လားရှိုးမြို့ရေကြီး.. စစ်တပ်ကပဲ ကူညီရပြန်

ရှမ်းပြည်နယ် မြောက်ပိုင်း၊ လားရိူးမြို့မှာ မိုး အဆက်မပြတ်သည်းထန်ပြီး အရှိန်အဟုန်နဲ့ စီးဆင်းလာတဲ့ တောင်ကျချောင်းရေ တွေကြောင့် ရေကြီးမှုတွေ ဆိုးဆိုးဝါးဝါး ဖြစ်ပေါ်နေပါတယ်။

ဒီကနေ့ နေအိမ်တွေ ပြိုကျမှုတွေ၊ ရေစီးနဲ့မျှောပါပျောက်ဆုံး နေသူတွေ ရှိတယ်လို့ သိရပြီး ရေကြီးမှုကြောင့် နေအိမ်တွေထဲ ပိတ်မိနေတဲ့ ဒေသခံတွေနဲ့ကလေးငယ်တွေ ကို စစ်တပ်၊ ရဲ စတဲ့ အာဏာပိုင် တွေက ကယ်ဆယ်ရေးတွေဆောင်ရွက်နေတာ မြင်တွေ့ရတယ်လို့ ဒေသခံတစ်ဦးက ပြောပါတယ်။

ရေကြီးမှု အဆိုးရွားဆုံးဖြစ်နေတဲ့ အေဒီချောင်းနံဘေးက ရပ်ကွက် (၁)၊ရပ်ကွက် (၉)နဲ့ (၁၀)တို့မှာ ကူညီကယ်ဆယ်ရေးလုပ်ငန်းတွေ အဓိက လုပ်ဆောင်နေပြီး၊ ဒုက္ခသည် စခန်း ၃ ခုကိုလည်း အရေးပေါ် ဖွင့်လှစ် ထားရတယ်လို့ သိရပါတယ်။

Myanmar Express

Posted in: စစ်တပ်နှင့် နိုင်ငံရေး,သတင်း