NLD ပါတီ၏ အမှားတော်ပုံများ

(၁) အန်အယ်ဒီပါတီဟာ ဒေါ်အောင်ဆန်းစုကြည်အပေါ်အလွန်အမင်းအားကိုးလွန်းခြင်း

(၂) ဒေါ်အောင်ဆန်းစုကြည်ရဲ့ ပန်းတိုင်က သမ္မတဖြစ်ရေးဖြစ်သည့်အတွက် အန်အယ်လ်ဒီပါတီသည် ဒေါ်စု၏ တစ်သွေးတစ်သံတစ်မိန့်အတိုင်း လိုက်နာရသော အဖွဲ့အစည်းဖြစ်သည့်အတွက် ပါတီ၏ လှုပ်ရှားမှု၊ မဟာဗျူဟာ၊ စည်းရုံးမှုများသည် သမ္မတဖြစ်ရေးသို့သာ ဦးတည်ကြခြင်း။

(၃) ဒေါ်အောင်ဆန်းစုကြည်သမ္မတဖြစ်ရေးအတွက် ဦးတည်သောပုဒ်မ ၄၃၆ ပြင်ဆင်ရေး၊ ပုဒ်မ ၅၉ (စ) ပြင်ဆင်ရေးကိုသာ အဓိကထားလွန်းခြင်း။

(၄) ပြည်ပနိုင်ငံများ၏ခရီးစဉ်များတွင် မြန်မာနိုင်ငံကိုအကောင်းမမြင်ကြရန်၊ လက်ရှိအစိုးရကို သိပ်ပြီး မချီးကျူးရန်၊ စီးပွားရေးပိတ်ဆိုမှုတွေကို ဆက်လက်ဆောင်ရွက်ရေး စောင့်ကြည့်ထားသင့်ကြောင်း တို့ကိုသာ ပြောဆိုလွန်းခြင်း။

(၅) ပါဝါမဏ္ဍိုင်ကြီးများဖြစ်သော အစိုးရနှင့် လွှတ်တော်ကြားCheck and balance သဘောအရ ထိမိ ငြိမိဖြစ်နေချိန်များတွင်လွှတ်တော်တစ်ဖက်ထဲကိုသာဦးစားပေးလှည့်လွန်းခြင်း။

(၆) နိုင်ငံခြားရေးမူဝါဒများတွင် အိမ်နီးချင်းနိုင်ငံများ (အထူးသဖြင့် အာရှအင်အားကြီး) တရုတ်နှင့် အမေရိကန်ကြားတွင်ဟန်ချက်ညီ ဆက်ဆံတတ်မှုမရှိဘဲ အနောက်အင်အားကြီးနိုင်ငံဘက်သို့သာ ဦးလှည့်ခြင်း။

(၇) လွှတ်တော်အတွင်းရှိ ပြည်သူ့အရွေးချယ်ခံ အမတ်ဖြစ်သောလည်း လွှတ်တော်ပြင်ပနည်းလမ်းများကိုသာ အားကိုးလွန်းပြီး လူထုတိုက်ပွဲ အသွင်ဆောင်ဖို့သာ ကြိုးစားလွန်းခြင်း။

(၈) အခြေခံဥပဒေပြင်ဆင်ရေး၏ အဓိကကျသော ဥပဒေပြုရေးလွှတ်တော်ကို ထည့်သွင်းဝေဖန်ခြင်းမပြုဘဲ နိုင်ငံတော်သမ္မတ(အစိုးရ) နှင့် တပ်မတော်ကိုသာ ဝေဖန်ပြစ်တင် စိန်ခေါ်သည့်စကားများပြောကြားခြင်း။

(၉) ဒေါ်အောင်ဆန်းစုကြည်၏မိန့်ခွန်းများ၊အမေးအဖြေများတွင်အခြေခံဥပဒေပြင်ဆင်ရေးနှင့် သမ္မတဖြစ်ရေးသာ ပြောဆိုပြီးပြည်သူ့အကျိုးများအတွက်ေ၀၀ါးဝါးသာပြောဆိုတတ်ခြင်း။

(၁၀) ပါတီတွင်း စီအီးစီ၊ စီစီများ အသံမထွက်ရဲအောင် တစ်ဦးတစ်ယောက်၏ သြဇာဖြင့် စီမံဆောင်ရွက်ပြီး ဒီမိုကရေအမည်ခံထားသော်လည်း ဒီမိုကရေစီစနစ် ကျင့်သုံးမှုမရှိခြင်း။

(၁၁) လူငယ်မျိုးဆက်သစ်ခေါင်းဆောင်များကို နေရာပေး မွေးထုတ်နိုင်မှုမရှိဘဲ တစ်ဦးတည်းအပေါ်သာ မှီခိုလွန်းခြင်း။

(၁၂) သမ္မတဖြစ်မှသာ ပြည်သူ့အကျိုးစီးပွားဆောင်ရွက်နိုင်မည်ဟူသော ပြည်သူ့အရေးထက် အာဏာရရေးကိုသာဦးစားပေးခြင်း။

(၂၀၁၄ ခုနှစ် ဇူလိုင်လ ၁၄ ရက်နေ့ထုတ် The Messenger ဂျာနယ်ပါ ဆောင်းပါးရှင် မောင်မောင်ကိုကြီး၏ “ NLD ပါတီဘာတွေမှားနေသလဲ” ဆောင်းပါးပါ ကောက်နှုတ်ချက်)
 
.. www.MyanmarExpress.net
 

Posted in: NLD ပါတီ၏ အမှားတော်ပုံများ