မြန်မာ့လွတ်လပ်ရေးနှင့် ဗြိတိသျှအုပ်ချုပ်ရေး နောက်ဆုံးနေ့ (၄-၁-၁၉၄၈)အမှတ်တရ

သုဝေ
အတွဲ ၂၅၊ အမှတ် ၅၀၀ (၇၊ ၁၊ ၂၀၁၁ - ၁၃၊ ၁၊ ၂၀၁၁)

၁၉၄၈ ခုနှစ်၊ ဇန်န၀ါရီလ ၄ ရက်နေ့ နံနက် ၄ နာရီ၊ မိနစ် ၂၀ တွင် လွတ်လပ်ရေးနေ့ အလံတင်အခမ်းအနားကို ဘုရင်ခံအိမ်တော်ဝင်း ၌ ကျင်းပနေစဉ်။
ဓာတ်ပုံ - ဦးခင်လေးမောင်

နှင်းများ၊တဖွဲဖွဲကျ၍ အအေးဓာတ်လွှမ်းခြုံထားသောအခါ သမယဖြစ်ပါ သည်။ ၁၉၄၈ ခုနှစ်၊ ဇန်န၀ါရီလ ၄ ရက်၊ နံနက် ၄း၂၀ နာရီအချိန်။

မြန်မာ့လွတ်လပ်ရေးနေ့အခမ်းအနားကို စတင်မည်ဖြစ်ပါသည်။

ရန်ကုန်မြို့လယ်ကောင်၌ လွှတ်တော် အဆောက်အအုံ တည်ရှိ၏။

ထိုအဆောက်အအုံ၏ရှေ့တွင် အလံတိုင်နှစ်ခုကို စိုက်ထူထားသည်။

အလံတိုင်တစ်ခုပေါ်တွင် ဗြိတိသျှယူနီယံဂျက်အလံကို လွှင့်ထူထားပြီး အခြား အလံတိုင်တစ်ခုပေါ်၌မူ ဘာမျှမရှိပါ။

အလံတိုင်များရှေ့ ကွင်းပြင်ထဲတွင် ဗြိတိသျှဘင်ခရာအဖွဲ့၊ ဗြိတိသျှ ကိုယ်ရံတော်တပ်ဖွဲ့၊ မြန်မာကိုယ်ရံတော်တပ်ဖွဲ့တို့ ရှိနေ၏။

ဘုရင်ခံ ဆာဟူးဘတ်ရန့်စ်၊ ဘုရင်ခံကတော်နှင့် ၎င်းတို့၏၀န်ထမ်းများ၊ ယာယီသမ္မတ စ၀်ရွှေသိုက်၊ ယာယီဝန်ကြီးချုပ် သခင်နု၊ လွှတ်တော် သဘာပတိ၊ ယာယီအစိုးရ အဖွဲ့ဝန်ကြီးများ၊ ပါလီမန်အမတ်များ၊ နိုင်ငံခြား ကိုယ်စားလှယ်တော်ကြီးများ၊ ကာကွယ်ရေးဌာန တပ်ဖွဲ့ ခေါင်းဆောင်များ၊ ကော်မရှင်နာများ၊ ဌာနဆိုင်ရာ ခေါင်းဆောင် များ၊ အရပ်ဘက် အုပ်ချုပ်ရေးကိုယ်စားလှယ်များ၊ တရားသူကြီးများ၊ ဖဆပလ အဖွဲ့ဝင်များနှင့် ထင်ရှားသော ဂုဏ်သရေရှိ ဧည့်သည်များ အုန်းအုန်းကျွက်ကျွက် ရှိနေကြပါသည်။

နံနက် ၄ နာရီ မိနစ် ၂၀ တွင် ဘုရင့်တပ်ဖွဲ့မှ သေနတ်များကို တစ်ပြိုင်နက် ပစ်ဖောက်၍ အလေးပြုကြသည်။ ၎င်းနောက် ဂုဏ်ပြု တပ်ဖွဲ့က သေနတ်များအား ပေးအပ်ပြီး ယူနီယံဂျက်အလံကို လျှောချစဉ် ဗြိတိသျှနိုင်ငံတော်သီချင်းကို တီးမှုတ် ပါသည်။ ၎င်းနောက် ဒုတိယအလံတိုင်ပေါ်သို့ ပြည်ထောင်စုမြန်မာနိုင်ငံတော် အလံကို လွှင့်တင်ရာ မြန်မာနိုင်ငံတော်သီချင်းကို တီးမှုတ်ပေး ပါသည်။ ဤသို့ဖြင့် မြန်မာနိုင်ငံအပေါ် ဗြိတိသျှတို့၏အုပ်ချုပ်မှု အဆုံးသတ်သွားပါတော့သည်။

နံနက် ၄ နာရီ မိနစ် ၄၀ တွင် လွှတ်တော်ခန်းမ၌ လွှတ်တော်အစည်းအဝေး ကျင်းပ၏။ ယာယီသမ္မတက သမ္မတအဖြစ်ခံယူပြီး ဖွဲ့စည်း အုပ်ချုပ်ပုံအခြေခံ ဥပဒေကို ကြေညာပါသည်။ ၀န်ကြီးချုပ်နှင့် ၀န်ကြီးအဖွဲ့ဝင်များ သစ္စာအဓိဋ္ဌာန် ပြုကြသည်။ ၀န်ကြီးများအား ဌာန ဆိုင်ရာတံဆိပ်များ အပ်နှင်းသည်။

နံနက် ၆ နာရီခွဲတွင် အထက်ပါ ပရိသတ်များနှင့်အတူ ဗြိတိသျှအမျိုးသားများ ပါဝင်၍ သမ္မတအိမ်ရှေ့တွင် စုဝေး ရောက်ရှိနေကြ ပါသည်။ ဘုရင်ခံနှင့် သမ္မတက ဂုဏ်ပြုတပ်ဖွဲ့ကို စစ်ဆေး သည်။ ဘင်ခရာအဖွဲ့က တီးမှုတ်သည်။

သေနတ် ၁၇ ချက်ပစ်ပြီး အလေးပြုသည်။ အစိုးရအိမ်တော်ရှိဘုရင်ခံအဆင့် အတန်း အထိမ်းအမှတ်ကို လျှောချစဉ် ဘင်ခရာတီးဝိုင်းမှ ဗြိတိသျှနိုင်ငံတော် သီချင်းကိုတီးမှုတ်ပေးပါသည်။ ၎င်းနောက် သမ္မတ၏ အဆင့်အတန်းအထိမ်းအမှတ်ကို လွှင့်တင်သည့်အခါ၌ ဘင်ခရာအဖွဲ့မှ မြန်မာနိုင်ငံတော်သီချင်းကို တီးမှုတ်ပေးပါသည်။

ပြီးလျှင် ဂုဏ်ပြုတပ်ဖွဲ့က ဘုရင်ခံ နှင့် သမ္မတတို့ကို ဖြတ်ကျော်၍ ထွက်ခွာသွားကြသည်။ အခမ်းအနားပြီးဆုံးသဖြင့် ဘုရင်ခံဆာဟူး ဘတ်ရန့်စ်နှင့် လေဒီရန့်စ်၊ ၎င်းတို့၏အမှုထမ်းအရာရှိများ၊ သတင်းစာ ဆရာများသည် မော်တော်ယာဉ်များဖြင့် သင်္ဘောဆိပ်ကမ်းသို့ ထွက်ခွာသွားရာ လမ်းတစ်လျှောက် လူထုပရိသတ်ကြီးက လက်များဝှေ့ယမ်းကာ နှုတ်ဆက်ကြပါသည်။

ဘုရင်ခံနှင့်အဖွဲ့ကို HMS Birmingham သင်္ဘောကြီးအခမ်းအနားဖြင့် ကြိုဆို၍ မြန်မာနိုင်ငံအား အပြီးအပိုင် နှုတ်ဆက်ထွက်ခွာသွား ပါတော့သည်။

နံနက် ၁၀ နာရီတွင် သမ္မတသည် အစိုးရအိမ်တော်မှ နိုင်ငံတော်မော်တော် ယာဉ်ဖြင့် လွှတ်တော်ခန်းမသို့ သွားရောက်ရာ အစိုးရ အဖွဲ့နှင့် လွှတ်တော် အမတ်များ စုဝေးရောက်ရှိနေကြပြီဖြစ်သည်။

နံနက် ၁၀ နာရီခွဲတွင် နိုင်ငံတော် သမ္မတက လွှတ်တော်မိန့်ခွန်းမြွက်ကြားပြီး လွှတ်တော်အစည်းအဝေးကိုဆက်လက် ကျင်းပပါသည်။ ဗြိတိန်နှင့် မြန်မာစာချုပ်ကို လွှတ်တော်က အတည်ပြုပြီး တရားသူကြီးချုပ်နှင့် တရားသူကြီးများကိုလည်းကောင်း၊ ရှေ့နေချုပ်၊ စာရင်းစစ် ချုပ်တို့ကိုလည်းကောင်း ခန့်အပ်ပါသည်။

ညနေ ၃ နာရီ အချိန်၌ အစိုးရအိမ်တော် တွင် ၀န်ကြီးချုပ်က သမ္မတအား စာချုပ်နှင့်ပတ်သက်၍ လွှတ်တော်အဆုံး အဖြတ်ကို တင်ပြ သည်။ တရားသူကြီးချုပ်နှင့် တရားသူကြီးများ၊ ရှေ့နေချုပ်၊ စာရင်း စစ်ချုပ်တို့ ကျမ်းသစ္စာကျိန်ဆိုကြသည်။ ဗြိတိန်သံအမတ်ကြီးနှင့် အခြားသံ အမတ်ကြီးများက ၎င်းတို့၏ သံအမတ်ခန့်အပ်လွှာကို ပေးအပ်ကြသည်။

အသိ အမှတ်ပြုထားသောစာချုပ်ကို လဲလှယ်ကြသည်။ မြန်မာအစိုးရနှင့် ဗြိတိသျှ အစိုးရတို့ တရားဝင်သဘောတူညီချက်ကို လက်မှတ်ရေးထိုးကြသည်။

ည ၇ နာရီ တွင် သမ္မတက အိမ်တော်၌ မင်းပရိသတ်အပေါင်းအား ညစာဖြင့် ဧည့်ခံပွဲ ကျင်းပပါသည်။ ဤသည်ကား ဗြိတိသျှနှင့် မြန်မာ့သမိုင်းတွင် အမှတ်တရ နေ့ထူးကြီး၏အခမ်းအနား အဆုံးသတ်သွားခြင်း ဖြစ်ပါတော့သည်။

Myanmar Times

Posted in: