်ပိုင် အလှမယ်ကိုရော ဘယ်လို မြင်လဲ။

MSW : မိုးစက်က Online Voting ကို ဘယ်လို သဘောထားလဲ ဆိုတော့ ဒါက ကိုယ့်နိုင်ငံက အလှမယ်တွေကို ပြိုင်ပွဲမှာ ပျော်ရွှင်စေအောင် လုပ်ပေးတဲ့အရာ တစ်ခုလို့ မြင်ပါတယ်။ ဒီဆုနဲ့ လွဲခဲ့ရပေမယ့် မိုးစက်အတွက် သိပ်တော့ အရေးမကြီးပါဘူး။ တကယ်တမ်းက မိဘပြည်သူတွေရဲ့ အားပေးချင်တဲ့ စေတနာသာ အဓိကပါ။ မိုးစက်အတွက် အရေးကြီးတာက ကိုယ့်ကို ချစ်ချစ်ခင်ခင် အားပေးနေတဲ့ မိဘ ပြည်သူတွေရဲ့ မိုးစက်အပေါ်ထားတဲ့ စိတ်ထားလေးတွေ၊ စေတနာတွေ၊ ကရုဏာတွေကို မြင်လိုက်ရတာက ပိုပြီး ကြည်နူးဖို့ ကောင်းပါတယ်။ ဖိလစ်ပိုင် အလှမယ်ကတော့ သူ့ကို သူ့နိုင်ငံက အရမ်း Support လုပ်ပါတယ်။ သူတို့သမ္မတ ကိုယ်တိုင်ကလည်း သူ့အတွက် Vote လုပ်ပေးဖို့ တစ်နိုင်ငံလုံးကို လှုံ့ဆော်ပေးတယ်။ ဒါကို အရမ်းဦးစားပေးပြီး လုပ်ကြတယ်။ သူကိုယ်တိုင်ကလည်း တော်ပါတယ်။ မိုးစက်နဲ့ သူနဲ့ကြားမှာရှိတဲ့ ကွာခြားချက်ကတော့ အတွေ့အကြုံပိုင်းပေါ့။ သူက အတွေ့အကြုံ အရမ်းရှိပါတယ်။

Voice : ပြိုင်ပွဲကာလ တစ်လျှောက်လုံးမှာ ကိုယ့်ရဲ့ အရည်အချင်းထက်၊ ပုဂ္ဂိုလ်ရေး တိုက်ခိုက်မှုတွေ များခဲ့တဲ့အပေါ် ဘယ်လို ခံစားခဲ့ရလဲ။

MSW : ခံစားရတာတွေ များလွန်းတော့ ဘယ်လို ပြောရမှန်းတောင် မသိတော့ဘူး။ ဒါပေမဲ့ ကိုယ့်ကို တိုက်ခိုက်တာတွေထက် အားပေးတဲ့ သူတွေကြောင့် မိုးစက် ပိုပြီး ခံစားခဲ့ရတယ်။ တိုက်ခိုက်မှုတွေသာ မရှိခဲ့ရင် ဒီအားပေးမှုတွေက ဒီလောက် ကြည်နူးစရာ ကောင်းလိမ့်မယ် မထင်ပါဘူး။ မကောင်းတာကို စားဖူးတဲ့သူက၊ ကောင်းတဲ့ဟာကို စားဖူးတဲ့ အခါကျရင် ပိုပြီး အရသာ ရှိသလိုမျိုးပေါ့နော်။

Voice : မြန်မာနိုင်ငံ ကိုယ်စားပြုပြီး နိုင်ငံတကာ ပြိုင်ပွဲတွေမှာ သွားပြိုင်တဲ့ အလှမယ်တွေက အလှအပပိုင်းက သိပ်ပြီး ပြောစရာ မရှိပေမယ့် အထွေထွေ ဗဟုသုတပိုင်းမှာတော့ အားနည်းမှုတွေ ရှိတယ်လို့ ဝေဖန်မှုတွေအပေါ် မိုးစက်ဝိုင် ဘယ်လို မြင်လဲ။

MSW : အခု ဒီတစ်ခါ သွားပြိုင်တဲ့ ပြိုင်ပွဲမှာတော့ မိုးစက်အနေနဲ့ IQ၊ EQ ပိုင်းမှာ ကိုယ့်ကိုယ်ကိုယ် လိုအပ်ချက် ရှိတယ်လို့ မထင်ပါဘူး။ မိုးစက် အနေနဲ့ သူတို့ ပြောသလို လိုက်ပြောနိုင်တယ်။ ဒါပေမဲ့ မိုးစက်မှာ လိုအပ်ချက် ရှိသွားတာက ပြင်ဆင်ချိန် သိပ်မရှိဘူး။ သူတို့က ပြင်ဆင်ချိန် များသလို အတွေ့အကြုံလည်း အများကြီး ရှိတယ်။ သူတို့ရဲ့ အဖွဲ့အစည်းတွေကလည်း ဒီပြိုင်ပွဲမှာ ဘယ်လို အစီအစဉ်တွေပါတယ်၊ ဘာတွေ လုပ်ရတယ် အကုန်ပြောပြထားပြီးသား။ မိုးစက်ကျတော့ ဟိုရောက်တဲ့အခါ စမ်းတဝါးဝါးနဲ့ အကုန်လုပ်ခဲ့ရတာပါ။

Voice : မြန်မာ အလှမယ်တွေက Miss ဆု ရပြီးရင် ပရဟိတအလုပ်တွေ လုပ်ကြတယ်လေ။ မိုးစက်ဝိုင်ကရော ဘယ်လို ပရဟိတ လုပ်ငန်းတွေ လုပ်သွားမလဲ။ အနုပညာအလုပ်တွေရော လုပ်ဖို့ စီစဉ်ထားတာရော ရှိလား။

MSW : ပရဟိတ လုပ်ငန်းကြီးတွေကို ဦးဆောင်ပြီး လုပ်ဖို့က မိုးစက်မှာ အတွေ့အကြုံ မရှိသေးပါဘူး။ အဲ့ဒီအတွက် Miss Universe Myanmar ဖောင်ဒေးရှင်းနဲ့ လက်တွဲပြီး မိုးစက် တတ်နိုင်တဲ့ အပိုင်းက ပါဝင် ကူညီသွားပါမယ်။ နောက်ပိုင်း အတွေ့အကြုံများလာတဲ့ အခါမှာတော့ မိုးစက် ကိုယ်ပိုင်စိတ်ကူးနဲ့ ပရဟိတအလုပ်တွေ လုပ်သွားမှာပါ။ အနုပညာအလုပ် အနေနဲ့ကတော့ မိုးစက် ရုပ်ရှင်ရိုက်ဖို့ စိတ်ကူး မရှိပါဘူး။ တီဗီကြော်ငြာလေးတွေတော့ ရိုက်သွားဖို့ ရှိပါတယ်။ အခုလောလောဆယ် မိုးစက် စဉ်းစားထားတာက အနုပညာရှင်တွေ အားလုံးနဲ့ လက်တွဲပြီး ပရဟိတလုပ်ငန်း တစ်ခုအတွက် ရန်ပုံငွေ ရှာဖွေတဲ့ ပွဲလေး လုပ်ချင်ပါတယ်။

Voice : ပြိုင်ပွဲမတိုင်ခင်မှာ လူမျိုးရေးနဲ့ ပတ်သက်ပြီး ဝေဖန်မှု အချို့ရှိခဲ့တော့ ပြိုင်ပွဲရောက်တဲ့အခါ စင်ပေါ်မှာ ကိုယ့်ရဲ့ကိုယ်စားပြု နိုင်ငံကို ပြောပြီး မိတ်ဆက်ရတဲ့အခါ မိုးစက်ဝိုင် ရင်ထဲမှာ ဘယ်လို ခံစားရလဲ။

MSW : ပြိုင်ပွဲမှာ အဲ့ဒီအပိုင်းလေးကို မိုးစက် အကြိုက်ဆုံးပါ။ ဒီအပိုင်းလေးက ပြိုင်ပွဲဝင် ၈၆ နိုင်ငံထဲမှာ ကိုယ် မြန်မာနိုင်ငံက ဆိုတာကို ဂုဏ်ယူစွာ ပြောခွင့်ရတဲ့ အချိန်လေးပါ။ မိုးစက် စိတ်ထဲမှာလည်း တကယ်ကို အလေးအမြတ်ထားပြီး ပြောခဲ့ပါတယ်။ မိုးစက်ကို လူမျိုးပိုင်းဆိုင်ရာမှာ ပြောဆိုကြတာနဲ့ ပတ်သက်ပြီး တချို့ အလှမယ်တွေကလည်း လာမေးကြတယ်။ အဲ့ဒီအခါ မိုးစက် ရှင်းပြပါတယ်။ မြန်မာနိုင်ငံက ၅၁ နှစ်အကြာမှ ဒီပြိုင်ပွဲကို ပြန်လည် ယှဉ်ပြိုင်ရတာ ဖြစ်တဲ့အတွက် မသိတာလေးတွေ၊ လက်မခံနိုင်တဲ့ အချက်လေးတွေ ရှိတယ်လို့ မိုးစက် ရှင်းပြပါတယ်။ အကုန်လုံးကလည်း ဒီပြိုင်ပွဲအပေါ် စိတ်လှုပ်ရှားနေကြတဲ့ အတွက် ပဋိပက္ခလေးတွေ ဖြစ်သွားတာပါလို့ ပြောခဲ့ပါတယ်။

Voice : ပြိုင်ပွဲကာလမှာ ကိုယ့်ကို အားပေးခဲ့တဲ့ ပရိသတ်တွေအတွက် မိုးစက်ဝိုင်ဘက်က ပြောချင်တာတွေရှိရင် ပြောပေးပါဦး။

MSW : မိုးစက်ကို အားပေးခဲ့ကြသူတွေ အားလုံးကို ကျေးဇူး အများကြီးတင်ပါတယ်။ သူတို့ရဲ့ မိုးစက်အပေါ်ထားတဲ့ ယုံကြည်မှု၊ ချစ်ခင်ကြင်နာမှုတွေက ဘယ် သရဖူမျိုးထက်မက တန်ဖိုး ရှိပါတယ်လို့ ပြောချင်ပါတယ်။

.. www.MyanmarExpress.net
 

Posted in: အနုပညာသတင်း