မိတ္ထီလာ အဓိကရုဏ်း နောက်ဆုံးရသတင်း

From : ..rfa

ဒီကနေ့ မနက် အဓိကရုဏ်း ဖြစ်ပွားခဲ့တဲ့ ရန်မျိုးအောင် ရပ်ကွက်၊မင်္ဂလာဇေယျုံ နယ်မြေအတွင်းက အစ္စလာမ်ဘာသာရေး စာသင်ကျောင်းတွေမှာ ခိုအောင်းနေတဲ့ အစ္စလာမ်ဘာသာဝင်တွေကို ရဲတပ်ဖွဲ့ဝင်တွေရဲ့ အစောင့်အရှောက်နဲ့ လုံခြုံတဲ့နေရာတွေကို ပို့ဆောင်ထားပြီး RFA က ဆက်သွယ်မေးမြန်းချိန် ၁၂ နာရီ မိနစ် ၃၀ အချိန်မှာ ရဲစခန်းပတ်ဝန်းကျင် တုတ်၊ဓားလက်နက်ကိုင်ဆောင်ထားတဲ့ ရာချီတဲ့ လူအုပ်တွေကို တွေ့မြင်နေရတယ်လို့ မိတ္ထီလာမြို့နယ် အမှတ် (၂)ရဲစခန်းက တာဝန်ရှိသူတစ်ဦးက RFA ကိုပြောပါတယ်။

"ကျွန်တော် ဖုန်းချလိုက်တော့မယ်။ရဲစခန်းနားမှာ လူအုပ်တွေ အများကြီး ရောက်နေတယ်"လို့ အမှတ်(၂)ရဲစခန်းမှ တာဝန်ရှိသူတစ်ဦးက ပြောပါတယ်။

မိတ္ထီလာမြို့တစ်မြို့လုံးမှာရှိတဲ့ အစိုးရစာသင်ကျောင်း၊ဈေးတွေ ပိတ်ထားတာကိုတွေ့မြင်ရပြီး၊လမ်းတွေပေါ်မှာလဲ လူသွား လူလာပြတ်တောက်နေတာကို မြင်တွေ့ရတယ်လို့ ပဋိပက္ခဖြစ်ပွားရာ မိတ္ထီလာမြို့ကို သွားရောက် သတင်းယူနေသူ RFA သတင်းထောက်က သတင်းပေးပို့ပါတယ်။

"မိတ္ထီလာက အဓိကရုဏ်းကြောင့် လူငါးဦးသေဆုံး"

မိတ္ထီလာမြို့မှာ ဒီကနေ့မနက်က ဖြစ်ပွားခဲ့တဲ့ အဓိကရုဏ်း ဖြစ်စဉ်များကြောင့် မိတ္ထီလာဆေးရုံကြီး (အရေးပေါ်ဌာန)ကို ထိခိုက်ဒဏ်ရာရသည့် လူနာ ၈ ယောက်ရောက်ရှိလာပြီး၊တစ်ယောက်မှာ ပြင်းထန်သည့် ဒဏ်ရာရရှိထားကြောင်း မိတ္ထီလာဆေးရုံကြီးမှ တာဝန်ရှိသူတစ်ဦးက ပြောကြားသည်။

"မနက်က Dead Body ၃ လောင်းရောက်လာတယ်။မနေ့က Dead Body နှစ်ခုနဲ့ဆိုရင် ၅ လောင်းဖြစ်သွားပြီ"လို့ အဆိုပါတာဝန်ရှိသူက ဆက်လက် ပြောကြားသည်။

.. www.MyanmarExpress.net
 

Posted in: သတင်း