အိုဘယ့်...မီဒီယာ

လောကတွင် လူအမျိုးမျိုးစိတ်အထွေထွေရှိကြသည်။
လူတိုင်းအကြိုက်တစ်မျိုးစီရှိကြသည်။
ထိုအထဲမှ ကျွန်တော့် အကြိုက်ကတော့ သတင်းပင်ဖြစ်သည်။
မနက်ဆိုလျှင် အမြဲတမ်း သတင်းစာလေးဖတ်မှ နေသာထိုင်သာရှိသည်။
အခုတော့ အင်တာနက်ဆိုတာကြီးပေါ်လာသဖြင့် အဆင်ပြေသည်။
ယခင်ကလို ဂျာနယ်တွေစာစောင်တွေကို တစ်ပါတ်တခါ စောင့်နေစရာမလိုတော့။
နိုင်ငံနှင့်အ၀ှန်း ဖြစ်ပျက်နေသည်များကို အချိန်နှင့်တပြေးညီ သိရှိနိုင်ပေသည်။
သတင်းခေတ်တွင် သတင်းဆာလောင်ကြသူများ ဖြစ်လာကြသည်။

အခုတလော လတ်တလောမှာ ရေပန်းစားခဲ့တာကတော့ အားလုံးသိကြသည့်အတိုင်း
၄၃၆ ဖြစ်သည်။ တစ်နိုင်ငံလုံး မြို့နယ်ကြီးတွေမှာ ၄၃၆ ပြင်ဆင်ရေး 

လက်မှတ်ကောက်ခံပွဲတွေလုပ်ကာ ၄၃၆ ပြင်ဆင်ရန် လက်မှတ်စုဆောင်းကြသည်။
လှုံ့ဆော်ကြသည်။ သို့ရာတွင် မနက်ဖြန်ပဲ ကြည့်ရတော့မလိုလို၊ 

အခုပဲကြည့်ရတော့မလိုလို မစားရ၀မခန်းပြောခဲ့သော ဗိုလ်ချုပ်အောင်ဆန်းရုပ်ရှင်ကဲ့သို့ပင်
အခြေအနေကားမကောင်း။ ရလာဒ်ကို အားလုံးက စိတ်ဝင်စားကြသည်။ 

လူထုတစ်ခဲနက်ထောက်ခံသည်ဟု ၄င်းတို့ကိုယ်၎င်းတို့ ကြွေးကြော်ထားသော 

ပါတီကြီးတစ်ခုအနေဖြင့် လက်မှတ်အတော်များများ ရရှိမည်ဟု ယုံကြည်ကြသည်။

ဤသို့ဖြင့် ဂျာနယ်များ စာစောင်များတွင် လက်မှတ် မည်၍မည်မျှ ကောက်ခံရရှိသည်ကို 

သိရှိလိုကြသဖြင့် စောင့်ဖတ်ကြသည်။အဖြေမှာ အမျိုးမျိုးဖြစ်နေပေသည်။ 

စာဖတ်သူများ မျက်စိလည်ကုန်ကြသည်။
ဘယ်ဟာ အမှန်လဲမသိကြတော့။

မြစ်မခမီဒီယာတွင် ရေးထားသည်က အမျိုးသားဒီမိုကရေစီအဖွဲ့ချုပ်မှ တာဝန်ယူကောက်ခံခဲ့သည့် 

၄၃၆ ပြင်ဆင်ရေးပြည်သူ့ထောက်ခံဆန္ဒမဲ လက်မှတ်ပေါင်း တစ်ဆယ့်ခုနှစ်သိန်းကျော်ရရှိပြီးဖြစ်သည်ဟု တိုင်းဒေသကြီးနှင့်ပြည်နယ်များမှ ဇူလိုင်လ (၂၅)ရက်နေ့အထိ ကောက်ခံရရှိသည့်စာရင်းများအရ သိရှိရသည်။

“ ဒီနေ့အထိ တိုင်းဒေသကြီးနဲ့ပြည်နယ်တွေက ကောက်ယူထားတဲ့လက်မှတ်ပေါင်း

၁၇၀၂၈၅၄ ရရှိပြီး ဖြစ်ပါတယ်” ဟု အမျိုးသားဒီမိုကရေစီအဖွဲ့ချုပ်မှ ဗဟိုအလုပ်အမှုဆောင် ကော်မတီဝင်နှင့် ဖွဲ့စည်းပုံပြင်ဆင်ရေးကော်မတီဥက္ကဋ္ဌ ဦးထွန်းထွန်းဟိန်က ပြောကြားသည် ဆိုပြီး ရေးထားတဲ့သတင်းပါ။ အားလုံးပေါင်း ဇူလိုင်လ ၂၅ ရက်နေ့အထိ တစ်သန်းနဲ့ ခုနှစ်သိန်းပေါ့။

ဒါနဲ့ NLD ရဲ့ ဒီလှိုင်း website ကိုသွားဖတ်တော့ ကောက်ခံရရှိသော လက်မှတ်ပေါင်း ၅ သန်းတဲ့။ ဟ....သောက်ကျိုးနည်း လေးသန်းနီးပါးတောင် ကွာနေပါလားပေါ့။ ခေါင်းတောင်ခြောက်သွားသည်။

ဘယ်လိုမှ စဉ်းစားမရ။ တရုတ်သိုင်းကားထဲကလို မည်သို့မည်ပုံလုပ်လိုက်သည်မသိ။ 

လက်မှတ် လေးသန်း အော်တိုမက်တစ် တိုးလာသည်ဟုသာ ဆိုရတော့မည်ဖြစ်သည်။

အော်...ဘာပဲဖြစ်ဖြစ် NLD ပါတီရဲ့
website ဆိုတော့လည်း သူတို့ရဲ့အရှုံးကို လူကြားကောင်းအောင် ငါးသန်းလို့
အဖတ်ဆယ်တာလည်း ဖြစ်နိုင်တာပေါ့...နောက်သတင်းဆိုဒ်တစ်ခုမှာ ကြည့်လိုက်မယ်ဆိုပြီး
Eleven Media Group မှာသွားကြည့်တော့ ၃၂ သိန်းတဲ့။

စာဖြင့်ပြောရမည်ဆိုလျှင် သုံးသန်းကျော်ပေါ့။အဲဒီမှာတင် မသောက်ပဲခေါင်းမူးတော့သည်။
လေးစားလောက်ဖွယ်ရာ စတုတ်ထမန်ဒိုင်ကြီးများပင်ဖြစ်တော့သည်။

မည်သို့ပင်ဖြစ်စေကာမူ မြန်မာနိုင်ငံ၏ လူဦးရေ သန်း (၆၀) နှင့် ယှဉ်လိုက်လျှင်
နဲတာကတော့ နဲသည်သာဖြစ်တော့သည်။

ဤနေရာတွင် ပြောစရာတစ်ခုရှိလာသည်မှာ စတုတ်ထမန်ဒိုင်များ၏ ပြည်သူများသို့
သတင်းတင်ပြပုံနဲ့ မိမိတို့ တင်ပြလောက်သော သတင်း၏ မှန်ကန်မှုအား တာဝန်ခံနိုင်မှုပင်ဖြစ်သည်။ ယခုအခါ အထက်ပါအချက်များ ပျောက်ဆုံးနေသည်။
သတင်းဖြစ်လျှင် ပြီးရော၊ လူကြိုက်များလျှင် ပြီးရော လုပ်နေကြသည်ကိုသာ တွေ့ရှိနေရသည်။ ကွယ်လွန်သွားသော ဆရာကြီးလူထုစိန်ဝင်းတို့သာ ရှိနေလျှင် 

မည်သို့ ဝေဖန်မည်နည်း မပြောတတ်။ ယခု ၄၃၆ နှင့်ပါတ်သက်သော လက်မှတ်ထုတ်ပြန်မှုပင်လျှင်သတင်းရင်းမြစ် ၃ ခုမှာ ၃ မျိုးဖြစ်နေသည်။ 

ဒါတောင် ကျန်တဲ့ ဂျာနယ်တွေ စာစောင်တွေမကြည့်ရသေး။ ပိုဆိုးဖို့သာရှိတော့သည်။

ဒီမိုကရေစီခေတ်သို့အကူးအပြောင်းမှာ မိမိတို့ကိုယ်မိမိတို့ စတုတ်ထမန်ဒိုင်ဟု ကြွေးကြော်လာခဲ့ကြသော သတင်းမီဒီယာသမားများအနေဖြင့် စတုတ်ထမန်ဒိုင် ပီသစွာ ပြည်သူလူထုအား သတင်းအမှန်များကို ဘက်မလိုက်ပဲ ဖြန့်ဝေကြဖို့လိုအပ်ပေသည်။

ထိုသို့မဟုတ်ပဲ စတုတ်ထမန်ဒိုင်ကြီးကိုယ်က တိမ်းစောင်းနေပါက မြန်မာ့မီဒီယာလောက၏ ရှေ့ရေးမှာ ရင်မောဖွယ်ရာ အတိဖြစ်ပါကြောင်း မီဒီယာလောက၏ကိုယ်စား အမုန်းခံ တင်ပြလိုက်ရပါသည်။

Posted in: လူပြိန်းကြိုက် မီဒီယာသမားများ