NLD ပါတီ (သို့မဟုတ်) ဖိုးတွမ်တီး ပါတီ

လူငယ်တွေကြားထဲ စနောက်ကျရာတွင် အချင်းချင်း လိမ်လည်လှည့်ဖျားကြသောအခါတွင်
ပြောစကားတစ်ခုရှိသည်။ မင်း ၄၂၀ မလုပ်နဲ့ကွာ ဟူ၍ဖြစ်သည်။
စင်စစ်တော့ ၄၂၀ ဆိုသည်မှာ လိမ်လည်လှည့်ဖျားသူများကို ချမှတ်သည့်
ဥပဒေပုဒ်မတစ်ခုဖြစ်သည်။ ထိုပုဒ်မပေါ်မူတည်ကာ မင်း ဖိုးတွမ်တီးမလုပ်နဲ့ဟူသော
ဗန်းစကားတစ်ခု ပေါ်ပေါက်လာခဲ့ခြင်းဖြစ်သည်။

ယခုတော့ ၄၃၆ ပြင်ဆင်ရေးအတွက်ဆိုတာ လူထုကိုအမျိုးအမျိုးအနိုင်ကျင့် ၊
မုန့်ဖိုးမရသေးသော ကလေးငယ် သူ့အမေဆီ မုန့်ဖိုးတောင်းသလို တစာစာဖြင့်
လက်မှတ်ထိုးခိုင်းနေသော ဖိုးတွမ်တီးပါတီတစ်ခုပေါ်လာပြီဖြစ်သည်။
အဘယ်ပါတီနည်း..။ လက်မှတ် သုံးသန်းကျော်ရရှိပြီဆိုကာ ပြည်သူအများအား
လိမ်ညာနေသည့် NLD ပါတီပင်ဖြစ်တော့သည်။ တကယ်တော့ ပုဒ်မ ၄၃၆အား ပြင်ဆင်ရန်
လွှတ်တော်အတွင်းမှ လုပ်ဆောင်ပါ၊ လွှတ်တော်ပြင်ပလုပ်ဆောင်မှုများသည်
ဖွဲ့စည်းပုံအခြေခံဥပဒေပြင်ဆင်ရေးကို သက်ရောက်မှုမရှိဟု တာဝန်ရှိသူများ၊
ဥပဒေပညာရှင်များ၊ နိုင်ငံရေးအကဲခတ်များကလည်း ပြောဆိုထောက်ပြထားပြီးဖြစ်သည်။

သို့ရာတွင် ထိုသို့ အေးအေးချမ်းချမ်းဖြင့် ဥပဒေဘောင်အတွင်းကလုပ်လျှင်
ရာဇ၀င်ရိုင်းပေတော့မည်။ NLD မဟုတ်ရာ ကျသွားလိမ့်မည်။
သို့အတွက် ရပ်ကွက်တိုင်း နေရာတိုင်းတွင် ၄၃၆ ပြင်ဆင်ရေးဆိုကာ
လက်မှတ်များကောက်တော့သည်။ ဟောပြောပွဲများလုပ်တော့သည်။
တွေ့သည့်နေရာတွင် တွေ့သည့်သူကို လက်မှတ်အတင်းအကျပ်ထိုးခိုင်းတော့သည်။
ရပ်ကွက်တွင်းလည်း အေးဆေးမနေရ၊ လော်စပီကာများဖြင့် လှည့်အော်ကာ ထိုးခိုင်းသည်။
ပြည်သူအများ စိတ်လက်မချမ်းမသာဖြစ်ကြရသည်။

ဤတင်လားဆိုတော့ မပြီးသေး၊ အနုပညာရှင်တွေပါထိုးခိုင်းသည်။
မထိုးချင်သည့်သူတွေလည်းမနေရ။
စိုင်းစိုင်းခမ်းလှိုင်တောင် အစပထမက မထိုးဘူးဟုပြောဆိုသဖြင့်
ပက်ပက်စက်စက်အုပ်စုဖွဲ့ကာ ၀ိုင်းပြောကြသည်။ မိုက်မိုက်ရိုင်းရိုင်းဆဲဆိုကြသည်။
ခင်မျာမှာ အကောင့်ပိတ်ပြီးပြေးရသည်အထိဖြစ်သည်။
နောက်ဆုံးတော့ အာဏာရှင်ဆန်ဆန်အကြပ်ကိုင်မှုများကြောင့်
လက်မှတ်ထိုးပေးလိုက်ရသည်။ သို့သော် မျက်နှာကတော့ မကောင်း။

ထိုမျှပင်မကသေး လက်မှတ်အများဆုံးကောက်ခံရရှိသည့် မြို့နယ်များကို ဆုပေးမည်
ချီးမြှောက်မည်ဟု ကြေညာလိုက်သည့်အခါ ပိုဆိုးတော့သည်။
တွေ့သည့်လူ ကလေးရောခွေးရောမချန် လက်မှတ်ထိုးခိုင်းတော့သည်။
ဘယ်သူထိုးတယ်ဆိုတာ သိတာကျလို့ လက်မှတ် နှစ်ခါပြန် သုံးခါပြန်တွေထိုးကြတော့သည်။

အားလုံးပြီးသောအခါ NLD ပါတီရုံးချုပ်က ခပ်တည်တည်နှင့် ကြေညာချက်ထုတ်လိုက်သည်။
၎င်းတို့ ကောက်ခံရှိသော လက်မှတ်ပေါင်း သုံးသန်းကျော်ရှိပြီဟူ၍ဖြစ်သည်။
ထိုသို့သောပါတီမျိုးကို ဖိုးတွမ်တီးပါတီဟု မခေါ်လျှင် မည်သည့်ပါတီကို သွားခေါ်ရတော့မည်နည်း။

အရင်တုန်းကတော့ NLD ကို၁၉၉၀ေ၇ွးကောက်ပွဲမှာ ပြည်သူလူထု အတော်များများက
ထောက်ခံ ခဲ့ကြတယ်။၂၀၁၀မှာ ရွေးကောက်ပွဲမ၀င်လို့ ပြည်သူလူထုက စိတ်ပျက်ခဲ့ကြတယ်။
၂၀၁၂ ကြားဖြတ်မှာ လည်းတခဲနက် ထောက်ခံခဲ့ကြတယ်။ ဒါကြောင့် ၂၀၁၅မှာ လည်း
အပြတ်အသတ်နိင်မယ်လို့  NLD ဂုရုကြီးများက အပိုင် တွက်ထားကြတယ်။

ဒါပေမယ့် လက်ရှိအခြေအနေဟာ လူထုက တခဲနက်ထောက်ခံတဲ့ အခြေအနေ မဟုတ်တော့ဘဲ
လူထု အများစု ထောက်ခံတဲ့အခြေအနေကို ကျဆင်းလာနေတယ် ဆိုတာ သတိပြုမိဖို့ လိုပါတယ်။

အမျိုးသားရေးထက် လူ့ အခွင့်အရေးကို ဦးစားပေးမှု၊ ဒီမိုကရေစီရေးကို
ဦးစားပေးမှုတွေဟာ လူထုထောက်ခံမှု ကိုတအိအိ ကျဆင်းလာစေနေပါတယ်။
သာဓကအားဖြင့်ရခိုင်တိုင်းရင်းသားတွေနဲ့ တရားမ၀င်
ဝင်ရောက်ကျူးကျော်နေထိုင်နေတဲ့ဘင်္ဂလီအရေးမှာ သိသာထင်ရှားစွာ တွေ့မြင်နိုင်ပါတယ်။

အဆိုးဆုံးကတော့ ဒီမိုကရေစီနည်းမကျတဲ့ အပြုအမူ အပြော အဆိုတွေ ၊
၄၃၆ ကဲ့သို့သော ကိစ္စတွေမှာ ဥပဒေဘောင်အတွင်းကမလုပ်ပဲ လမ်းပေါ်ထွက်
အများပြည်သူစိတ်အနှောင့်အယှက်ဖြစ်အောင် ပြောဆိုပြုမူ လာခြင်းတွေ ဖြစ်ပါတယ်။
ဒေါ်အောင်ဆန်းစုကြည်အလွန် NLD ပါတီဟာ ရင်လေးဖွယ်ရာ အတိပါ။

စင်စစ်တော့ NLD ပါတီသည် ပြည်သူလူထု ထောက်ခံမှုရရှိထားတယ်လို့ ကြွေးကြော်နေသော်လည်း
ပြည်သူလူထုအတွက် ဘာတစ်ခုမှ ဖြစ်မြောက်အောင် လုပ်ဆောင်ပေးနိုင်ခဲ့ခြင်းမရှိဘဲ
တိုင်းတစ်ပါးသားများ သမ္မတဖြစ်ခွင့်ရှိသည့် ပုဒ်မ ၅၉ (စ) ကဲ့သို့သော ပုဒ်မများကိုပြင်ဆင်နိုင်မည့်
ပုဒ်မ ၄၃၆ ကဲ့သို့သော ပုဒ်မများကို ပြင်ဆင်ရန် အာရုံစိုက် လုပ်ဆောင်နေသည့်
ဖိုးတွမ်တီးပါတီတစ်ခုသာ ဖြစ်ပါကြောင်း သုံးသပ်တင်ပြလိုက်ရပါသည်။

Posted in: လူထုထောက်ခံမှုကျဆင်းလာသည့် NLD