MiG 29 အမောင်းသင်လေယာဉ် UB တစ်စင်း လေ့ကျင့်ပျံသန်းစဉ် မတော်တဆမှုဖြစ်

ယနေ့ နံနက်ပိုင်းက တောင်တွင်းကြီးခရိုင် မြိုသစ်မြို့နယ် ၊ နင်းဂျန်းရွာ အနီးယနေ့နံနက် ၁၀ နာရီ ခွဲခန့်က လေယာဉ်တစီး ပျက်ကျသွားကြောင်း သတင်းရသည်။ မြို့သစ်အနောက်တောင်ဘက် နင်ကြမ်းကျေးရွာအနီး တွင်MiG 29 အမောင်းသင်လေယာဉ် UB တစ်စင်းလေ့ကျင့်ရင်း ပျက်ကျခဲ့ကြောင်း သိရသည် ။

ယာဉ်ပေါ်ပါ လေယာဉ်မှူး ဒုမှူးကြီး နှင့် ဗိုလ်ကြီးတစ်ဦး အရေးပေါ် ထွက်နိုင်ခဲ့ပြီး ထိခိုက်ဒဏ်ရာရရှိမှုမရှိကြောင်း သိရသည်။

ဒေသခံတစ်ဦးမှလည်း အဆိုပါလေယာဉ်မှာ ဇွန် ၁ဝ ရက် နံနက် ၈ နာရီနှင့် ၉ နာရီအချိန်ကတည်းက ပျံသန်း နေသည်ကို ရွာသားများကတွေ့ ရှိပြီး ဇွန် ၁၁ ရက်တွင် ပျက်ကျ ခဲ့ခြင်းဖြစ်ကာ လေယာဉ်၏ တောင် ပံတစ်ခုသည် ယောင်းမငရွာ၏ မြောက်ဘက်တွင်ကျခဲ့ပြီး လေ ယာဉ်မှူးနှစ်ဦးမှာ လေယာဉ်ပေါ် မှလေထီးဖြင့် ခုန်ချခဲ့ကြောင်း မျက်မြင်တွေ့ခဲ့ကြသည့် ဒေသခံ ရွာသားများကပြောသည်။
ယောင်းမငရွာမှဒေသခံဦး ဝင်းနိုင်ထွန်းက ''ယောင်းမငရွာ ကိုကျမှာစိုးတဲ့အတွက် ရွာနား က ရင်းချောင်းကြီးရှိတဲ့အထဲကို ထိုးကျအောင်မောင်းတယ်။ ဒါ ပေမဲ့ အဲနေရာထိမရောက်ဘဲ ရွာအကျော်က လက်ပံတောကန် ဘေးနားကို ပျက်ကျသွားတာလို့ ပြောတာကြားတယ်''ဟုပြောသည်။



ယခုလေယာဉ် ပျက်ကျမှု ဖြစ်စဉ်နှင့်ပတ်သက်ပြီး လေယာဉ် ပျံသန်းမှုဆိုင်ရာ ကျွမ်းကျင်အရာ ရှိကြီးတစ်ဦးက''အခုဖြစ်စဉ်က လေယာဉ်က ဟိုက်ဒရောလစ် ဖေးလ်ဖြစ်ပြီး ဖလိုက်ကွန်ထရိုး လုပ်လို့မရတော့လို့ ပျက်ကျတယ် လို့ယူဆလို့ရပါတယ်။ လေယာဉ် အနိမ့်ပျံသန်းမှုလေ့ကျင့်ခန်းဖြစ် လို့ အမြင့်ပေ ၂ဝဝဝ အောက် မှာသာ ပျံသန်းနေတာပါ။ ဒီအ မြင့်ပေမှာ လေယာဉ်မောင်းသူ တွေက ဘေးအန္တရာယ်ကင်းစွာနဲ့ ခုန်ချလွတ်မြောက်နိုင် ဖို့ဆို တာ အလွန်ခက်ခဲ ပါတယ်။ ဒါကို လေယာဉ်မှူးရဲ့ ကျွမ်းကျင်မှုနဲ့ အတွေ့အကြုံပြည့် ဝလို့သာ အခုလိုမျိုးအသက်ဘေး က လွတ်မြောက်ခဲ့ခြင်းလို့ဆိုနိုင် တယ်''ဟု သုံးသပ်ပြောကြားခဲ့ သည်။

Posted in: သတင်း