တပ်မတော်သမိုင်းတွင် လူမျိုးသတ်ဖြတ်မှုများ ပြုလုပ်ခဲ့ခြင်းမရှိဟု ကာချုပ်ပြောကြား

From : ..7day

မြန်မာ့တပ်မတော်သမိုင်းကြောင်းတွင် မည်သည့်အခါမျှ လူမျိုးတုန်းသတ်ဖြတ်မှုများ ပြုလုပ်ခြင်းမရှိခဲ့ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ၆၈ နှစ်မြေက် တပ်မတော်နေ့ အခမ်းအနားမိန့်ခွန်းတွင် ပြောကြားသည်။

"လူမျိုးတုန်းသတ်ဖြတ်မှု (Genocide) ဆိုတာ တို့တပ်မတော်ရဲ့ သမိုင်းကြောင်းမှာ လုံးဝမရှိကြောင်း ပြောကြားလိုတယ်" ဟု တပ်မတော်ကာကွယ်ရေးဦးစီးချုပ်က ဆိုသည်။

တပ်မတော်အနေဖြင့် ဂျီနီဗာကွန်ဗင်းရှင်းအား လေးစားလိုက်နာလျက်ရှိသဖြင့် မည်သည့်စစ်ရာဇ၀တ်မှုကိုမျှ ကျူးလွန်ခြင်းမရှိသကဲ့သို့ စည်းကမ်းဖောက်ဖျက်သော စစ်သည်များရှိပါကလည်း စည်းမျဉ်း၊ စည်းကမ်းများနှင့်အညီ ထိရောက်စွာ အရေးယူလျက်ရှိကြောင်း ဗိုလ်ချုပ်မှူးကြီး မင်းအောင်လှိုင်က ပြောသည်။

လက်ရှိအစိုးရအနေဖြင့် ငြိမ်းချမ်းရေးကို လိုလားသကဲ့သို့ မိမိတို့ တပ်မတော်အနေဖြင့်လည်း ငြိမ်းချမ်းရေးကို အခြားသူများထက် ပို၍လိုလားသဖြင့် ငြိမ်းချမ်းရေးလုပ်ငန်းစဉ်များတွင် တက်ကြွစွာ ပါဝင်လျက်ရှိကြောင်း အဆိုပါပုဂ္ဂိုလ်က ပြောသည်။

"နိုင်ငံတော်က တပ်မတော်အတွက် ဘယ်တုန်းကမှမဖြစ်ခဲ့သလို နောင်လည်း ဘယ်တော့မှဖြစ်မှာမဟုတ်ဘူး။ တပ်မတော်ဟာ စည်းကမ်းပြည့်ဝတဲ့ ဒီမိုကရေစီစနစ်ကို လိုလားတယ်။ အရင်ကလို တိုင်းပြည်ထိခိုက်နစ်နာမှုတွေဖြစ်မှာကို မလိုလားဘူး" ဟု တပ်မတော်ကာကွယ်ရေးဦးစီးချုပ်က ဆိုသည်။

ဓာတ်ပုံ - AFP

.. www.MyanmarExpress.net
 

Posted in: စစ်တပ်နှင့် နိုင်ငံရေး,သတင်း