ပြည်သူ့အကျိုးအတွက် ဘာတစ်ခုမှ မလုပ်ခဲ့တဲ့ ဟန်ပြသက်သက် ABSDF

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)ဆိုတဲ့ နာမည်ကို ကြားလိုက်တာနဲ့ ပြည်သူ အများစုက ၈၈ အရေးအခင်းနဲ့ ပါချောင်ဒေသ လူသတ်မှုကို ချက်ချင်းပြေးပြီး သတိရကြပါတယ်။ ဒီနေ့ ဒီအချိန်ထိ ပြည်သူတွေအတွက် စွမ်းစွမ်းတမံဆောင်ရွက်ပေးခဲ့တာ တစ်ခုတစ်လေမှ မရှိလေတော့ ABSDF ဆိုတာ ရှိသေးရဲ့ လားလို့တောင် မေးစရာ ဖြစ်နေပါပြီ။

ပွင့်လင်းမြင်သာတဲ့ ဒီကနေ့ ဒီမိုကရေစီခေတ်ကြီးထဲမှာ ပြည်တွင်းငြိမ်းချမ်းရေးအတွက် နိုင်ငံတော်အစိုးရအနေနဲ့ တိုင်းရင်းသားလက်နက်ကိုင်အဖွဲ့အစည်းအားလုံးကို ငြိမ်းချမ်းရေးစကားတွေ ကမ်းလှမ်းခဲ့တာကြောင့် ABSDF ကလည်း ကျောင်းသားတပ်မတော်ဆိုတဲ့ နာမည်နဲ့ မသိမသာ ငြိမ်းချမ်းရေးခေါင်းစဉ်အောက်မှာ နေရာယူလာခဲ့ပါ တယ်။ ဒါပေမယ့် ကျောင်းသားတပ်မတော်ဆိုတာ ဘယ်သူတွေကို ကာကွယ်ပြီး ဘယ်သူတွေအတွက် အလုပ်လုပ် လို့ ဘယ်သူတွေများ အကျိုးကျေးဇူးခံစားနေရသလဲလို့ သန်း(၆၀)သော ပြည်သူတစ်ဦးချင်းစီကို မေးကြည့်ရင် အကုန်လုံး ခေါင်းရမ်းလက်ခါ ပြကြမယ်ဆိုတာ အမှန်တရားပါ။

ပြီးခဲ့တဲ့ ရက်ပိုင်းက ကရင်ပြည်နယ် လှိုင်းဘွဲ့မြို့နယ်မှာရှိတဲ့ ဒေါင်းတမန်စခန်းမှာ ABSDF ရဲ့ (၁၀)ကြိမ်မြောက် ညီလာခံကို ကျင်းပခဲ့တယ်။ အဲဒီ ညီလာခံမှာ ဥက္ကဋ္ဌ ဦးသံခဲက လူထုတိုက်ပွဲတွေ၊ လူထုတောင်းဆိုမှုတွေကို အကြမ်းဖက်ဖြေရှင်းမှာ စိုးရိမ်တယ်၊ စစ်အာဏာရှင်စနစ်ကိုပြန်ပြီး ပုံသွင်းပြီး အင်အားသုံးဖြေရှင်းရင် ကျောင်းသား တပ်မတော်က လူထုတိုက်ပွဲဘက်က ရပ်တည်မယ်ဆိုပြီး ခေတ်နောက်ပြန်ဆွဲနေတဲ့ ABSDF ရဲ့ လက်သုံးစကားကို ပြောသွားတော့ မြန်မာပြည်သူတွေ ရယ်မိပြုံးမိကြပါတယ်။ ဘာဖြစ်လို့လဲဆိုတော့ ပြည်သူအတွက် ဘာတစ်ခုမှ လုပ်မပြခဲ့တဲ့ အဖွဲ့က ဒီမိုကရေစီခေတ်မှာ ဟာသပြက်လုံးစကား ပြောထွက်လေခြင်းလို့ ပြောကုန်ကြပါပြီ။

ပြည်သူပြောလည်း ပြောချင်စရာပါ။ ABSDF ရဲ့ အတိတ်သမိုင်းကလည်း အပြောကြီးသလောက် အထင်ကြီးစရာ ဘာတစ်ခုမှ လုပ်မပြနိုင်ခဲ့ပါဘူး။ ၁၉၈၈ ခုနှစ် စက်တင်ဘာလ ၈ ရက်နေ့မှာ တပ်မတော်က နိုင်ငံ့တာဝန်ကို လွှဲပြောင်း ယူလိုက်ချိန် လက်နက်ကိုင်တော်လှန်မယ်ဆိုပြီး နယ်စပ်ကို ရောက်လာတဲ့ ကျောင်းသားလူငယ်တွေနဲ့ ၁၉၈၈ ခုနှစ် နိုဝင်ဘာ ၁ ရက်နေ့မှာ ABSDF ကို စတင်ဖွဲ့စည်းခဲ့တာ ဖြစ်ပါတယ်။ သူတို့ရဲ့ အကြောင်းပြချက်က စစ်အာဏာရှင် စနစ်ကို တော်လှန်ဖို့ တောခိုခဲ့ကြတယ်၊ သူတို့ အဖွဲ့ရဲ့ ဦးတည်ချက်တွေကလည်း တိုင်းရင်းသား လူမျိုးပေါင်းစုံ ပြည်သူလူထုတစ်ရပ်လုံး စစ်အာဏာရှင်စနစ်အောက်မှ လွတ်မြောက်ရေး၊ ဒီမိုကရေစီနဲ့ လူ့အခွင့်အရေး ရရှိရေး၊ ပြည်တွင်းငြိမ်းချမ်းရေးရရှိရေး၊ ဖက်ဒရယ်ပြည်ထောင်စုပေါ်ထွန်းရေး စတာတွေဟာ အခု (၁၀)ကြိမ်မြောက် ညီလာခံ မှာလည်း မပြောင်းလဲသော ဦးတည်ချက်များအဖြစ် ထုတ်ပြန်ကြေညာခဲ့ပါတယ်။

မြန်မာ့သမိုင်းကြောင်းမှာ ၈၈ အရေးအခင်းဟာ တိုင်းပြည်ရဲ့ လွတ်လပ်ရေးနဲ့ အချုပ်အာဏာဆုံးရှုံးတော့မယ့် အခြေအနေနဲ့ ရင်ဆိုင်နေရတာမို့ စစ်တပ်က မလွှဲမရှောင်သာ တာဝန်ယူခဲ့ရတယ်ဆိုတာ ငြင်းလို့မရတဲ့ အမှန်တရား ဖြစ်ပါတယ်။ ၈၈ မှာ တစ်နိုင်ငံလုံး အစိုးရယန္တရားပြိုကျလာတယ်။ ကရင်ပြည်နယ်မှာ မဲသဝေါတိုက်ပွဲ၊ ရှမ်းပြည်နယ် မှာ မိုင်းယန်းတိုက်ပွဲ၊ ကချင်ပြည်နယ်မှာ ဒေါ့ဖုန်းယန်တိုက်ပွဲ၊ မြို့တွေပေါ်မှာ လူထုတိုက်ပွဲတွေနဲ့ တစ်တိုင်းပြည်လုံး ဥပဒေမဲ့၊ မင်းမဲ့စရိုက်တွေနဲ့ တားမရဆီးမရ ဖြစ်နေတဲ့အချိန်မှာ စစ်တပ်က အသက်ပေါင်းမြောက်မြားစွာ စတေးပြီး ကာကွယ်ခဲ့ရတယ်။ ဒါ့အပြင် ကမ်းလွန်ပင်လယ်ပြင်မှာ အမေရိကန် စစ်သင်္ဘောအုပ်စုတွေ ရောက်လာတယ်၊ တရုတ်နယ်စပ်မှာ တရုတ်သံချပ်ကာတပ်မကြီး ရောက်နေတယ်၊ အဲဒီလို အခြေအနေမျိုးမှာ စစ်တပ်က မလွှဲမရှောင် သာ တိုင်းပြည်ကို တာဝန်မယူခဲ့ဘူးဆိုရင် တိုင်းပြည်လည်း အစိတ်စိတ်အမြွှာမြွှာ ပြိုကွဲခဲ့မှာ ဖြစ်ပါတယ်။ အဲဒီလို တိုင်းပြည်နဲ့ လူမျိုးအတွက် အသက်ပေါင်းများစွာ ပေးဆပ်ခဲ့တဲ့ တပ်မတော်က ဒီနေ့လို ဒီမိုကရေစီခေတ်ကြီးထဲမှာ ပြည်သူနဲ့လက်တွဲပြီး ပူးပေါင်းပါဝင်လျှောက်လှမ်းနေတာ ထင်သာမြင်သာရှိနေပါပြီ။ တပ်မတော်ကာကွယ်ရေး ဦးစီးချုပ် ကိုယ်တိုင် ငြိမ်းချမ်းရေးလမ်းစဉ်နဲ့ပတ်သက်ပြီး တပ်မတော်အနေနဲ့ ဘယ်တော့မှ နောက်ပြန်မလှည့်ဘူးလို့ အတိအလင်း ပြောကြားခဲ့ပြီ ဖြစ်ပါတယ်။

တိုင်းပြည်အတွက် ချွေးတစ်စက်မထွက်၊ သွေးတစ်စက်မကျ၊ အသက်တစ်ချောင်းတောင် မပေးဆပ်ခဲ့ဖူးတဲ့ ABSDF လို အဖွဲ့မျိုးက ပြည်သူအတွက် အကြမ်းဖက်ရင် လက်နက်ကိုင်မယ်ပြောရအောင် ပါချောင်ဒေသမှာ ဖြစ်ခဲ့တဲ့ လူမဆန်စွာ အစုလိုက်အပြုံလိုက် သတ်ဖြတ်ခဲ့တာတွေကိုပဲ ပြည်သူကျေနပ်အောင် ဖြေရှင်းပေးပါဦး။ ၁၉၉၂ ခုနှစ် က ပါချောင်ဒေသမှာ ကျောင်းသား(၁၀၇)ဦးကို စစ်ထောက်လှမ်းရေးလို့ စွပ်စွဲပြီး ဖမ်းဆီးခဲ့တယ်၊ အထက်မြန်မာပြည် ဗသကဥက္ကဋ္ဌ ကျောင်းသားခေါင်းဆောင် ကိုထွန်းအောင်ကျော် အပါအ၀င် ကျောင်းသား(၄၀)ခန့် သတ်ဖြတ်ခံခဲ့ ရတယ်၊ အဲဒီအချိန်က ဥက္ကဋ္ဌအဖြစ် တာဝန်ယူခဲ့တဲ့ ဒေါက်တာနိုင်အောင်က ဖြေရှင်းပေးမယ်လို့ လက်မှတ်ထိုးထား တဲ့အကြောင်း ပြည်ပြေး ABSDF ဥက္ကဋ္ဌဟောင်း မိုးသီးဇွန်က ပြောခဲ့တယ်ဆိုပြီး သတင်းဂျာနယ်တစ်စောင်မှာ ဖော်ပြ ထားခဲ့တယ်၊ အဲဒီလို ကိုယ့်ကျောင်းသားအချင်းချင်း ပြန်သတ်တဲ့ ABSDF အဖွဲ့ကို အသတ်ခံရတဲ့ ကျောင်းသား မိဘတွေက တရားစွဲဆိုမှုတွေ ပြုလုပ်ခဲ့ပါတယ်။ ဒါပေမယ့် ဒီနေ့ဒီအချိန်ထိ တရားမျှတတဲ့ ဖြေရှင်းမှု မလုပ်နိုင်သေး ပါဘူး။

ရှင်းရှင်းပြောရရင် ကိုယ်အနေအစား ချောင်ဖို့အရေး ကြုံတဲ့လူ ဥက္ကဋ္ဌတက်လုပ်နေတဲ့ ABSDF အဖွဲ့ဆိုတာ ပြည်သူ တွေအပေါ် အချိုသပ်ပြီး စားကောင်းသောက်ကောင်းအောင် အသံကောင်းဟစ်နေတဲ့ ဟန်ပြသက်သက် အဖွဲ့အစည်း ဖြစ်ပါတယ်။ ၂၀၁၃ ခုနှစ် သြဂုတ်လ ၁၀ ရက်နေ့မှာ ပထမအကြိမ် ပြည်ထောင်စုအဆင့် ဆွေးနွေးပွဲ သဘောတူလက်မှတ်ရေးထိုးခဲ့ပေမယ့် ဒီနေ့ ဒီအချိန်ထိ အသုံးမ၀င်တော့တဲ့ ရပ်တည်ချက်တွေနဲ့ ပြည်သူကို လိမ်ညာ လှည့်ဖြားညာစားနေတဲ့ ဟန်ပြသက်သက် ABSDF အဖွဲ့ကို ဒီနေ့ ဒီမိုကရေစီခေတ်ကြီးမှာ ပြည်သူအားလုံးက အယုံအကြည်မရှိတော့ပါကြောင်း ။

ခေတ်မင်းညီ

Posted in: ပေးစာ