ပေါက်ကွဲလုနီးပြီဖြစ်သောနိုဗယ်ဗုံးကြီး

From : .. မျိုးချစ်မောင်

မြန်မာပြည်ဆိုသည်နှင့် အရင်က လူသိနည်းခဲ့ပေမယ့် ပဋိပက္ခများ၊ ဆူပူအုံကြွမှုများ၊ သဘာဝဘေး အန္တရာယ်များကြောင့် တစ်စတစ်စ လူသိများလာခဲ့သောနိုင်ငံငယ် တစ်နိုင်ငံလည်းဖြစ်ပါသည်။ အနောက်အုပ်စု နိုင်ငံများ၏ နိုင်ငံရေး၊စီးပွားရေး၊လူမှုရေးနယ်ပယ်များတွင် ပစ်မှတ်ထားခြင်းကိုခံယူရသော နိုင်ငံငယ်လဲဖြစ်ပါ သည်။ ထိုသို့ပစ်မှတ်ထားခြင်း ခံရသည့်အပြင် အနောက်အုပ်စုနိုင်ငံများ၏ သွေးခွဲဆက်ဆံမှုများ၊ စီးပွားရေး အရ ပိတ်ပင် တားဆီးမှုများကို ဆယ်စုနှစ်အတော်များများ ခံစားခဲ့ရသောနိုင်ငံငယ်လဲဖြစ်ပါသည်။ ၁၉၈၈ အရေး အခင်းမတိုင်ခင်တွင် ယိုင်လုလုဖြစ်လာသော စီးပွားရေးအခြေအနေကို အကွက်ကျကျမြင်တတ်လာသည်။ အ နောက်နိုင်ငံကြီးများက သယံဇာတပေါကြွယ်လှတဲ့ ကျွန်တော်တို့နိုင်ငံကို လိုချင်တပ်မက်မှုများစွာဖြင့် လက် အောက်ခံနိုင်ငံဖြစ်စေလိုသော ဆန္ဒများဖြင့် ပဋိပက္ခများ အမျိုးမျိုးဖြစ်အောင် လုပ်ဆောင်ရန် ဆုံးဖြတ်လိုက်ကြ သည်။ ထိုအခြေအနေမျိုးတွင် မြန်မာတစ်ပြည်လုံး ဆူပူအုံကြွမှုများဖြစ်အောင်၊ အချုပ်အခြာအာဏာနှင့် စည်းလုံးညီညွတ်မှုပြိုကွဲအောင် အမျိုးမျိုးသော အဖျက်၊အမှောက်လုပ်ငန်းများဖြင့် မြန်မာပြည်သူများအပေါ် မျက်ရည်ယိုဗုံးများ ဆက်တိုက်ဆိုသလို ကျဲလာခဲ့ကြပါသည်။

ထိုသို့သောအခြေအနေမျိုးတွင် သူတစ်လူ၊ငါတစ်မင်းဖြင့် စိတ်ထင်ရာကျဲချင်တိုင်းကျဲခဲ့ကြသော ၁၉၈၈ အရေးအခင်းကြီးတွင် ပွဲလန့်တုန်းဖျာခင်းချင်သည့် အနောက်အုပ်စုနိုင်ငံများ၏ သြဇာခံလူတစ်ယောက် ပြည်သူ့ ရှေ့မှောက်သို့ ပေါ်ထွက်လာခဲ့သည်။ ဒေါ်စုကြည်ကိုကျွန်တော်မမုန်းပါ….သို့သော် မြန်မာပြည်နှင့် မြန်မာပြည် သားတွေအတွက် ရင်လေးမိသည်ကား အမှန်ပင်ဖြစ်သည်။ ဟိုယခင်က ကမ္ဘာတွင် အင်အားကြီးနိုင်ငံ နှစ်နိုင်ငံ ရှိလေသည်။ လက်ရှိ အမေရိကန်နိုင်ငံနှင့် ဆိုဗီယက်ပြည်ထောင်စုကြီးတို့ပင်ဖြစ်သည်။ စီးပွားရေး၊ စစ်ရေးအရ အင်အားချင်းအမြဲပြိုင်ဆိုင်နေသော နှစ်နိုင်ငံ မည်သည့်လက်နက်နှင့်မျှ အသုံးမပြုဘဲ ပြိုကွဲအောင် လုပ်ဆောင် ခဲ့ခြင်းမှာ အမေရိကန်တို့၏ငြိမ်းချမ်းရေး နိုဗယ်ဆုတစ်ခုကြောင့်ပင်ဖြစ်သည်။ အင်အားတောင့်တင်းသော ဆိုဗီ ယက်ပြည်ထောင်စုကြီးတွင် ခွဲထွက်ခွင့်များ လွှတ်တော်တွင် တောင်းလာသည့်အချိန်တွင် အမေရိကန် တို့မှာ “ဂိုဗာချော့”အား ငြိမ်းချမ်းရေးနိုဗယ်ဆုအား ပေးအပ်လိုက်သည်။

ထိုသို့အချိန်ကိုက်လုပ်ဆောင်၍ ဆိုဗီယက် ပြည်သူပြည်သားများက ငြိမ်းချမ်းရေးနိုဗယ်ဆုရှင် “ဂိုဗာချော့”အား သမ္မတအဖြစ်ရွေးကောက် တင်မြှောက် လိုက်ကြသည်။ ထိုအချိန်တွင် အမေရိကန်နိုင်ငံမှ စိတ်ကြိုက်စီမံခွင့်ရရှိသွားကာ နောက်ဆုံး အစ်ိတ်စိတ် အမွှာ မွှာကွဲထွက်သွားသည့် သာဓကများလည်းရှိခဲ့ပါသည်။
မြန်မာနိုင်ငံတွင် ဖြစ်ပေါ်ခဲ့သော ပဋိပက္ခများတွင် ဒေါ်စုကြည်သည် တိုက်ရိုက်ပါဝင် ပတ်သတ်သူဟု မယူဆလိုပါ…။

သို့သော် ဆိုဗီယက်ပြည်ထောင်စု၏သင်္ကေတကိုကား ယူရမည်ဖြစ်သည်။ ၁၉၈၈အရေးအခင်း ဖြစ်ပေါ်လာသည်မှာလည်း ဒေါ်စုကြည်ကြောင့်မဟုတ်ခဲ့သော်လည်း ထိုအရေးအခင်းမျိုးဖြစ်သည့် အချိန်တွင် အနောက်အုပ်စုများကား မြန်မာနိုင်ငံတွင် ယခုအချိန် ခေါင်းဆောင်မင်းလုပ်ရန်လူမရှိ၊ အသင်ကား ဗိုလ်ချုပ်၏ သမီးတစ်ယောက်ဖြစ်လေတော့ သင်သည်သာလျှင် ဤနိုင်ငံနှင့်ထိုက်တန်သည်ဟု စဉ်းစားမိကာ မိခင်နေမ ကောင်း ဖြစ်နေသည့်အတွက် မြန်မာနိုင်ငံသို့ပြန်လည်ရောက်ရှိနေသော ဒေါ်စုကြည်ကို အသုံးချရန် ရွေးချယ် လိုက်ကြသည် ။ထိုသို့ဖြင့် ပြည်သူများရှေ့မှောက်တွင် ကျွန်မကတော့ ဗိုလ်ချုပ်အောင်ဆန်း၏ သမီးတစ် ယောက်ဖြစ်ပြီး ယနေ့ ဆင်းရဲနေရကြသော မြန်မာပြည်သူများအတွက် အကျိးဆောင်ရွက်ရန် ပြန်လည်ရောက်ရှိ လာခြင်းဖြစ်ပါသည် ဟူသော ပျားရည်ဆန်းစကားလေးများဖြင့် ပြည်သူ၏ချစ်ခင်ခြင်း၊ လေးစားခြင်း၊ အားကိုး ခြင်ျးားကို သိမ်းကျုံး ရယူခြင်းကို ပြုလုပ်ခဲ့လေတော့သည်။ ထိုသို့ဖြင့် ဗိုလ်ချုပ်သမီးတစ်ယောက်ကို ယခုမှ မြင် တွေ့ရခြင်း၊ အားကိုးရာမဲ့နေသော အခြေအနေမျိုးအတွက် သူမသည်ပင် မြန်မာပြည်သူများအတွက် ဆေးခါးကြီး တစ်ခွက်ဖြစ်ခဲ့ရသည်။ ကျွန်မဖေဖေချ မှတ်ခဲ့တဲ့ ဒီမိုကရေစီ စသည်ဖြင့် ပြည်သူများမရင်းနှီးသော “ဒီမိုကရေစီ” ဆိုသည့်စကားလုံးကို ဆောင်ကျဉ်း လာခဲ့သည်နှင့် အုံကြွနေသောလူထုကြီးမှာ ဗိုလ်ချုပ်၏သမီးတစ်ယောက်ဖြစ် သည့်အပြင် လွတ် လပ်ခြင်းဟု အဓိပ္ပါယ်ရသည့် ဒီမိုကရေစီ ဆိုသည်ကြီးကို လိုချင်တပ်မက်လာကြသည့် အတွက် နေရင်းထိုင်ရင်း လူထုခေါင်းဆောင်ဆိုသည့် ဆောင်ပုဒ်ကြီးကို ရရှိလာသောသူတစ်ယောက် လည်း ဖြစ်ပါသည်။

(၂)နှစ်သမီးအရွယ်ကပင် မိခင်ဒေါ်ခင်ကြည်နှင့် နိုင်ငံရပ်ခြားသို့ ပါသွားသောသူတစ်ယောက်အနေဖြင့် အသက် ၄၃ နှစ်အရွယ်ကျမှ မြန်မာနိုင်ငံကြီးကောင်းစား စေချင်လို့ပါဆိုသည့် အနစ်နာခံလိုစိတ်များ၊ တိုင်းချစ် ၊ပြည်ချစ်စိတ်ဓာတ်များ ထွန်းကားလာသည်မှာ အခုခေတ်လူငယ်များ လေးစားအတုယူရန် အကောင်းဆုံးဖြစ် သည်ဟု ပြောပြရမလိုတောင်ဖြစ်ရပါသည်။ သူမ မိန့်ခွန်းများတွင် ပြောပြောနေသည့် ကျွန်မဖေဖေပြောခဲ့တာ၊ ကျွန်မဖေဖေ ပြောခဲ့တယ်ဆိုသည့်စကားလုံးများမှာလည်း အသက် (၁ ) နှစ်ခွဲ (၂)နှစ် အရွယ်သာရှိသေးသည့် သူမတစ်ယောက် မှတ်ဥာဏ်အလွန်ကောင်းခဲ့လို့သာပဲဖြစ်မည်ဟုလည်း ထင်မိပါသည်။
မြန်မာနိုင်ငံကြီးအား အလွန်ချစ်မြတ်နိုးသည့် အတွက် မြန်မာနိုင်ငံသို့ ပြန်လည်ရောက်ရှိလာသော ဒေါ်စုကြည် တစ်ယောက် ၁၉၈၈ ခုနှစ်အရေးအခင်းတွင် မင်းမဲ့စရိုက်ဆန်ဆန် ဖြစ်နေသောအခြေအနေတွင် မည်သို့ထိန်းသိမ်းခဲ့ပါသနည်း၊ လူလူချင်းသတ်ကြ၊ ပြည်သူပိုင်ပစ္စည်းများ၊ အစိုးရရုံးများဖျက်ဆီးခံရခြင်းများ၊ ရဲစခန်းများမီးရှို့ခံရခြင်းများ၊ သချီ်င်းများဖျက်ဆီးခံရခြင် စသည်တို့တွင် မည်သို့အနေအထားမျိုးဖြင့် ထိန်းသိမ်း ခဲ့ပါသနည်း။ သူမကိုယ်တိုင် ဆူပူအုံကြွမှုများကို အာပေါင်အာရင်းသန်သန် စတိတ်ပေါ်တက်ဆွေးနွေးနေသည့် အချိန် မြန်မာနိုင်ငံ၏ ပင်လယ်ဝတွင်မှု အမေရိကန် စစ်သင်္ဘောများ ရောက်ရှိနေသည်ဆိုသည်ကို သူမ မသိခဲ့ လေခြင်းကြောင့်လား။

နေအိမ်အကျယ်ချုပ်ဘ၀မှ လွတ်မြောက်လာပြီးသည့်နောက်တွင်လည်း မြန်မာ့နိုင်ငံရေးလောကတွင် တွင်တွင်ကျယ်ကျယ် လုပ်ကိုင်ဆောင်ရွက်ခွင့်ပေးခဲ့ပြီး ကြားဖြတ်ရွေးကောက်ပွဲတွင် ပါဝင်ယှဉ်ပြိုင်စေခဲ့ကာ လွှတ်တော်အမတ်ရာထူးဖြင့် လွှတ်တော်အတွင်း တိုင်းပြည်ကောင်းကျိုးဆောင်ရွက်စေခဲ့သည်မှာလည်း အမှန် ပင်ဖြစ်ပေသည်။ သူမ ကိုယ်တိုင်ဦးဆောင်၍ အစိုးရများအနေဖြင့် ယုံကြည်စွာတာဝန်ပေးအပ်၍ လက်ပံတောင်း တောင်အရေးအခင်းတွင် စုံစမ်းစစ်ဆေးရေးကော်မတီဥက္ကဌဖြင့် စုံစမ်းစေခဲ့ရာတွင်လည်း ယနေ့ထက်တိုင် အဖြေမရနိုင်သေးကြောင်းလေ့လာမိပါသည်။ မည်သို့သော အကြောင်းအချင်းအရာများဖြင့် အရာရာဆင်းရဲနိမ့် ကျ၊ ငြိမ်းချမ်းခြင်းမရနိုင်ခဲ့သော နှစ်(၆၀)ကျော်တည်တံ့လာခဲ့သည့် ပြည်တွင်းစစ်ပွဲများအကြားတွင် ငြိမ်းချမ်းရေး နိုဗယ်ဆုကြီးကို ရရှိခဲ့လေသလော…စဉ်းစားစရာပင်ဖြစ်ပါသည်။
ယခုလက်ရှိအစိုးရလက်ထပ်တွင် အဓွန့်ရှည် ကြာခဲ့သော ပြည်တွင်းစစ်များကို အဆုံးသတ်စေရန် ဆွေးနွေးပွဲများကို တက်တက်ကြွကြွဆောင်ရွက်နေချိန်တွင် ငြိမ်းချမ်းရေးနိုဗယ်ဆုရှင်ကြီးတစ်ယောက် နယ်တကာလှည့်ကာ မိမိသမ္မတဖြစ်ရေးကို အလေးပေးဆောင်ရွက် နေခဲ့သည်မှာ အဘယ်ကြောင့်နည်း။

ပြည်သူ့အသံများကို ဆောင်ကြဉ်းပေးရမည့် လွှတ်တော်အတွင်းတွင် နေရာတစ်နေရာ ၀င်ရောက်ယူပြီး မိမိသမ္မတဖြစ်မြောက်ရေးအတွက် အခြေခံဥပဒေပြင်ဆင်ရေးကိုသာ တစ်တွတ်တွတ် ပြောကြားနေခဲ့သည်မှာ မည်သူ့အတွက်နည်း။ လက်ရှိမြန်မာနိုင်ငံတွင် ဖွဲ့စည်းပုံအခြေခံဥပဒေ ပြင်ဆင်ရေးထက် အရေးကြီးလုပ်ဆောင် ရန် အများအပြားရှိနေပါသေးသည်။ ဖွဲ့စည်းပုံအခြေခံဥပဒေ ပြင်ဆင်ပေးမှ ဆန်ရှင်စနစ်ကို ဖျက်သိမ်းပေပါဟု တောင်းဆိုခဲ့သည်မှာလည်း မည်သူ့အတွက်နည်း၊ ဖွဲ့စည်းပုံအခြေခံပါ ပုဒ်မ (၅၉/စ)မှာ ဒေါ်စုကြည်တစ်ယောက် တည်းအတွက် ပြဌာန်းခဲ့သည်လော၊ မျိုးချစ်စိတ်ရှိပြီး မြန်မာနိုင်ငံအပေါ် အမှန်တစ်ကယ်ချစ်မြတ်နိုးသူ များအတွက် ပြဌာန်ခဲ့သည်လော ဆိုသည်မှာ လူတိုင်းစဉ်းစားတတ်ကြပေမည်။ ပုဒ်မ (၄၃၆) ပြင်ဆင်လိုက်လျှင် မြန်မာပြည်သူများ စီးပွားရေးအဆင်ပြေနိုင်မည်လော၊ လူမှုရေးအဆင်ပြေနိုင်မည်လော၊ ဘာသာရေးအဓွန့်ရှည် နိုင်မည်လော။ ကံကံ၏အကျိူးကို ယုံကြည်သော ကျွန်တော်တို့ဗုဒ္ဓဘာသာမြန်မာလူမျိုးများအနေဖြင့် ကံသည် အလုပ်၊ ကောင်းသောအလုပ်ကိုဆောင်ရွက်သူအဖို့ ကောင်းသောအကျိုးကိုသာ ရရှိကြမည်သာဖြစ်သည်။ ပုဒ်မ (၄၃၆)ပြင်ဆင်ခြင်းနှင့် ထမင်းနပ်မှန်အောင်စားနိုင်ခြင်းမှာ မည်သို့မျှ မသက်ဆိုင်၊ သက်ဆိုင်လာလိမ့်မည်လည်း မဟုတ်ပေ။ ဒေါ်စုကြည်အနေဖြင့်လည်း လွှတ်တော်တွင်းဝင်ရောက်၍ ပုဒ်မများကို ပြင်ဆင်နေမည့်အစား အသုံးချခံဘ၀ဖြင့်ရရှိထားသော နိုဗယ်ဆုကြီးကို အသုံးလိုသော နေရာများအတွက် အလင်းရောင်၊ အနွေးဓာတ် ခြုံလွှမ်းနိုင်ပါစေလို့ ကျွန်တော်ဆုတောင်းမိပါသည်။ ထိုမှမဟုတ်ပါက ထိုဗြဟ္မာ့ဦးခေါင်း နိုဗယ်ဆုကြီးသည် မြန်မာနိုင်ငံအတွက် ပေါက်ကွဲလုနီးပြီဖြစ်သော နူးကလီးယားဗုံးထက် အဆများစွာသာသော နိုဗယ်ဗုံးကြီးတစ် လုံးသာဖြစ်ပါတော့သည်။
.
. www.MyanmarExpress.net
 

Posted in: NLD သတင်း