Subscribe to our RSS Feed

ခွေးရူးကိုက်ခံရသော မြင်းက လူခုနစ်ဦးကို ထပ်ဆင့်ကိုက်ခဲ

Sunday, October 06, 2013  ME  1 comment

From : .. the voice


ခွေးရူးကိုက်ခံရသော မြင်းတစ်ကောင်က ကလေးငယ်လေးဦး အပါအဝင် လူခုနစ်ဦးကို ကိုက်ခဲမှုတစ်ခု မရမ်းကုန်းမြို့နယ် အမှတ် (၁) ရပ်ကွက်တွင် အောက်တိုဘာလ ၄ ရက် နံနက် ၉နာရီခန့်က ဖြစ်ပွားခဲ့ကြောင်း အဆိုပါရပ်ကွက် အုပ်ချုပ်ရေးမှူးရုံးမှ စာရေးမနွယ်နွယ်စိုးက The Voice သို့ ပြောကြားသည်။

အဆိုပါ မြင်းသည် ရပ်ကွက်တွင်း ပြေးလွှားကာ အသက်လေးနှစ်အရွယ် မိန်းကလေးမှ အသက် ၂၉ နှစ်အရွယ်ရှိ အမျိုးသမီးများ အပါအဝင် လူခုနစ်ဦးကို ကိုက်ခဲခဲ့ပြီး မြင်းကိုက်ခံရ၍ အင်းစိန်မြို့နယ် ပြည်သူ့ဆေးရုံတွင် လေးဦး၊ ရန်ကုန် ပြည်သူ့ဆေးရုံကြီးတွင် သုံးဦး ဆေးကုသမှု ခံယူလျက် ရှိကြောင်း၊ ခွေးရူးရောဂါပိုး ကူးစက်ခံရသည့် မြင်းကို ရပ်ကွက်နေထိုင်သူ အချို့က ရိုက်သတ်ခဲ့ကြောင်း အမှတ် (၁) ရပ်ကွက် အုပ်ချုပ်ရေးမှူးရုံးထံမှ သိရှိရသည်။

မြင်း၏ လှုပ်ရှားသွားလာမှုကို မသင်္ကာ၍ သေဆုံးနေသော မြင်းကို နံနက် ၁၀နာရီခန့်က အင်းစိန်မြို့နယ်ရှိ မွေးမြူရေးနှင့် ကုသရေးဦးစီးဌာန၊ ရောဂါရှာဖွေ ထိန်းချုပ်ရေး ဌာနစုသို့ ပေးပို့စစ်ဆေးခဲ့ရာ ယင်းတွင် ခွေးရူးရောဂါပိုး တွေ့ရှိသည်ဟု ဆေးစာအဖြေ ထွက်ကြောင်း၊ မြင်းကိုက်ခံရသူများမှာ အသက်အန္တရာယ် မစိုးရိမ်ရကြောင်း အမှတ် (၁) ရပ်ကွက် အုပ်ချုပ်ရေးမှူးရုံး အဖွဲ့ဝင် အမျိုးသားတစ်ဦးက ပြောကြားသည်။

အဆိုပါ မြင်းပိုင်ရှင်သည် အမှတ် (၁) ရပ်ကွက်၊ ရွှေထီးအိမ်ရာတွင် နေထိုင်သူဖြစ်ပြီး မြင်းပိုင်ရှင်သည် အကြားအာရုံ ချို့ယွင်းနေသည့် အငှားယာဉ် မောင်းနှင်သူတစ်ဦး ဖြစ်ကြောင်း ၎င်းထံမှ သိရှိရသည်။
“မြင်းမှာ ခွေးရူးရောဂါပိုး တွေ့တာကြောင့် တိရစ္ဆာန် ဆေးကုဆရာဝန်တွေ ဖွဲ့စည်းထားတဲ့ NGO တစ်ခုကတော့ မြင်းကိုက်ခံရတဲ့ လူတွေကို ခွေးရူးပြန်ရောဂါ ကာကွယ်ဆေး အခမဲ့ ထိုးပေးသွားတယ်” ဟု ရာအိမ်မှူး ဦးငြိမ်းသူက ပြောဆိုသည်။

အရှေ့တောင်အာရှ ဒေသဆိုင်ရာ ကမ္ဘာ့တိရစ္ဆာန် ကျန်းမာရေးအဖွဲ့ (OIE) ၏ အကူအညီ ပေးမှုဖြင့် စက်တင်ဘာ ၂၈ ရက်မှစတင်ကာ မြန်မာနိုင်ငံ တစ်နိုင်လုံးရှိ ခွေး၊ ကြောင်များကို အခမဲ့ခွေးရူးရောဂါ ကာကွယ်ဆေး နှစ်သိန်းကို ထိုးပေးမည် ဖြစ်ကြောင်း စက်တင်ဘာ ၂၆ ရက်က မွေးမြူရေးနှင့် ရေလုပ်ငန်းဝန်ကြီးဌာန၊ မွေးမြူရေးနှင့် ကုသရေးဦးစီးဌာနက ဒုတိယညွှန်ကြားရေးမှူး ဒေါက်တာအောင်ကြီးက The Voice သို့ ပြောကြားသည်။

 .. www.MyanmarExpress.net
 

Posted in:

1 comments:

1-we need animal control department like other countries.
2-people can call animal control department
and ask for help and to control animals.
3-usually those officials are like police officials.
4-we can control snakes,dogs etc very effectively
so the we can save our people.
5-all dogs must be registered and vaccinated so that
we can save people from dog bites and spread of disease "rabies".
6-now a day our people are getting rich and some started keeping very expensive dogs as a fashion.
it is more dangerous because we still have many dogs
on the street.

Post a Comment

https://www.facebook.com/MyanmarExpress တွင် သတင်းများ ဆက်လက်ဖတ်ရှုရန်