ငြိမ်းချမ်းရေးဆွေးနွေးဖို့ ကမ်းလှမ်းချက်အား အကြောင်းမပြန်ပဲ လမ်း/တံတားများ မိုင်းထောင်နေသည့် KIA အား လက်နက်ကြီးဖြင့် ပစ်ခတ်

From : မဇ္ဈိမ
  
ငြိမ်းချမ်းရေးဆွေးနွေးဖို့ ကမ်းလှမ်းချက်အား အကြောင်းမပြန်ပဲ လမ်း/တံတားများ မိုင်းထောင်နေသည့် KIA  ကချင်လွတ်လပ်ရေးတပ် ဗဟိုဌာနချုပ် လိုင်ဇာမြို့နှင့် ၈ မိုင်ခန့် အကွာရှိ KIA တပ်စခန်းများအား အစိုးရတပ်များက တနင်္လာနေ့ ခရစ္စမတ်အကြို ညဦးပိုင်း ၇ နာရီကျော်မှ စတင်၍ လက်နက်ကြီးများဖြင့် ပစ်ခတ်လျက်ရှိကြောင်း သိရသည်။

မိနစ် ၂၀ ခန့်အတွင်း လက်နက်ကြီး ၈ လုံး ကျလာကြောင်း ကျောင်းသားတပ်မတော် (မြန်မာပြည် မြောက်ပိုင်း) ABSDF (NB) မှ စစ်ရေးတာဝန်ခံ ကိုအောင်ဆွေဦး က ပြောသည်။

“ဒီညပဲ ထိုးစစ် စပြီထင်တယ်။ အခု လက်နက်ကြီးပစ်တာ ကြားနေရတယ်။ စောစောက လက်နက်ကြီး ၈ လုံးလောက် ပစ်တယ်။ အခုလောလောဆယ် ၁ လုံးစ ၂ လုံးစ ကွဲနေတုန်းပဲ” ဟု မဇ္ဈိမကို ပြောသည်။

ဗန်းမော်နှင့် လိုက်ဇာအကြား မုန်းလွှဲချောင်းရိုးရှိ လဂျားယန်တိုက်ပွဲ ပြီးဆုံးပြီး နောက်ပိုင်း အစိုးရဘက်မှ တပ်အင်အားများ ဖြည့်ဆည်းနေသလို အစိုးရတပ် မြောက်ပိုင်းတိုင်းမှူးကလည်း ချောင်းရိုးတလျှောက်ရှိ KIA တပ်များ ဖယ်ရှားပေးရန် ဒီဇင်ဘာလ ၂၃ ရက်နေ့စွဲဖြင့် စာပို့ထားသည်။

“ကားအစီးရေ ၅၀ နီးပါး တက်တယ်။ ထပ်ဖြည့်တဲ့ အနေအထားအရ တပ်ရင်း အနည်းဆုံး ၇ ရင်း၊ ၈ ရင်း ရှိတယ်။ တိုင်းမှူး ထွန်းထွန်းနောင် က စာပို့တယ်လေ။ သူတို့ ငြိမ်းချမ်းရေး အကျိုးဆောင် ဦးယုဇော်ခေါင် ကတဆင့် သတိပေးအကြောင်းကြားစာ ဆိုပြီးတော့ ကျနော်တို့ တပ်တွေရှိတဲ့နေရာကို ၂၅ ရက်နေ့ အကုန်လုံး ရှင်းပေးပါပေါ့ သူတို့ အုပ်ချုပ်ရေး လုပ်ငန်းရှိတယ်ပေါ့။ အမိန့်စာပုံစံမျိုးနဲ့ ပို့တာပါ။ ဒီနေ့ ဖတ်ရတယ်” ဟု ကိုအောင်ဆွေဦး က ဆိုသည်။
 
ယခု ရက်ပိုင်းအတွက် KIA နှင့် ABSDF မြောက် ပိုင်းအဖွဲ့များ ပေါင်းကာ မြန်မာ စစ်သားများကို ဖမ်းဆီးခြင်း၊ ဗွီဒီယိုရိုက်ကာ ဝါဒဖြန့်ခြင်း နှင့် ရဲစခန်းများ ဝင်ရောက် စီးနင်း တိုက်ခိုက်ခြင်းများအပြင် ရထားလမ်း များ၊ တံတားများကိုလည်း ဖောက်ခွဲဖျက်ဆီးခြင်းများ ပြုလုပ်ခဲ့သည်။

  www.MyanmarExpress.net
 

Posted in: တိုက်ပွဲသတင်း