ဒေါ်စု ဦးသိန်းစိန် ကို ပြေးတွေ့ပြန်

နေပြည်တော်ရောက် ဒေါ်အောင်ဆန်းစုကြည်ဟာ နိုင်ငံတော်သမ္မတ ဦးသိန်းစိန် ထံသို့ ဒုတိယ အကြိမ် ပြေးတွေ့ခဲ့ ကြောင်း သတင်းရရှိသည်။ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ်ဒေါ်အောင်ဆန်းစုကြည်တို့သည် နိုင်ငံတော် သမ္မတကြီး ရှိရာသို့ ယနေ့နံနက် ၉ နာရီခန့်က တွေ့ဆုံခဲ့ပြီး တစ်နာရီခန့်ကြာ သွားရောက်တွေ့ဆုံခဲ့ကြောင်း ဒေါ်အောင်ဆန်းစုကြည်၏ ကိုယ်ရေး အရာရှိဒေါက်တာတင်မာအောင်က အတည်ပြု ပြောကြားသည်။

မည်သည့်အကြောင်းအရာများ ဆွေးနွေးခဲ့သည်ကိုမူ အမျိုးသားဒီမိုကရေစီ အဖွဲ့ချုပ်အနေဖြင့် သတင်းထုတ်ပြန်ရန် မရှိဘဲ သမ္မတရုံးကသာ ထုတ်ပြန်ပါလိမ့်မည်ဟု အမျိုးသားဒီမိုကရေစီအဖွဲ့ချုပ်ပါတီ ဗဟိုအလုပ်အမှုဆောင် ဦးအုန်းကြိုင်ကပြောကြားသည်။

ယခုတွေ့ဆုံမှုသည် နိုင်ငံတော်သမ္မတနှင့် ဒေါ်အောင်ဆန်းစုကြည်တို့ နှစ်ဦး၏ ဒုတိယအကြိမ်မြောက် သီးသန့်တွေ့ဆုံမှုဖြစ်သည်။ ပထမတကြိမ်တုန်းကလည်း အလုပ်ရုံဆွေးနွေးပွဲလုပ်ရန် နေပြည်တော်သို့ ဖိတ်ကြားစဉ် အလုပ်ရုံဆွေးနွေးပွဲ မသွားပဲ သမ္မတကြီးအိမ် အတင်းသွားကာ ပြေးတွေ့ခဲ့တာကြောင့် အလုပ်ရုံဆွေးနွေးပွဲ ကို ၁ နာရီ ကျော်ခန့် နောက်ဆုတ်ခဲ့ရသည်။

လက်တလောအားဖြင့် နာမည်ကောင်းများဖြင့် ကမ္ဘာတခွင်မှာ ကြော်ကြားနေသော ဦးသိန်းစိန် ကို အနယ်နယ်အရပ်ရပ် တိုင်းပြည်အသီးသီး မှ ပုဂ္ဂိုလ်များက လာရောက်တွေ့ဆုံလျှက် ရှိရာ ဒေါ်အောင်ဆန်းစုကြည်လည်း အားကျမခံ ရောက်ရှိလာခြင်း ဖြစ်သည်။ ဒီနှစ်ထဲတွင် ဒေါ်အောင်ဆန်းစုကြည်မှ ဦးသိန်းစိန်၊ သူရဦးရွှေမန်း တို့ နှင့် တွေ့ဆုံမှုတွေ ရှိခဲ့ပြီး တွေ့ဆုံမှုတိုင်းသည် ရန်ကုန်တွင်နေထိုင်သော ဒေါ်အောင်ဆန်းစုကြည်မှသာ နေပြည်တော်သို့ သွားရောက်တွေ့ဆုံရခြင်းဖြစ်ပြီး နေပြည်တော်မှ ရန်ကုန်သို့ လာရောက်တွေ့ဆုံသူ တစ်ဦးမှ မရှိကြောင်း သိရသည်။

Myanmar Express

Posted in: သတင်း,အသုံးမကျတဲ့ ဒေါ်စု နဲ့ NLD