Windows 7 ၏ အားနည်းချက် (၁၀) ချက်

From : ရတနာပုံ

Microsoft ကုမ္ပဏီရဲ့ ထုတ်ကုန်ဖြစ်တဲ့  Windows 7 ဟာ ၂၀၁၀ ပြည့်နှစ် အတွင်း အရောင်းရ ဆုံး Microsoft ထုတ်ကုန် တစ်ခု ဖြစ်ခဲ့သလို လက်ရှိအနေ အထားမှာလည်း တဖြည်းဖြည်းနဲ့  လူကြိုက်ပိုများ လာခဲ့ ပါပြီ။ ခုဆိုရင် Windows 7 ရဲ့ Service Pack 1 တောင် ထွက်လာပြီမို့ ရှိနှင့်ပြီးသား အားနည်းချက်တွေ အတော် အတန် ဖာထေးပြီးသား ဖြစ်သွားခဲ့ပါပြီ။ ဒါတောင်မှ Microsoft ထုတ်ကုန်တွေရဲ့ ထိပ်ဆုံးမှာ ရှိနေတဲ့ Windows 7 မှာ အားနည်းချက် (၁၀) ခုတောင် ရှိနေသေး တယ်လို့ ဆိုပါတယ်။ အဲဒါတွေက ဘာများပါလိမ့် ..။

၁။ ဖောင်းဖွနေတုန်းပဲ

Windows  ထွက်ပေါ်လာခဲ့တာ (၂၅) နှစ် ကျော်သွားခဲ့ပါပြီ။ ပြိုင်ဘက်တွေကို အဆင့်ဆင့် ဖြတ်ကျော်ခဲ့ပြီးတာ တောင်မှ Windows ဟာ သုံးစွဲသူတွေကို စိတ်ကျေနပ်မှု အပြည့်အဝ မပေးစွမ်းနိုင် သေးပါဘူး။ Windows နဲ့ ပတ်သက်ရင် အလိုမကျစရာတွေက တစ်ပုံတစ်ပင် ရှိနေမြဲဖြစ်ပြီး Windows မုန်းတီးသူ၊ Microsoft မုန်းတီးသူ တွေကိုလည်း မွေးထုတ် ပေးနိုင် ခဲ့ပါတယ်။ အဓိက ပြဿနာ တစ်ရပ်ကတော့ Windows ရဲ့ ပမာဏ ဖောင်းပွ နေတာပဲ ဖြစ်ပါတယ်။ Microsoft ကတော့ အသုံးပြုသူတွေ အဆင်ပြေအောင် Software အဟောင်းတွေ၊ Hardware အဟောင်းတွေနဲ့ လိုက်ဖက်မှု ရှိအောင် စီမံပေးထားတဲ့ သဘောပါ။ ဒါပေမဲ့ ၁၉၉၆ ခုနှစ်လောက်က ထုတ်လုပ်ထားတဲ့ Software ကို သုံးစွဲလို့ရအောင် ဖန်တီးပေးထား တယ်ဆိုတာ သိပ်ပြီးတော့ အဓိပ္ပာယ် မရှိလှပါဘူး။ Windows အသစ်တွေထွက်တိုင်း အဟောင်းတွေဆီကနေ Settings တွေ လက်ဆင့်ကမ်း ယူသွား လိုက်တာ Windows 7 အဆင့်ရောက်တဲ့ အခါမှာတော့ ကြီးကလည်းကြီး၊ လေးကလည်းလေး ဖြစ်သွားတော့ တာပါပဲ။

၂။ လုံခြုံရေး ပြဿနာတွေ

Windows OS ဟာ လူကြိုက်များမယ့်သာ များနေတာ၊ သူ့ရဲ့ ပြိုင်ဘက်တွေဖြစ်တဲ့ Mac OS, Linux တို့လောက် တောင် လုံခြုံမှု မရှိဘူးလို့ ကွန်ပျူတာကျွမ်းကျင်သူ အချို့က တောက်လျှောက် ဝေဖန်လာခဲ့တာပါ။ Windows Vista ထွက်လာ တော့ Windows XP ထက် အများကြီး ပိုလုံခြုံတယ် ဆိုပြီး ကြော်ငြာ ခဲ့ပါတယ်။ ဆိုးတာက Windows Vista ဟာ Hardware လိုအပ်ချက် အလွန်များပြီး “လေး” လွန်းလို့ ဘယ်သူကမှမကြိုက် ဖြစ်သွား ခဲ့ပါတယ်။ Windows 7 ထွက်လာတော့ Windows Vista ထက်တောင် ပိုမိုလုံခြုံတယ်ဆိုပြီး Microsoft လိုလား သူတွေက ခပ်ကြွားကြွားလေး ပြောခဲ့ ကြပါတယ်။ ဒီစကားဟာ မှန်သင့် သလောက်တော့ မှန်ပါတယ်။ ဒါပေမဲ့ Windows 7 တောင်မှ အချက်အလက် အခိုးခံရ တာကနေ Hard drive တစ်ခုလုံး ပျက်စီး သွားနိုင်တဲ့ အထိ လုံခြုံရေးဟာ ပေါက်တွေ ရှိနေပါ သေးတယ်လို့ Microsoft ဟာ ဆိုက်ဘာလူဆိုးတွေရဲ့ တိုက်ခိုက်မှုတွေ ရန်ကနေ ကာကွယ် နိုင်ဖို့ တစ်နည်းနည်းေ တာ့ ကြံဆရ ပါဦးမယ်။

၃။ လူတကာရဲ့ ပြစ်မှတ်ဖြစ်လာ

ကမ္ဘာတစ်လွှားက Windows အသုံးပြုသူ တွေအတွက် လုံခြုံရေး ပြဿနာတွေ အရင်တုန်း ကတည်းက များနေ ရတဲ့ အထဲ Windows ကိုမှ ဦးတည် တိုက်ခိုက်တဲ့သူ ပိုပိုများလာတဲ့ အချက်က ဘူးလေးရာ ဖရုံဆင့် ဖြစ်လာ စေခဲ့ပါတယ်။ လွန်ခဲ့တဲ့နှစ် အနည်းငယ်လောက် ကဆိုရင် ဆိုက်ဘာခြိမ်း ခြောက်မှု တစ်ခုကို အလွယ်တကူ ဖယ်ရှား နိုင်ခဲ့ပေမယ့် အခုဆိုရင်တော့ ခြိမ်းခြောက်မှု တစ်ခုကိုမှ ဖြေရှင်းလို့ မပြီးသေး ဘူး၊ နောက်ထပ် ခြိမ်းခြောက်မှု တစ်ခုက ထပ်ပြီး ပေါ်လာတတ် ပါသေးတယ်။ ဒါဟာ မူပိုင်ခွင့် နည်းပညာတွေနဲ့ လက်ဝါးကြီးအုပ် တတ်လွန်းတဲ့ Microsoft ကိုမုန်းတဲ့သူ များလာ တာကြောင့် ဖြစ်တဲ့အပြင် အိုင်စီတီ နည်းပညာကို အရူးအမူး လေ့လာလိုက် စားကြရင်း လမ်းမှား ရောက်သွားတဲ့ လူငယ်တွေ များလာတာ ကြောင့်လည်း ဖြစ်ပါတယ်။

အားလုံးသိတဲ့ အတိုင်း လူတိုင်းနဲ့ လက်လှမ်းမီပြီး အလွယ်တကူ လက်တည့် စမ်းနိုင်တဲ့ နည်းပညာ ဆိုလို့ Microsoft Windows ပဲရှိတာမို့ ဒီလိုဖြစ် နေရတာပါ။ Microsoft ဟာ အားလုံးနဲ့ အဆင်ပြေအောင် မနေနိုင်ရင် အားလုံးထက် နှာတစ်ဖျား သာအောင်တော့ အမြဲကြိုး စားနေဖို့တော့ လိုပါလိမ့်မယ်။

၎။ Software စုစည်းမှုအားနည်း

၂၀၁၁ ခုနှစ် ဇန်နဝါရီလ ၆ ရက်နေ့မှာ Apple ကုမ္ပဏီဟာ သူတို့ရဲ့ Mac OSX Snow Leopard မှာ သုံးစွဲနိုင် မယ့် Application တွေကို စုစည်းပေး ထားတဲ့ Mac App Store ဆိုတာကို စတင် လွှင့်တင် ပေးခဲ့ပါတယ်။ ဒီဝဘ်ဆိုက်ဟာ တဖြည်းဖြည်းနဲ့ လူသုံးများ လာတဲ့ iPad နဲ့ iPhone အတွက်ပါ အထောက် အပံ့ပေး နိုင်ပါ တယ်။ Software တွေ အားလုံးကို တစ်နေရာ တည်းမှာ အလွယ်တကူ ဝယ်ယူလို့ ရတော့ Mac OSX  ရဲ့ လူကြိုက်များမှု ပမာဏလည်း ထိုးတက် သွားခဲ့ ပါတယ်။ Microsoft ကတော့ Windows 7 နဲ့ ပတ်သက်လာရင် ဒီလိုမျိုး အွန်လိုင်း Software Store မလုပ်ပေး နိုင်သေးပါဘူး။ Android မှာလည်း သူ့ရဲ့ ကိုယ်ပိုင် App Store ရှိလို့ အောင်မြင်လာ တာဖြစ်သလို iPod ဆိုတာကလည်း သီချင်းရောင်းတဲ့  iTunes ဝဘ်ဆိုက်ရှိလို့ လျှမ်းလျှမ်း တောက် သွားခဲ့တာပါ။ Mac OS ဘက်ကို လူတွေ ပြန်လှည့်မသွားဖို့ Windows 7 App Store တစ်ခုတော့ ရှိဖို့လိုနေပါပြီ။

၅။ ကိုယ်ပိုင်ဟန်ရှိဖို့လိုတယ်

Microsoft ဟာ ကမ္ဘာ့နံပါတ် (၁) နေရာရဖို့ ဘာမဆို လုပ်ဆောင် လာခဲ့တာပါ။ အင်တာနက် Browser အပိုင်းနဲ့ ပတ်သက်ရင် Netscape နဲ့ စစ်ခင်း ခဲ့ရတယ်၊ အသုံးပြုသူ ဘက်က တွေ့မြင်ရတဲ့ သွင်ပြင် (UI) အတွက် Apple နဲ့ ယှဉ်ပြိုင်ခဲ့ ရတယ် အစရှိသဖြင့် အပွဲပွဲနွှဲ လာခဲ့ရတဲ့ Microsoft ဟာ တကယ်တမ်း မှာတော့ သူ့ပြိုင် ဘက်တွေရဲ့ နည်းပညာ တွေကို တစ်ခု မဟုတ်တစ်ခု အတုခိုးရင်း ရှေ့တက်လာခဲ့ တာပါ။ ဒီတော့ Microsoft ရဲ့ Windows ဟာ ကိုယ်ပိုင် သွင်ပြင် မရှိလှဘဲ ဟိုစပ်စပ် သည်စပ်စပ်နဲ့ ရောမွှေ ထားသလို ဖြစ်နေ ပါတယ်။ သူ့မှာ ကိုယ်ပိုင်ဟန်ရှိဖို့ လိုအပ်လာပါပြီ။ Windows မှာ သုံးလို့ရတဲ့ Application တော်တော် များများ ကို အထောက် အပံ့ပေးတဲ့ Ubuntu Linux ဟာ ကိုယ်ပိုင်ဟန်ရှိလို့ အောင်မြင်လာတာပါ။

၆။ Cloud ကို ဘယ်လိုကိုင်မလဲ

Google က Chrome OS ကိုထုတ်ပြပြီး Cloud အခြေပြု လုပ်ငန်းစဉ်ကို ချပြခဲ့တဲ့အခါ Microsoft ဘက်က ဘယ်လို တုံ့ပြန်မလဲလို့ အားလုံးက သိချင်ခဲ့ကြ ပါတယ်။ ဒါပေမဲ့ Microsoft ဟာ ကမ္ဘာပေါ်မှာ လူသုံးအများ ဆုံး OS ထုတ်လုပ်တဲ့ ကုမ္ပဏီ မပီသစွာနဲ့ဘဲ သိသိသာသာ  offline  ဖြစ်နေဆဲပါပဲ။ Online အခြေပြု Application တွေကို ပြိုင်ဆိုင် နိုင်ဖို့ Microsoft ဟာ စိတ်မပါ့ တပါနဲ့ပဲ ကြိုးပမ်း နေဆဲဖြစ်ပြီး သူ့ရဲ့ Office Suite ကို Online ကနေ သုံးစွဲလို့ ရအောင် ဖန်တီးပေး ထားပါတယ်။ Windows 7 ဟာ DVD ဘူးခွံနဲ့ ရောင်းတဲ့ အထဲမှာတော့ ထိပ်တန်း ရောက်နေပေမယ့် Cloud  နဲ့ ပတ်သက် လာရင်တော့ နောက်ကောက် ကျနေဆဲပါ။

၇။ MacOSX လောက် အထာမကျ

Apple ရဲ့ OS ဟာ စတင် ထွက်ပေါ်လာ ကာစက ရုပ်ထွက် အလွန်ကောင်းမွန်လို့ လူကြိုက် အလွန်များခဲ့ ပေမယ့် Windows နဲ့ Intel တို့ရဲ့ ပူးပေါင်းတိုက်ခိုက်မှုကြောင့် မှေးမှိန်ခဲ့ရတာပါ။ ဒါတောင်မှ ပြုပြင်သင့်တာ တွေကို ပြုပြင် နိုင်ခဲ့လို့ အခုချိန်မှာတော့ MacOSX ဟာ Windows 7 ထက် ပိုမို ပေါ့ပါးတယ်၊ ဒီဇိုင်း ပိုကောင်း တယ်၊ လုံခြုံရေး ပြဿနာ ပိုနည်းတယ်ဆိုတဲ့ ကောင်းသတင်း တွေနဲ့ မွှေးပျံ့နေပါပြီ။ ဝန်ခံစရာ ရှိတာက MacOSX ဟာ ဈေးကွက်ဝေစု အရမ်းနည်းတဲ့ အတွက် ဘယ် Hacker ကမှ အချိန်ကုန်ခံ လက်တည့်စမ်း မနေ ဘူးဆိုတဲ့ အချက်ပါပဲ။ ဒါတောင်မှ သူ့ရဲ့ Permission Settings  တွေဟာ  Windows 7 ထက် ပိုမိုကောင်းမွန် တယ်ဆိုတဲ့ အချက်ကလည်း အထင်အရှား ပါပဲ။ Windows 8 ထွက် လာတဲ့ အခါ MacOSX နဲ့ တူသည်ထက် ပိုတူ လာတယ် ဆိုရင် မထူးဆန်း ပါဘူး။

၈။ XP ကို အမြတ်ဖြတ်ဖို့ ခတ်နေ

ကုမ္ပဏီကြီးတွေရဲ့ ဝယ်ယူ အားပေးမှုကြောင့် Microsoft Windows ရယ်လို့ မော်ကြွား နေတာပါ။ စက်တစ်လုံး ကို Copy တစ်ခုပဲ ရောင်းရစေဦး၊ ကွန်ပျူတာအလုံး (၄၀၀) လောက်ရှိတဲ့ စီးပွားရေးလုပ်ငန်း တစ်ခုကို အပိုင် ကိုင်နိုင်လိုက် မယ်ဆိုရင် ခိုင်သွားမှာပါ။ ဒါပေမဲ့ လက်ရှိဖြစ် နေတာက Windows XP ဟာ အသုံးပြုသူ တွေနဲ့ အင်မတန် အသားကျနေလို့ Windows 7 ကို Upgrade လုပ်ဖို့ စီးပွားရေး လုပ်ငန်းတွေက လက်တွန့်နေကြ ပါတယ်။ ကုန်ကျ စရိတ်ကို ပြန်တွက် ကြည့်တိုင်း တွက်ချေမကိုက် ဖြစ်နေတာက တစ်ကြောင်း၊ ကမ္ဘာလုံး ဆိုင်ရာ စီးပွားရေး ကျဆင်းနေ မှုကြောင့် အသုံးစရိတ် ချွေတာ နေရတာက တစ်ကြောင်း၊ XP ကို စွန့်ပစ်တဲ့ ကုမ္ပဏီ နည်းပါး နေပါသေးတယ်။ Windows 8 ထွက်မှ OS ပြောင်းသုံးအောင် ဆွယ်မယ် ဆိုရင်တော့ Microsoft ပြတ်ကျန် ခဲ့ပါလိမ့်မယ်။ Windows 7 အပေါ် လက်ခံမှု အတိုင်းအတာ တစ်စုံတစ်ရာ ရှိပေမယ့် အသစ်တွေ ဘယ်လောက် ကောင်းကောင်း အဟောင်းမှာပဲ တလည်လည် ဖြစ်နေတယ် မဟုတ်ပါလား။

၉။ Vista ကြောင့် မျက်နှာပျက်ခဲ့ရတာကို အဖတ်မဆည်နိုင်သေးဘူး

ပွဲတိုင်းကျော် Microsoft ဟာ Windows XP နဲ့ အောင်မြင်မှု သရဖူ ဆောင်းခဲ့ပေမယ့် Windows Vista ထုတ် အရောင်းမှာတော့ အကြီးအကျယ် မျက်နှာပျက် ခဲ့ရပါတယ်။ Windows XP  နဲ့ ဘာမှကို မဆိုင်တော့လောက် အောင် ပြုပြင်ပြောင်း လဲလိုက်တဲ့ သွင်ပြင်ကြောင့် အသုံးရ ခက်တဲ့ ကြားထဲ Hardware တောင်းဆိုမှု ကလည်း အလွန်မြင့်မား တာကြောင့် Vista ဟာ လူတွေ အလု အယက် Upgrade လုပ်ရမယ့် OS  ဖြစ်လာ ရမယ့် အစား  Vista သွင်းထား ပြီးသား စက်ကို  XP  ပြန်သွင်းရတဲ့ အဆင့်အထိ  Downgrade OS  ကြီး ဖြစ်သွား ခဲ့ပါတယ်။ Vista ကြောင့် Microsoft ရဲ့ အမာခံ လက်တွဲဖော်တွေ ဖြစ်တဲ့ Dell နဲ့ HP တို့ပါ အကြီး အကျယ် နစ်နာခဲ့ရပြီး အသုံးပြုသူ တော်တော် များများလည်း Mac OS X နဲ့ Linux ဘက်ကို လှည့်သွား ခဲ့ပါတယ်။ Windows 7 ထွက်ပေါ်တာ တစ်နှစ်လောက် ကြာသွားပြီးတဲ့ နောက်မှာတော့ Vista နဲ့ ပတ်သက်တဲ့ စိတ်နာစရာတွေကို လူတွေ မေ့သင့်သလောက် မေ့သွားပြီလို့ ဆိုရပေမယ့် Windows 8 ကို စိတ်အား ထက်သန်စွာ စောင့်ဆိုင်း နေတဲ့ ပရိသတ် ဦးရေတော့ လျော့ကျ သွားခဲ့ ရပါပြီ။

၁၀။ အကြံပေးစကား နားထောင်ဖို့လို

Microsoft ရဲ့ အကြီးဆုံး ပြဿနာ ကတော့  Windows ကို ထုတ်လုပ်တဲ့ (၂၅) နှစ်တာ ကာလအတွင်း ဘယ်သူ တစ်ဦး တစ်ယောက်ရဲ့ အကြံပေး စကားတွေကို နားမထောင်ခဲ့တဲ့အချက်ပါပဲ။ Windows နဲ့ပတ် သက်ပြီး ဝေဖန်သူ တွေက ဘာတွေ ပြောနေတယ်၊ အသုံးပြုသူတွေက ဘာတွေ မကျေနပ်ဘူးလဲ စတာတွေကို အသိအမှတ်ပြုဖို့ Microsoft က နှေးကွေးနေခဲ့တာပါ။ Windows Vista ရဲ့ လုံခြုံရေးကိစ္စနဲ့ ပတ်သက်ပြီး ဝေ ဖန် ပေးကြဖို့ တစ်ကြိမ်သာ ဖွင့်ပေးခဲ့တာကလွဲရင် Microsoft ကုမ္ပဏီဟာ အသုံးပြုသူ အသိုင်းအဝိုင်းနဲ့ ခပ်စိမ်းစိမ်း ပါပဲ။ ရှေ့ကို ဆက်သွား မယ်ဆိုရင် Microsoft ဟာ ငြင်းခုံစရာ တစ်ခုခုဖြစ်လာတိုင်း အပေါ်စီးကနေ ပြောဆို တတ်တဲ့ အကျင့်ကို လျှော့ပြီး Windows ရဲ့ ပြဿနာတွေကို လူတွေ ပြောတာထက်စာရင် Windows ရဲ့ အကျိုး ကျေးဇူး တွေကို လူတွေ ပိုပြောလာဖို့ ဆောင်ရွက်ပေး ရပါမယ်။ Linux အသုံးပြုသူ အသိုင်း အဝိုင်းကိုပဲ ကြည့်ကြည့်၊ Mac OSX အသုံးပြုသူ အသိုင်းအဝိုင်းကိုပဲ ကြည့်ကြည့်၊ Windows အသုံးပြုသူ အသိုင်းအဝိုင်း ထက် စာရင်တော့ မိခင်ကုမ္ပဏီအပေါ် ပိုပြီး သက်ရောက်မှု ရှိကြပါတယ်။ ပြောရရင်တော့ Windows ဟာ လူသုံးအများ ဆုံး ဆိုပေမယ့် လူချစ်လူခင် အများဆုံးတော့ မဟုတ်ခဲ့ပါဘူး။ အထက် ဖော်ပြပါ အချက်တွေကို ပြုပြင် ဆောင်ရွက် နိုင်မယ် ဆိုရင်တော့ အသည်းစွဲ ပရိသတ်တွေ ရှိလာ နိုင်ပါရဲ့။

 Myanmar Express

Posted in: နည်းပညာ