ရခိုင်ပြည်နယ် ရသေ့တောင်မြို့နယ်အတွင်း ဆူပူအကြမ်းဖက်သူများ ဖမ်းဆီးရရှိ

From : ခေတ်လူငယ်

ရခိုင်ပြည်နယ် ရသေ့တောင်မြို့နယ်၊ ဂူတောင်ကျေးရွာ၊ ဦးကာကျေးရွာတို့မှ ဆူပူအကြမ်းဖက်သူအချို့သည် ဇွန် ၁၉ ရက် နံနက် ၇ နာရီခွဲခန့်က အနောက်ပြင်ကျေးရွာရှိ နေအိမ်အချို့ကို မီးရှို့ခြင်းကြောင့် လူနေတဲ ၃၀ လုံး မီးလောင်ဆုံးရှုံးပြီး ရွာသား ၃ ဦး သေဆုံး၍ ရွာသားအချို့ ဒဏ်ရာရရှိသည့် သတင်းအား ဇွန် ၂၀ ရက်နေ့ည ရုပ်မြင်သံကြားသတင်းနှင့် ၂၁ ရက်နေ့ထုတ် နိုင်ငံပိုင် သတင်းစာများ၌ ဖော်ပြခဲ့ပြီး ဖြစ်ပါသည်။ ဖြစ်စဉ်၌ ဖော်ပြပါ သေဆုံးသူ သုံးဦးအပြင် ဂူတောင်ကျေးရွာမှ ရွာသားကိုးဦးမှာ ပျောက်ဆုံးလျက်ရှိသောကြောင့် ဆူပူအကြမ်းဖက်မှုကို မလိုလားသော ဒေသခံပြည်သူများက ထပ်မံသတင်းပေးမှု နယ်မြေခံတပ်ရင်းနှင့် မြန်မာနိုင်ငံ ရဲတပ်ဖွဲ့တို့ ပူးပေါင်းဖော်ထုတ်မှုကြောင့် ရွာသားကိုးဦး၏ အလောင်းများကို အနောက်ပြင်ကျေးရွာ အတွင်းမှ ရှာဖွေတွေ့ရှိခဲ့ပြီး ဗုဒ္ဓဘာသာ ထုံးတမ်းစဉ်လာအတိုင်း သက်ဆိုင်ရာ တာဝန်ရှိသူများနှင့် မိသားစုများမှ ကောင်းမွန်စွာ သင်္ဂြိုလ်ပေးခဲ့သည်။ ထိုသို့ အကြမ်းဖက်သတ်ဖြတ်မှုကို အုပ်စုဖွဲ့ကျူးလွန်ခဲ့သည့် အနောက်ပြင်ရွာသား ၂၂ ဦးအား ဇွန်လ ၂၁ ရက်နေ့တွင်လည်းကောင်း၊ ကျန် ၃၁ ဦးကို ဇွန် ၂၂ ရက်နေ့တွင်လည်းကောင်း တူမီးသေနတ် (၁) လက်အပါအဝင် သက်သေခံပစ္စည်းများနှင့်အတူ ဖမ်းဆီးရမိပြီး ဥပဒေအရ ထိရောက်စွာ အရေးယူနိုင်ရေး ဆောင်ရွက်လျက်ရှိကြောင်းနှင့် ဆက်လက်၍လည်း စုံစမ်းစစ်ဆေးမှုများ ပြုလုပ်လျက်ရှိကြောင်း ၂၀၁၂ ခုနှစ် ဇွန်လ ၂၃ ရက်နေ့ထုတ် မြဝတီ သတင်းစာတွင် ဖော်ပြထားပါသည်။

Myanmar Express

Posted in: မြန်မာ-ကုလား အဓိကရုဏ်းများ,သတင်း