စားသောက်ကုန် အရည်အသွေးများ စစ်ဆေးရန် အတွက် ခေတ်မီ စက်နှစ်လုံး ၀ယ်ယူသွားမည်

From : mrtv4

ရန်ကုန်မြို့တော် စည်ပင် သာယာရေး ကော်မတီ လက်အောက်ရှိ ဈေးများ အတွင်း ရောင်းချ လျက်ရှိတဲ့ စားသောက်ကုန် အမျိုးမျိုးရဲ့ အရည်အသွေး
ပြည့်မီမှု ရှိ၊ မရှိ စစ်ဆေးဖို့ အတွက် ခေတ်မီ စက်နှစ်လုံး ၀ယ်ယူ သွားမယ်လို့ ရန်ကုန်မြို့တော် စည်ပင် သာယာရေး ကော်မတီ ကျန်းမာရေး ဌာနမှ တာဝန်ရှိသူ တစ်ဦးရဲ့ ပြောကြားချက် အရ သိရပါတယ်။ ဒီလို ၀ယ်ယူရာမှာ စက်တစ်လုံးဟာ စားသောက်ကုန်များ အတွင်း အရောင်ဆိုးဆေး၊ ဓာတုဆိုးဆေး ပါဝင်မှု ရှိ၊ မရှိ စစ်ဆေးဖို့နဲ့ တစ်လုံး ကတော့ ပြည်သူတွေ နေ့စဉ် စားသုံးမှုမှာ ပါဝင်တဲ့ စားသုံးဆီ အမျိုးမျိုးရဲ့ အရည်အသွေးနဲ့ ကျန်းမာရေး ညီညွတ်မှု ရှိ၊ မရှိ စစ်ဆေး နိုင်ဖို့ကို  အသုံးပြုမှာ ဖြစ်ပါတယ်။

အဆိုပါစက် ၂ လုံး ကိုတော့ ဂျပန်နိုင်ငံမှ ၀ယ်ယူ ထားတာဖြစ်ပြီး လာမယ့် ဒီဇင်ဘာလမှာ ပြည်တွင်းသို့ ရောက်ရှိမှာ ဖြစ်တယ်လို့ သိရပါတယ်။ ဒီလို စက်များ ရောက်ရှိ လာပြီးရင်တော့ ၂၀၁၃ ခုနှစ်၊ ဇန်န၀ါရီလ စတင်ကာ အသုံးပြု စစ်ဆေး သွားမှာ ဖြစ်ပါတယ်။ လက်ရှိမှာ အဆိုပါ စက်များ အသုံးပြုဖို့ အတွက် ရန်ကုန်မြို့တော် စည်ပင် သာယာရေး ကော်မတီ ကျန်းမာရေး ဌာန အောက်ရှိ B.E (Chemical) ရ ၀န်ထမ်းများကို သင်တန်းများ ပို့ချ ပေးသွားမှာ ဖြစ်ပါတယ်။

အခုလိုခေတ်မီစက်များ ၀ယ်ယူပြီး စားသောက်ကုန် စစ်ဆေးဖို့ စီစဉ်ရ တာဟာ လာမယ့် SeaGame ပြိုင်ပွဲမှာ ပြည်တွင်းကို လာရောက်ကြမယ့် ပြည်ပ ဧည့်သည်များနဲ့ ပြည်သူတွေ အနေနဲ့ ကျန်းမာရေးနဲ့ ညီညွတ်ပြီး ဘေးအန္တရာယ် ကင်းတဲ့ အစားအစာ များကို စိတ်ချစွာ ၀ယ်ယူ စားသောက် နိုင်စေဖို့ ဖြစ်တယ်လို့ သိရပါတယ်။

 Myanmar Express 

Posted in: ကျန်းမာရေး,သတင်း