ဂျာမန်လိဂ် ဥက္ကဋ္ဌ မြန်မာနိုင်ငံလာမည်

ဂျာမနီက ဘွန်ဒက်စ်လီဂါ ဘောလုံးပွဲစဉ်တွေကို မြန်မာနိုင်ငံက စိတ်ဝင်စားမှုပိုရှိလာအောင် ပရိုမိုးရှင်းလုပ်တဲ့သဘောနဲ့ လာရောက်ဖို့ ကမ်းလှမ်းတဲ့အတွက် လက်ခံခဲ့တာပါ။ မီဒီယာတွေနဲ့ တွေ့ဆုံရှင်းလင်းပွဲတစ်ခုလည်း ပြုလုပ်သွားဖို့ ရှိပါတယ်

ဂျာမနီ ဘွန်ဒက်စ်လီဂါပြိုင်ပွဲ လိဂ်ကော်မတီဥက္ကဋ္ဌ ဒေါက်တာ ရိုင်းဟတ်ရောဘော (Dr. Reinhard Rauball) သည် လာမည့် ဖေဖော်ဝါရီလတွင် မြန်မာနိုင်ငံသို့ လာရောက်မည်ဖြစ်ကြောင်း သတင်းရရှိသည်။ “ဖေဖော်ဝါရီလ ၂ ရက်မှာ ဘွန်ဒက်စ်လီဂါဥက္ကဋ္ဌ မြန်မာနိုင်ငံကို လာရောက်ဖို့ရှိပါတယ်။ ဂျာမနီက ဘွန်ဒက်စ်လီဂါ ဘောလုံးပွဲစဉ်တွေကို မြန်မာနိုင်ငံက စိတ်ဝင်စားမှုပိုရှိလာအောင် ပရိုမိုးရှင်းလုပ်တဲ့သဘောနဲ့ လာရောက်ဖို့ ကမ်းလှမ်းတဲ့အတွက် လက်ခံခဲ့တာပါ။ မီဒီယာတွေနဲ့ တွေ့ဆုံရှင်းလင်းပွဲတစ်ခုလည်း ပြုလုပ်သွားဖို့ ရှိပါတယ်”ဟု ဂျာမနီဘွန်ဒက်စ်လီဂါ ပြိုင်ပွဲများကို တိုက်ရိုက်ထုတ်လွှင့်ပြသခွင့် ဝယ်ယူရရှိထားသော ရွှေသံလွင်မီဒီယာ၏ ရုပ်သံလိုင်းတစ်ခုဖြစ်သည့် Sky Net ရုပ်သံလိုင်းမှ တာဝန်ရှိသူတစ်ဦးက ပြောသည်။ ၄င်းသည် ဖေဖေါ်ဝါရီ ၁ ရက်တွင် ထိုင်းနိုင်ငံသို့ လာရောက်မည်ဖြစ်ပြီး မြန်မာနိုင်ငံသို့ ဖေဖော်ဝါရီလ ၂ ရက်တွင် တစ်ဆက်တည်း ဝင်ရောက်ရန် စီစဉ်ထားခြင်းဖြစ်ကြောင်း သိရသည်။ ရွှေသံလွင်မီဒီယာသည် လာမည့် ဇွန်လအတွင်း ကျင်းပပြုလုပ်မည့် ယူရို-၂၀၁၂ ဘောလုံးပြိုင်ပွဲကို ရုပ်သံမူပိုင်ခွင့် ရယူထားပြီး ၄င်းတို့ပိုင် အခပေး ရုပ်သံလိုင်းများဖြစ်သည့် Sky Net Sports Channel 1, 2 တို့တွင် ပြသသွားမည်ဖြစ်ကြောင်း သတင်းရရှိသည်။

Credit: ဗိုလ်ဗိုလ်ဝင်း (7Day News Journal)

Posted in: သတင်း