ဒေါ်အောင်ဆန်းစုကြည်ကို အပြစ်မမြင်ကြရန် သီတဂူဆရာတော် အရှင်ဥာဏ်သရ တိုက်တွန်း

From : .dvb

သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ လက်တွဲပြီး ဒီမိုကရေစီစနစ်ကို စတင်အကောင်အထည်ဖော်နေချိန်မှာ ဆန္ဒပြပွဲတွေ၊ ပဋိပက္ခတွေ မဖန်တီးပဲ တိုင်းပြည်ငြိမ်းချမ်းတိုးတက်ရေးအတွက် လက်တွဲဆောင်ရွက်ကြဖို့ သီတဂူဆရာတော် ဒေါက်တာ အရှင်ဥာဏိဿရက ဒီကနေ့ တိုက်တွန်းလိုက်ပါတယ်။
လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော်မရှင် အစီရင်ခံစာ ထုတ်ပြန်ပြီးနောက်ပိုင်း ပေါ်ပေါက်လာတဲ့ ဆန္ဒပြပွဲတွေနဲ့ ပတ်သက်လို့ RFA ရဲ့ လျှောက်ထားမေးမြန်းချက်ကို သီတဂူဆရာတော် ဒေါက်တာ အရှင်ဥာဏိဿရက အခုလို မိန့်ကြားလိုက်တာပါ။
“နိုင်ငံတော်က ဆူးခင်းတဲ့ခရီးကြမ်းကြီးကို လျှောက်လှမ်းနေတာကြာပြီ၊ နှစ်ပေါင်း ၆၀ရှိပြီ၊ အောင်ဆန်းသမီး ဘွားဆိုပေါ်လာတဲ့ အခုအချိန်ကြတော့ ဆူးခင်းသောလမ်းကနေ ပန်းခင်းသောလမ်းကိုစတော့မည်၊ ရွှေမြန်မာဆိုတဲ့လူတွေက ရွှေတံခါးကို ရွှေသော့နဲ့ ဖွင့်တော့မလိုလို သမ္မတဦးသိန်းစိန်နဲ့ မစုတို့နှစ်ယောက် လက်တွဲကြတဲ့အချိန်မှာ ဒီအနည်းငယ်မျှလောက် အကျုိုးစီးပွားကို ကြည့်ပြီးတော့ ဒီပဋိပက္ခတွေ သည်းမခံနိုင်လောက်အောင် ဖြစ်ကြတဲ့ကိစ္စကို ငါကတော့တောင်းပန်ချင်တယ် အားလုံးကို ပန်းခင်းသောလမ်းကို ခပ်မြန်မြန်လျှောက်နိုင်အောင် ရွှေတံခါးကို မြန်မြန်ကြီးဖွင့်နိုင်အောင် စွန့်လွှတ်ကြပါ၊ ခွင့်လွှတ်ကြပါ၊ သည်းခံကြပါ” 

တိုင်းပြည်အတွက် ဒီလောက်စွန့်လွှတ်တဲ့လူတယောက်ကို ၀ိုင်း ရန်တွေ့ကြတဲ့ကိစ္စဟာ အင်မတန် စိတ် ဆင်းရဲစရာကောင်းတယ်။ လက်ပံတောင်းဒေသခံတွေ အပါအ၀င် တတိုင်းပြည်လုံးက တိုင်းရင်း သား ပြည်သူတွေအားလုံးဟာ တယောက်နဲ့တယောက် ခွင့်လွှတ်ရမယ်၊ သီးခံရမယ်၊ပြီးတော့ အနဲငယ်မျှသော အကျိုးအမြတ်ကို စွန့်လွှတ်မှ ကြီးကျယ်တဲ့အကျိုးအမြတ်ကို ရရှိနိုင်မှာ ဖြစ်တယ်လို့ သီတဂူဆရာတော် အရှင်ဥာဏိသရက မိန့်ကြားပါတယ်။
 
 www.MyanmarExpress.net
 

Posted in: NLD သတင်း