မန္တလေးဆူပူမှုဖြစ်စေရန် စတင်ခဲ့သည့် မုဒိမ်းမှုဟု လီဆယ်တိုင်ကြားသူအား ဖမ်းဆီးရမိ Facebook ပေါ်တွင် စတင်လှုံ့ဆော်သူ NLD ပါတီဝင်ဟောင်းကို မဖမ်းသေး

From : .. 7day

ဇူလိုင်လဆန်းကဖြစ်ပွားခဲ့သော မန္တလေးဆူပူမှုဖြစ်စေရန် စတင်ခဲ့သည့် မုဒိမ်းမှုကို လီဆယ်တိုင်တန်းသူနှင့် နောက်ကွယ်မှ အားပေးအားမြှောက်ပြုသူ ရဲထွဋ်နှင့် အပေါင်းပါနှစ်ဦးဖြစ်သူ မဟေမာကျော်နှင့် ဒေါ်မာလာတို့ကို ထိုင်းနိုင်ငံ၊ မဲဆောက်တွင် ဖမ်းဆီးရမိခဲ့ပြီး မြ၀တီလ၀ကမှတစ်ဆင့် လွှဲပြောင်းပေးအပ်ခဲ့ကြောင်း သတင်းရရှိသည်။

ဇူလိုင် ၂၆ ရက်က မဲဆောက်တွင် ဖမ်းဆီးရမိခဲ့ခြင်းဖြစ်ကာ မြ၀တီသို့လ၀ကမှတစ်ဆင့် လွှဲပြောင်းပေးခဲ့ပြီးနောက် ဇူလိုင် ၂၇ ရက်နံနက်တွင် ဟေမာကျော်နှင့် ဒေါ်မာလာတို့ကို မန္တလေးခရိုင်၊ ပြင်ဦးလွင်မြို့နယ်သို့ လွှဲပြောင်းပေးခဲ့ပြီး ရဲထွဋ်ကို ရန်ကုန်သို့ ပို့ဆောင်ထားကြောင်း မြ၀တီခရိုင်ရဲတပ်ဖွဲ့မှ သိရသည်။

"သုံးယောက်လုံးကို ဟိုဘက်ကမ်းမှာမိတာပါ။ နောက်ရက်မှာ ချက်ချင်းပဲ ဟေမာကျော်နဲ့ ဒေါ်မာလာကို မန္တလေးလွှဲပေးလိုက်ပါပြီ။ ရဲထွဋ်ကိုတော့ ရန်ကုန်ကိုပို့လိုက်တယ်။ တာဝန်ရှိသူတွေစစ်ဆေးဖို့ လိုအပ်လို့နေမှာပါ။ ကျန်တာတော့ မသိပါဘူး" ဟု တာဝန်ကျရဲအရာရှိတစ်ဦးက The Daily Eleven ကို ပြန်လည်ဖြေကြားသည်။

မန္တလေးဆူပူမှုဖြစ်စဉ်နှင့်ပတ်သက်၍ ပြဿနာ စတင်ဖြစ်ပွားသည့် ၂၈ လမ်းနှင့် ၈၂ လမ်းထောင့်ရှိ ဆန်းကဖီး လက်ဖက်ရည်ဆိုင်ပိုင်ရှင် ဦးဆန်းမောင်နှင့် ဦးနေ၀င်းညီအစ်ကိုမှ ဆိုင်ဝန်ထမ်းမစိုးစိုးကို နေပြည်တော်ရှိ လက်ဖက်ရည်ဆိုင်သစ်တွင် အလုပ်ရမည်ဟု ပြောဆိုခေါ်ဆောင်သွားပြီး ပျဉ်းမနားတောင်ညို ကားလမ်းနံဘေးတွင် ညီအစ်ကိုနှစ်ဦးစလုံးက သားမယားအဖြစ်ပြုကျင့်ကာ ထွက်ပြေးတိမ်းရှောင်သွားခဲ့သည်ဟု ပျဉ်းမနားမြို့မရဲစခန်းတွင် တိုင်ကြားခဲ့ပြီး ယင်းတိုင်တန်းမှုသည် လီဆယ်တိုင်တန်းမှုဖြစ်ကြောင်း ဇူလိုင် ၁၉ ရက် ညပိုင်းက နိုင်ငံပိုင်မီဒီယာများမှ ထုတ်ပြန်ကြေညာခဲ့သည်။ ၎င်းအပြင် လီဆယ်တိုင်ကြားသူ မစိုးစိုး၏အမည်ရင်းမှာ ဖြူဖြူမင်း (ခ) ကတုံးမဖြစ်ပြီး ၎င်းကိုမုဒိမ်းကျင့်သည်ဟု တိုင်ကြားခံရသည့် ဆန်းကဖီးပိုင်ရှင်ညီအစ်ကိုနှစ်ဦးထံတွင် အလုပ်လုပ်ကိုင်ဖူးခြင်းမရှိကြောင်း၊ ဆေးစစ်ချက်များအရ အဓမ္မပြုကျင့်ခံရသည့် လက္ခဏာမရှိကြောင်း စစ်ဆေးပေါ်ပေါက်ခဲ့သည်။ ထို့ကြောင့် လိမ်လည်တိုင်ကြားသူ ဖြူဖြူမင်း (ခ) ကတုံးမနှင့် ညွှန်ကြားသူ နုနုမြတ်တို့ကိုဖမ်းမိခဲ့ပြီး သူမတိုင်ကြားထားသော မုဒိမ်းမှုကိုပိတ်သိမ်းကာ ထွက်ပြေးတိမ်းရှောင်နေသူ ရဲထွဋ် (ခ) သူရရဲထွဋ်၊ ဟေမာကျော်နှင့် ဒေါ်မာလာတို့ကို ဖမ်းဆီးရမိရေးဆောင်ရွက်ခဲ့ရာမှ ထိုင်းနိုင်ငံ၊ မဲဆောက်တွင် ဖမ်းဆီးရမိခဲ့ခြင်းဖြစ်သည်။

"ဟေမာကျော်နဲ့ ဒေါ်မာလာတို့ကို မန္တလေး၊ ပြင်ဦးလွင်ခရိုင်မှာ အမှုဖွင့်ထားလို့ လွှဲပေးတာတော့သိတယ်။ ရဲထွဋ်ကတော့ မရောက်လာသေးတော့မသိဘူး။ ဟေမာကျော်တို့ကို လိမ်လည်မှုရယ်၊ တရားရုံးမထီမဲ့မြင်မှုတွေနဲ့ ဖွင့်ထားတာရှိတယ်။ ရဲထွဋ်ကိုတော့ စစ်ဆေးထွက်ချက်ပေါ်မှာမူတည်ပြီး ပုဒ်မတွေထပ်တက်လာမှာပေါ့" ဟု မန္တလေးတိုင်း ရဲတပ်ဖွဲ့မှူး ရုံးမှ ဒုရဲမှူးကြီးတစ်ဦးကဆိုသည်။

.. www.MyanmarExpress.net
 

Posted in: NLD သတင်း,မြန်မာ-ကုလား အဓိကရုဏ်းများ