မြန်မာနိုင်ငံ၏ နိုင်ငံခြားငွေလဲလှယ်နှုန်းမူဝါဒကို ၂၀၁၂ ဧပြီ ရက်မှ စ၍ ပြောင်းလဲကျင့်သုံးမည်

“၂၀၁၂ -၂၀၁၃ ဘဏ္ဍာရေး နှစ်စဖြစ်တဲ့ ဧပြီ ၁ ရက်ကစပြီးတော့ လက်ရှိကျင့်သုံးနေတဲ့ မြန်မာကျပ်ငွေကို SDR (IMF ၏ အထူးထုတ်ယူခွင့်လက်မှတ်) နဲ့ ချိတ်ဆက်ထားမှုကို ဖျက်သိမ်းပါ့မယ်။ ဒီအစားအကန့်အသတ်နဲ့ နှုန်းရှင်ငွေလဲလှယ်နှုန်းစနစ်ကို ပြောင်းလဲကျင့်သုံးသွားမယ်” ဟုဆိုသည်။ ယင်းသို့ ပြောင်းလဲကျင့်သုံးရခြင်းမှာ နိုင်ငံ၌ တရားဝင်နိုင်ငံခြားငွေလဲလှယ်နှုန်းနှင့် ဈေးကွက်ငွေလဲလှယ်နှုန်းဟူ၍ တစ်မျိုးထက်ပိုသည့် ငွေလဲလှယ်နှုန်းစနစ်များ ဖြစ်ပေါ်နေခြင်းကြောင့်ဖြစ်ပြီး နိုင်ငံခြားငွေ ပေါင်းစည်းရေးပြုလုပ်ရန် လိုအပ်လျက်ရှိနေခြင်းတို့ကြောင့် ဖြစ်သည်ဟု ဗဟိုဘဏ်၏ တာဝန်ရှိသူထံမှ သိရသည်။ ဗဟိုဘဏ်၏ တာဝန်ရှိသူကပင်ထပ်မံ၍ “အာဆီယံကတိကဝတ်တွေအရလည်း ငွေလဲလှယ်နှုန်း အမျိုးမျိုးကျင့်သုံးတဲ့ စနစ်ကိုဖယ်ရှားပြီး နိုင်ငံခြားငွေလဲလှယ်နှုန်းပေါင်းစည်းမှု ပြုလုပ်ဖို့လိုပါတယ်။ နောက်ပြီး နိုင်ငံခြားသုံးငွေပေးချေမှုဆိုင်ရာ ကန့်သတ်ချက်များကို ဖယ်ရှားပေးဖို့လည်း လိုအပ်တဲ့အတွက်ကြောင့်ပါ” ဟု ပြောသည်။ ဘဏ်လုပ်ငန်းဆိုင်ရာ ပညာရှင်တစ်ဦးက “ နှစ်ပေါင်း ၄၀၊ ၅၀ အထိ မပြောင်းလဲခဲ့တဲ့ ကန်တစ်ဒေါ်လာ မြန်မာငွေခြောက်ကျပ်နဲ့ အရိုးစွဲကျင့်သုံးလာခဲ့တဲ့ စနစ်ကို အခုပြောင်းလဲတော့မယ်ဆိုတော့ ပြောင်းအပ်တဲ့ အရာကို ပြောင်းတယ်လို့ပဲ မြင်ပါတယ်” ဟု ပြောကြားခဲ့ကြောင်း ၂၀၁၂ ခုနှစ်ဇန်နဝါရီ ၂၆ ရက်နေ့ထုတ် Popular News ဂျာနယ်တွင် ဖော်ပြထားပါသည်။

ခေတ်လူငယ်

Posted in: သတင်း