အမျိုးသား မော်ဒယ်လ်များနှင့် နီးကပ်စွာ သရုပ်ဆောင်ခြင်းကို ချစ်သူက တားမြစ်ထားသည်ဟု ရှကီရာ ပြောကြား

From : မြ၀တီ 

ဝါကာဝါကာသီချင်း အဆိုတော် ရှကီရာက သူမ၏ ချစ်သူ ကမ္ဘာကျော် ဘောလုံးသမား ဂျရတ်ပီကေးသည်သူမအား နာမည်ကြီး အမျိုးသား မော်ဒယ်လ်များနှင့် နီးကပ်စွာ သရုပ်ဆောင်ခြင်းကို တားမြစ် ထားကြောင်း ထုတ်ဖော် ပြောကြားထားသည်။ ပီကေးက သူမအား ဂီတ ဗီဒီယိုများ၌ အမျိုးသား မော်ဒယ်လ်များနှင့် နီးနီး ကပ်ကပ် သရုပ်ဆောင်ခြင်းကို တားမြစ် ထားသော်လည်း ဆွဲဆောင်မှု ပြင်းသော ဝတ်စားဆင်ယင်မှုကိုမူ တားမြစ် ပိတ်ပင်ထားခြင်းမရှိဟု ရှကီရာက ထပ်လောင်း ပြောကြားခဲ့သည်။ ထို့အပြင် မိမိသည် ပီကေးထံမှ တစ်ကိုယ်ကောင်းဆန်မှု ကင်းသည့် ကောင်းမွန်သော စိတ်ဓာတ်နှင့် အဖွဲ့အစည်း အတွက် တွေးပေး တတ်သည့် စိတ်ဓာတ်ကောင်းတို့ကို အတုယူ သင်ကြားလေ့ ရှိကြောင်း၊ မိမိသည် အောင်မြင်သော အနုပညာ ရှင်တစ်ဦး ဖြစ်သော်လည်း ကလေးဆန်သော အတွေးအခေါ်နှင့် အပြုအမူများ ရှိသည့်အတွက် ပီကေးက သူ၏ အတွေ့အကြုံများနှင့် နှိုင်းယှဉ်ကာ ရှင်းပြ သင်ကြားလေ့ ရှိကြောင်း ရှကီရာက ဝန်ခံ ပြောကြားခဲ့ သည်ဟု သိရသည်။

Posted in: အနုပညာသတင်း