ပုံနှိပ်ခြင်းနဲ့ ထုတ်ဝေခြင်း ဥပဒေမူကြမ်း လွှတ်တော်မှာ တင်သွင်း

From :rfa

ရန်ကုန်မြို့ရှိ လမ်းဘေးဆိုင်တခုတွင် သံဃာတပါး သတင်းစာ၊ ဂျာနယ်များ ဖတ်ရှုနေပုံ

 

သတင်းမီဒီယာ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေကြမ်းကို ပြန်ကြားရေးဝန်ကြီးဌာန ပြည်ထောင်စု ၀န်ကြီး ဦးအောင်ကြည်က မတ်လ ၇ ရက် ဒီကနေ့ ပြည်သူ့လွှတ်တော် အစည်းအဝေးမှာ အဆိုတင်သွင်းလိုက်ပါတယ်။
ဒီကနေ့ လွှတ်တော်မှာ တင်သွင်းတဲ့ ပုံနှိပ်ခြင်းနဲ့ ထုတ်ဝေခြင်း ဥပဒေမူကြမ်းဟာ လွတ်လပ်စွာ ပြောဆိုရေးသား ထုတ်ဝေခွင့်ကို ကန့်သတ်တဲ့ ဥပဒေကြမ်း မဟုတ်ကြောင်း ပြန်ကြားရေး ဝန်ကြီး ဦးအောင်ကြည်က ပြည်သူ့လွှတ်တော်မှာ အခုလို ထည့်သွင်းပြောကြားခဲ့ပါတယ်။

“ယခုရေးဆွဲတင်ပြတဲ့ ပုံနှိပ်ခြင်းနဲ့ ထုတ်ဝေခြင်း လုပ်ငန်း ဥပဒေဟာ အမျိုးသားအကျိုးစီးပွားကို ကာကွယ်စောင့်ရှောက်ရန်နှင့် လွတ်လပ်စွာပြော ဆိုခွင့်၊ ရေးသားထုတ်ဝေခွင့်တို့ကို ဟန့်တားနှောင့်ယှက်ခြင်း လုံးဝမရှိစေပဲ ပုံနှိပ်သူ၊ ထုတ်ဝေသူနဲ့ စာနယ်ဇင်းသမားများ အားလုံးအတွက် လုံခြုံစိတ်ချရမှုနဲ့ လုပ်ငန်းလွယ်ကူ အဆင်ပြေစေမှုတို့ကို အဓိကထားပြီး အနာဂတ်ကာလ စာပေအဆိပ်အတောက်ကင်းစင်စွာ ရှင်သန်ဖွံ့ဖြိုးနိုင်ရေး မျှော်မှန်း ချက်နဲ့ ရေးသားထားတဲ့ ဥပဒေကြမ်းဖြစ်တဲ့အတွက် လက်ခံစဉ်းစားပေးနိုင်ပါရန် လေးစားစွာ အဆိုတင်သွင်းအပ်ပါတယ် ခင်ဗျာ”
လွှတ်တော်ကိုယ်စားလှယ်တွေအနေနဲ့ ပြန်လည်ပြင်ဆင်မယ့် အပိုဒ်၊ အပိုဒ်ခွဲတွေကိုတော့ လာမယ့် မတ်လ ၁၈ ရက်နေ့ နောက်ဆုံးထား စာရင်းပေးသွင်းရမယ့်အကြောင်းလည်း ဆွေးနွေးခဲ့ပါတယ်။

  www.MyanmarExpress.net
 

Posted in: သတင်း