လားရှိုးမြို့ အခြေအနေ ဆိုးရွားနေဆဲ... ပြည်သူတွေ အန္တရယ် ကြုံတွေ့လာချိန် စစ်တပ်မှ တပါး အားကိုးစရာမရှိ ~ Myanmar Express

လားရှိုးမြို့တွင် သြဂုတ်လ ၁၈ ရက်က စတင်ရွာသွန်းခဲ့သည့် စံချိန်တင်မိုးကြောင့် ရက်ပိုင်းအတွင်း လူနေအိမ်ခြေ ၂၀၀ နီးပါးခန့် နစ်မြုပ်ခဲ့ပြီး လူတစ်ဦးသေဆုံးခဲ့ကာ၊ ရေနစ်မြုပ်နေသည့် ရပ်ကွက်အချို့မှ ဒေသခံများအား လတ်တလောတွင် ကယ်ဆယ်နေရဆဲဖြစ်ကြောင်း သတင်းရရှိသည်။

၂၂ နာရီကြာ မိုးဆက်တိုက် ရွာသွန်းရာမှ လားရှိုးမြို့ အေတီချောင်း ရေကြီးရေလျှံမှုဖြစ်ခဲ့ပြီး အနိမ့်ပိုင်းရပ်ကွက်များဖြစ်သည့် ရပ်ကွက် (၁)၊ (၁၀)၊ (၁၁)၊ (၁၂)
တို့တွင် နေအိမ်များ ရေနစ်မြုပ်ခဲ့ကြောင်း သတင်းရရှိသည်။

"(၁၁)နဲ့ (၁၂) ရပ်ကွက်တွေကတော့ ပြန်ကျသွားပြီ။ လောလောဆယ်တော့ ကယ်ဆယ်ရေးစခန်းတွေ ဖွင့်ထားပြီးပြီ။ ကယ်ဆယ်ရေးတွေ ဆက်လုပ်နေရတုန်းဆိုတော့ မိသားစုဘယ်လောက်ရှိမယ် မှန်းလို့မရသေးဘူး"ဟု လားရှိုးမြို့နယ်အုပ်ချုပ်ရေးမှူးရုံးမှ တာဝန်ရှိသူတစ်ဦးကပြောသည်။

ရေနစ်မြုပ်လျက်ရှိသည့် နေအိမ်များမှ ဒေသခံများအတွက် အမှတ်(၁)ရပ်ကွက်အတွင်းမှ နယ်မြေ(၇)၊ နယ်မြေ(၉)နှင့် ရပ်ကွက်(၁၀)တို့တွင် ကယ်ဆယ်ရေးစခန်းများ ဖွင့်လှစ်ပေးထားပြီး ရေလွတ်သည့် မြို့ပေါ်ရပ်ကွက်မှ ဒေသခံများနှင့် သက်ဆိုင်ရာက ထမင်းထုပ်များ ဝေငှပေးလျက်ရှိကြောင်း စုံစမ်းသိရှိရသည်။