၈၈ (ငြိမ်း/ပွင့်) ခေါင်းဆောင် ဦးကိုကိုကြီး ပါတီတွင်း ငွေကြေးအရှုပ်အရှင်း ကိစ္စများ ဖြေရှင်းနေရဟုဆို

From : .. အယ်ဒီတာ မောင်ရိုး

၈၈(ငြိမ်း/ပွင့်) ပါတီရံပုံငွေ ထိန်းသိမ်းရေးအဖွဲ့ဝင် တစ်ဦး၏ အတည်ပြုပြောကြားချက် အရ ၈၈ ငြိမ်းချမ်းရေး နှင့် ပွင့်လင်းလူ့ အဖွဲ့အစည်းမှ ခေါင်းဆောင် ဦးကိုကိုကြီးသည် ပါတီတွင်း ပါတီရံပုံငွေသုံးစွဲမှု၊ ပြည်ပအဖွဲ့အစည်းများမှ ပါတီအတွက် ထောက်ပံ့ပေးအပ်သည့် ငွေကြေး ခွဲဝေသုံးစွဲမှု ကိစ္စများ နှင့် ပတ်သက်၍ ပါတီဝင်များနှင့် ငွေကြေး အရှုပ် အရှင်း ပြဿများ ဖြစ်ပေါ် လျက်ရှိသည် ဟု သိရှိရသည်။

ပြီးခဲ့သည်မတ်လ ၂၁ နေ့တွင် ကလေးမြို့ ၊ နဂါရွှေစင်ခန်မ နှင့် အေပြီလ ၆ ရက်နေ့တွင် ရန်ကုန်မြိ့ ရှိ Skynet (ရွှေသံလွင်ကုမ္မဏီ) ပိုင် Sky Star ဟိုတယ် တို့တွင် ပြုလုပ်ခဲ့သည့် ဦးကိုကိုကြီး ၏ မင်္ဂလာအခန်းအနား ကိစ္စများအတွက် ပါတီရံပုံငွေမှ ခေတ္တ ထုတ်ယူသုံးစွဲခဲ့ပြီး ၄င်း ငွေးများအား ပြန်လည် ထည့်သွင်းပြီး ဖြစ်သည်ဟု ၄င်း ပါတီရံပုံငွေ ထိန်းသိမ်းရေး အဖွဲ့ဝင်မှ ထပ်လောင်း ပြောဆိုပါသည်။

“ အခုဖြစ်တာကတော့ မင်္ဂလာဆောင်တုန်းက ထုတ်သုံးတဲ့ ပါတီရံပုံငွေကိစ္စနဲ့ မဆိုင်ဘူးဗျ ၊ ပါတီ ရန်ပုံငွေ ခွဲဝေသုံးစွဲတဲ့ ကိစ္စနဲ့ ပြည်ပအဖွဲ့တွေ လစဉ် ပါတီအတွက် ထောက်ပံ့တဲ့ ငွေကြေ ကိစ္စ တွေ နဲနဲ အရှုပ်အရှင်း ဖြစ်နေတာပါ၊ နိုင်ငံခြားက လွှဲတဲ့ ဒေါ်လာတွေက ပါတီအတွက်ဆိုပေမဲ့ ဦးကိုကိုကြီးက တဆင့်လွှဲတာဆိုတော့ ဒီကိစ္စမှ ပြဿနာတစ်ချို့ ဖြစ်နေတာပါ ” ဟု ၄င်းမှ ဆက်လက်ပြောဆိုပါသည်။

ဦးကိုကိုကြီးသည် ရန်ကုန်မြို့တွင်ပြုလုပ်ခဲ့သော မင်္ဂလာဆောင်မှ အမြတ်ငွေ သိန်းထောင်ကျော်ရရှိ ခဲ့ပြီး၊ စည်းပွားရေးလုပ်ငန်းရှင်များနှင့် ၄င်းနှင့်ရင်းနှီးသော နိုင်ငံရေးအသိုင်းအ၀ိုင်းမှ ပုဂ္ဂိုလ်များက တိုက်ခန်းနှင့် ကားများ လက်ဖွဲ့ခဲ့ကြသည်ဟူသော သတင်းများ ထွက်ပေါ်ခဲ့သေးသည်။ ၄င်းကိစ္စနှင့် ပတ်သတ်၍ ဟုတ်မှန်ခြင်းမရှိကြောင်း ဦးကိုကိုကြီးမှ ဂျာနယ်တစ်ခုနှင့် အင်တာဗျူတွင် ငြင်ဆိုးခဲ့ပါသည်။

လက်ရှိတွင် အမျိုးသားဒီမိုကရေစီအဖွဲ့ချုပ်ပါတီ NLD နှင့် ၈၈(ငြိမ်း/ပွင့်) အဖွဲ့တို့ပူးပေါင်းပြီး ၂၀၀၈ ဖွဲ့စည်းပုံပြင်ဆင်နိုင်ရေး အတွက် ပူးပေါင်းဆောင်ရွက်မှုများ ပြုလုပ်လျက်ရှိသည်။ ပြီးခဲ့သည် ဧပြီလ အတွင်းက အစိုးရအဖွဲ့မှ ဦးကိုကိုကြီးအား ဒုတိယသမ္မတ ပြုလုပ်ရန် ကမ်းလှမ်းမှုများရှိခဲ့သည်ဟု သော သတင်းများ ထွက်ပေါ်ခဲ့သေးသည်။ NLD မှလည်း ဦးကိုကိုကြီးအား ပါတီဒုတိယဥက္ကဌ နေရာအတွက် တာဝန်ထမ်းဆောင်ရန် ကမ်းလှမ်းမှုများရှိနေသည်ဟု သိရှိရသည်။

 .
. www.MyanmarExpress.net
 

Posted in: ဘာလဲဟဲ့ ရှစ်လေးလုံး