ရခိုင်ပြည်နယ် အတွင်း တပ်မတော် နယ်လှည့် အထူးကု ဆေးကုသရေး အဖွဲ့များက ကျန်းမာ ရေး စောင့်ရှောက်မှု လုပ်ငန်းများ ဆက်လက် ဆောင်ရွက် လျက်ရှိ

From : မြဝတီ

ရခိုင်ပြည်နယ် အတွင်းရှိ ဒေသခံ ပြည်သူ များအား တပ်မတော် နယ်လှည့် အထူးကု ဆေးကု သရေး အဖွဲ့ များက လိုအပ်သည့် ကျန

်းမာရေး စောင့်ရှောက်မှု လုပ်ငန်းများ ဆက်လက် ဆောင်ရွက် လျက်ရှိရာ ဆေးကုသရေး အဖွဲ့ (၂)သည် ဒီဇင်ဘာ ၉ ရက်က ပေါက်တော မြို့နယ် မြင်ဂါ ကျေးရွာနှင့် ပတ်ဝန်းကျင် ကျေးရွာများမှ ဒေသခံ ပြည်သူ ၂ဝ၇ ဦးအား လည်းကောင်း၊ ဒီဇင်ဘာ ၁ဝရက်က ဒေသခံ ပြည်သူ ၁၂၄ဦးအား လည်းကောင်း ဆေးဝါး ကုသ ပေးသည်။

ဆေးကုသရေး အဖွဲ့ (၃)သည် ဒီဇင်ဘာ ၁ဝ ရက်က မြောက်ဦးမြို့နယ် ကုန်းဘောင် ကျေးရွာ နှင့် ပတ်ဝန်းကျင် ကျေးရွာ များမှ ဒေသခံ ပြည်သူ ၁၃၆ ဦးတို့အား ကျန်းမာရေး စောင့် ရှောက်မှု လုပ်ငန်းများ ဆောင်ရွက် ပေးသည်။

အလားတူ ဆေးကုသရေး အဖွဲ့ (၆)သည် ဒီဇင်ဘာ ၉ ရက်က ရသေ့ တောင်မြို့နယ် ကန်ပြင် ကျေးရွာနှင့် ပတ်ဝန်းကျင် ကျေးရွာများမှ ဒေသခံ ပြည်သူ ၉၂ ဦးတို့ကို ကျန်းမာ ရေး စောင့် ရှောက်မှုများ ဆောင်ရွက် ပေးခဲ့သည့် အပြင် ဒေသခံ ပြည်သူများအား ကျန်းမာရေး ဆိုင်ရာ ဗဟု သုတများ ပေးခြင်း၊ ပညာပေး သရုပ်ပြ ခြင်းများ ဆောင်ရွက် ပေးခဲ့သည်။

စစ်တွေ မြို့တွင် အခြေပြုသော အထူးကု ဆေးကုသရေး အဖွဲ့သည် မျက်စိ ဝေဒနာရှင် တစ်ဦး၊ အူကျ ရောဂါ တစ်ဦးနှင့် ရေမုတ်ရောဂါ သုံးဦးတို့ကို ခွဲစိတ် ကုသမှု ဆောင်ရွက် ပေးခဲ့ပြီး ဒေသခံ ပြည်သူ ၁၄ဝဦးတို့အား လိုအပ်သည့် ကျန်းမာရေး စောင့်ရှောက်မှု လုပ်ငန်း များ ဆောင်ရွက် ပေးခဲ့သည်။

စစ်တွေမြို့ အခြေပြု အထူးကု ဆေးကုသရေး အဖွဲ့တွင် ဆေးကုသမှု ခံယူလျက် ရှိသော ရဟန်း သံဃာများနှင့် ဒေသခံ ပြည်သူများကို အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်က ထောက်ပံ့ ပစ္စည်းများ ပေးအပ်ပြီး ရင်းရင်းနှီးနှီး တွေ့ဆုံ နှုတ်ဆက် အားပေး ခဲ့ကြောင်း သတင်း ရရှိသည်။

 www.MyanmarExpress.net
 

Posted in: စစ်တပ်နှင့် နိုင်ငံရေး,မြန်မာ-ကုလား အဓိကရုဏ်းများ