ယာဉ်မရပ်ရ ဆိုင်းဘုတ်များနှင့် အတားအဆီးများအား ဖယ်ရှားတော့မည်

From : Myit Makha Mediagroup on 4 Mar, 2013

လာမည့် ဧပြီလမှစ၍ အခွန်ငွေပေးဆောင်ကာယာဉ်ရပ်နားရန်နေရာအသုံးပြုခွင့်ရရှိထားသူများအား ဆက်လက် အသုံးပြုခွင့် မပေးတော့ဘဲ ရုတ်သိမ်းသွားမည်ဖြစ်ကြောင်းမြို့တော်စည်ပင်ဆောက်လုပ်ရေး (လမ်းတံတား)ဌာနမှ သိရသည်။

ရန်ကုန်မြို့တော်စည်ပင်သာယာနယ်နိမိတ်အတွင်းရှိ ကုမ္ပဏီနှင့်ဆိုင်ခန်းအချို့တွင် ၄င်း၏ ဈေးဝယ်များ အဆင်ပြေစေရန်အတွက် ယာဉ်ရပ်နားရန်အခွန်ဆောင်၍ နေရာများပြုလုပ်ထားမှုများရှိသည့်အပေါ်တွင် ယခုကဲ့သို့နေရာအတွက် အခမဲ့စနစ်သို့ ပြောင်းလဲ လိုက်ခြင်းဖြစ်သည်။

`ကိုယ်ပိုင် ကားပါကင်တွေကို အရင်က ပေးထားတယ်။ကိုယ်ပိုင်ကားပါကင်ပေးထားတာတွေကို ဖျက်သိမ်း လိုက်ပြီ။ အခွန်ဆောင်ထားတဲ့နေရာတွေလည်း ဒီဘဏ္ဍာနှစ် အကုန် ၄ လပိုင်း ကစပြီး မပေးတော့ဘူး။ Free Parkingလုပ်မယ်၊ကိုယ် အိမ်ရှေ့ဆိုပြီး ကိုယ့်ကားပဲ ရပ်မယ်ဆိုပြီး မရတော့ဘူး၊အကုန်လုံး ရပ်လို့ ရသွားမယ်၊´ဟု မြို့တော်စည်ပင်ဆောက်လုပ်ရေး (လမ်းတံတား)အရာရှိတစ်ဦးကပြောသည်။

ယခင်က အခွန်ဆောင်ကား ပါကင်များအပါအ၀င်  အိမ်၊ ခြံ ရှေ့များတွင်အခြားသူများယာဉ်ရပ်နားမှုအား တားဆီးကန့်သတ် ဆိုင်းဘုတ်များ၊ကွန်ကရစ်တုံးများကိုလည်း ရပ်ကွက်အုပ်ချုပ်ရေးရုံးများနှင့်ပူးပေါင်းဖယ်ရှား သွားမည်ဖြစ်ကြောင်းနှင့် ဥပဒေအရအရေးယူသွားမည်ဖြစ်ကြောင်း မြို့တော်စည်ပင်ဆောက်လုပ်ရေး (လမ်းတံတား) ဌာနမှသိရှိရသည်။

အဆိုပါကိစ္စနှင့်ပတ်သက်၍ ရပ်ကွက်အုပ်ချုပ်ရေးမှူးရုံးများထံသို့ညွှန်ကြားထားပြီးဖြစ်ကြောင်းကိုလည်း လမ်းတံတားဋ္ဌာနမှ သိရသည်။

ယခုကဲ့သို့ အခမဲ့ ကားပါကင်စနစ်ပြောင်းလဲလိုက်သည့်အတွက်ပိုင်ရှင်များအနေဖြင့် မိမိနေအိမ်တိုက်တာ ဈေးဆိုင်အရှေ့တွင် အခြား ယာဉ်များ အချိန်ကြာမြင့်စွှာရပ်ဆိုင်းထားပါက ၄င်းတို့အနေဖြင့် အခက်တွေ့နိုင်ကြောင်းကိုလည်း သိရသည်။

 

www.MyanmarExpress.net
 

Posted in: သတင်း