လူထုခေါင်းဆောင် နိုဘယ်ဆုရှင်၏ ညှိနှိုင်းမှု ဘယ်ရွာသားမှ လက်မခံ

 
ဒေါ်အောင်ဆန်းစုကြည်သည် တုံကျေးရွာ၊ ဖောင်းကသာကျေးရွာ နှင့် ဆည်းတည်း ဒေသများရှိ ဆန္ဒပြ သပိတ်စခန်းများသို့ သွားရောက်ကာ  သပိတ်စခန်း ရှိ ဒေသခံများနှင့် ညှိနှိုင်းသော်လည်း ဘယ်လိုမှ ညှိနှိုင်းလို့ မရသဖြင့် စိတ်ပျက်စွာ ထွက်ခွာလာရကြောင်း သတင်းရရှိသည်။ 
 
ဆည်းတည်းရွာခံများက ဒေါ်အောင်ဆန်းစုကြည် လာမည်ဆိုပါက တဦးတည်းသာ လာရောက်တွေ့ဆုံရန်၊ မီဒီယာများနှင့် ရဲများ အပါအဝင် ရွာခံမဟုတ်သည့် မည်သူကိုမှ ဝင်ခွင့်မပေးဘဲ တုတ်၊ ဓါး စသည့်လက်နက်များ ကိုင်ဆောင်ကာ စောင့်ကြပ်နေသည်ဟု ဒေါ်အောင်ဆန်းစုကြည်နှင့်အတူ လိုက်ပါနေသော တာဝန်ကျ ရဲလုံခြုံရေး တဦးက ပြောသည်။ 

အခြား ဆန္ဒပြပွဲများတွင် မီဒီယာသမား ကလည်း ဆန္ဒအတူဝင်ပြရင်း သတင်းယူလေ့ရှိသော်လည်း ယခုအခါ
ပြင်ပတွင် ကျန်နေရစ်သော မီဒီယာသမားများကိုလည်း ဒေါသထွက်နေသော ရွာသားများက ခြိမ်းခြောက်ပြောဆို သဖြင့် ကြောက်ဒူးတုန်လျှက်ရှိကြောင်း သိရသည်။

ဒေါ်အောင်ဆန်းစုကြည် ညှိနိုင်းသမျှ သပိတ်ခေါင်းဆောင်အားလုံးက လက်မခံသည့်အပြင် ဆန္ဒပြသူများကလည်း ဒေါ်အောင်ဆန်းစုကြည် ယာဉ်တန်းနောက်မှ လိုက်ကာ "အလိုမရှိ" ဟု သာ ဆက်တိုက်အော်နေသဖြင့် ဒေါ်အောင်ဆန်းစုကြည် မှ မျက်နှာပျက် နေကြောင်း သိရသည်။ နောက်ဆုံးရသတင်းများအရ ဒေသခံများနှင့် ညှိနှိုင်း၍ မရမချင်း ဒေါ်အောင်ဆန်းစုကြည် ရန်ကုန်မြို့သို့ ပြန်လည်ထွက်ခွာလိမ့်မည် မဟုတ်ကြောင်း သိရသည်။
  
 .. www.MyanmarExpress.net
 

Posted in: NLD သတင်း,သတင်း