ဖြေကြည့်ပါမောင်သွေးချွန် (ပေးစာ-၂၂၅)

မောင်သွေးချွန်ဆိုသူကလဲ ၂၈-၁၂-၂ဝ၁၂ ရက်နေ့ထုတ် ဂျာနယ်တစ်စောင်မှာ တစ်ဖက်သတ်အမြင်နဲ့ နိုင်ငံတော် အစိုးရ၊ တပ်မတော်နဲ့ ငြိမ်းချမ်းရေးအကျိုးဆောင်တွေကိုပါ စော်ကားမော်ကားနဲ့ရေးသားခဲ့ပါတယ်။ မောင်သွေး ချွန် ကိုမေးလိုတာက ရိက္ခာပို့တဲ့တပ်မတော်စစ်ကြောင်းတစ်ခုကို ကေအိုင်အေ က အင်အား ၁ဝ ဆမက နဲ့ ဝိုင်းဝန်း တိုက်ခိုက်နေတာကို ဒီအတိုင်းပဲကြည့်နေရမှာလား။ မောင်သွေးချွန် ကိုယ်တိုင် (သို့မဟုတ်) မောင်သွေး ချွန်ရဲ့ သွေးရင်းသားရင်းများ အဲဒီဝိုင်းအတိုက်ခံရတဲ့တပ်မတော်စစ်ကြောင်းမှာပါနေရင်ရော ဘယ်လို ခံစားရမလဲ၊ မျှတမှု ရှိတယ်လို့ခံစားရမှာလားလို့မေးလိုပါတယ်။ မောင်သွေးချွန်အနေနဲ့ မိုးကုတ်မြို့မှာ ကေအိုင်အေက အကောက်ကြံပြီး အကြမ်းဖက်တဲ့လုပ်ရပ်တွေကိုကော မကြားမိဘူးလား၊ မမြင်တော့ဘူးလား။ အင်အား နည်းတဲ့ကာမိုင်းရဲစခန်းကိုကေအိုင်အေက အင်အားများစွာနဲ့ဝင်စီးပြီး အပြစ်မဲ့အရပ်သားတွေကို အကြမ်းဖက် တိုက်ခိုက်ခဲ့တာရော မောင်သွေးချွန် မကြားမိဘူးလား၊ နိုင်ငံပိုင်သတင်းစာတွေမှာ ရက်စွဲ၊ ဖြစ်စဉ် အတိအကျနဲ့ဖော်ပြထားတဲ့ကေအိုင်အေရဲ့အကြမ်းဖက်လုပ်ရပ် တွေအပေါ်မှာရော မောင်သွေးချွန်အနေနဲ့ ကလောင်စွမ်းမပြတတ်ဘူးလားလို့ စသည်ဖြင့် တပ်မတော်သားများ ကိုယ်စားမေးလိုပါတယ်။

မောင်သွေးချွန်က ဘာတေးလစ်တနာရဲ့အမြင်ကိုလည်းထည့်ထားပါသေးတယ်၊ မြန်မာ့အရေး ကျွမ်းကျင်သူ ဟုတ်/ မဟုတ်တော့ ကျွန်တော်မသိပါဘူး။ ကျွန်တော်မှတ်မိတာက ဘာတေးလစ်တနာဆိုသူက  အရှေ့ဖျား စီးပွားရေးစာစောင်မှာ ပင်တိုင်သတင်းထောက်အဖြစ်လုပ်ခဲ့ပြီး ၁၉၈၇ ခုနှစ်လောက်က မြန်မာနိုင်ငံ ကချင် သောင်း ကျန်းသူစခန်း ပါဂျိုတို့၊ နားဖော့တို့မှာ လပေါင်းများစွာတရားမဝင်နေခဲ့သူပါ။ ကချင်သောင်းကျန်းသူ စခန်းက တစ်ဆင့် ဗကပဗဟိုပန်ဆန်းကိုကူးခဲ့ပြီး ၁၉၈၈ အရေးအခင်းဖြစ်အောင် ဘီဘီစီသတင်းထောက် ခရစ် စတိုဖာ ဂါးနက်စ်တို့နဲ့အတူ လုပ်ကြံဝါဒဖြန့်ခြင်း၊ မမှန်သတင်းများဖန်တီးခဲ့သူဖြစ်ပါတယ်။ ခရစ်စတိုဖာဂါးနက်  အကြာင်းကြားရင် ထိုစဉ်ကလုပ်ကြံသတင်းဖြစ်တဲ့ ''လုံထိန်းများ၏မတရားပြုကျင့်မှု'' လုပ်ကြံသတင်းကို မှတ်မိကြ မှာပါ။ ယခုလဲ မောင်သွေးချွန်က ဘာတေးလစ်တနာနဲ့အတိုင်အဖောက်ညှိပြီး ပွက်လောရိုက်အောင်လုပ်ချင် တာလားလို့မေးချင်ပါတယ်။

    မောင်သွေးချွန်ပြောတဲ့ တိုက်ပွဲပေါင်း ၂ဝဝဝ ကျော်မှာ တပ်မတော်ကစပြီးသွားတိုက်တဲ့တိုက်ပွဲ ရှိခဲ့သလားလို့ မောင်သွေးချွန်ကိုပြန်မေးရပါမယ်။ ပြည်သူလူထုကတောင်းဆိုတဲ့အတိုင်း နိုင်ငံတော်အစိုးရအဖွဲ့၊ တပ်မတော်နဲ့ငြိမ်းချမ်းရေးကိုယ်စားလှယ်များကကေအိုင်အေကို ငြိမ်းချမ်းရေးဆွေးနွေးဖို့ဖိတ်ခေါ်တာတို့/ဆွေးနွေးနေ တာတို့ ဘာဖြစ်လို့အကောင်အထည်ပေါ်မလာအောင်ကေအိုင်အေက ဖန်တီးနေတာလဲလို့ကေအိုင်အေနဲ့အဆက်အသွယ် ရှိတယ်လို့ယူဆရတဲ့ မောင်သွေးချွန်ကိုပဲ တပ်မတော်သား/မိသားစုများကိုယ်စား မေးလိုပါတယ်။ ဖြေကြည့်ပါ မောင်သွေးချွန်။. 

www.MyanmarExpress.net
 

Posted in: တိုက်ပွဲသတင်း,ပေးစာ