တပ်မတော် နယ်လှည့် ဆေးကုသရေးအဖွဲ့မှ လက်ပံတောင်းဒေသတွင် အခမဲ့ ဆေးကုသပေးမည်

လက်ပံတောင်းတောင် ကြေးနီစီမံကိန်း နယ်မြေအနီးနှင့် ရွေ့ပြောင်း ကျေးရွာတို့တွင် တပ်မတော် နယ်လှည့် ဆေးကုသရေး အဖွဲ့မှ ယခုလ (၁၅) ရက်နေ့တွင် အခမဲ့ ဆေးကုသမှုများ လှည့်လည် ပြုလုပ်သွားမည် ဖြစ်ကြောင်း မြန်မာဝမ်ပေါင်မှ သိရသည်။

ယင်းအဖွဲ့တွင် အဖွဲ့ဝင် (၈၅) ဦးလိုက်ပါ ကုသပေးသွားမည် ဖြစ်ပြီး၊ လက်ပံတောင်း ဒေသခံကျေးရွာများသို့ အဆင့်မီ ခွဲစိတ်ကိရိယာ စက်ကြီးများဖြင့် တစ်ရက်လျှင် အဖွဲ့ နှစ်ဖွဲ့စီခွဲကာ (၁၈) ရက်ကြာ ကုသမှုများ ပြုလုပ် ပေးသွားမည်ဖြစ်ကြောင်း သိရသည်။

““နိုင်ငံခြားပြန် တပ်မတော်စစ်ဆေး အထူးကု ဆရာဝန်ကြီးတွေက လှည့်လည် ကုသပေးသွားမယ်။ မျက်စိအထူးကု၊ ခွဲစိတ်၊ သားဖွားမီးယပ်၊ ကလေးအထူးကု နှင့် နား၊ နှာခေါင်း သွားခံတွင်း တို့ကို ကုသပေးသွားမယ်။ Mobile ခွဲစိတ်ယာဉ်တွေကိုလည်း အသုံးပြုမယ်။ Mobile Ultra-Sound တွေနဲ့လည်း ခွဲစိတ်သွားမယ်။ အခုလ(၁၅) ရက် နေ့ကနေစပြီး ကုသပေးသွားမယ်။ အခမဲ့ပါ။ မည်သူမဆို လာရောက် ခွဲစိတ်ကုသနိုင် ပါတယ်””ဟု မြန်မာဝမ်ပေါင်ကုမ္ပဏီ CSD အဖွဲ့ ဥက္ကဋ္ဌ တိုင်းဒေသကြီး သတ္တုတွင်းဝန်ကြီး ဦးသန်းထိုက်က The Messenger Media သို့ ပြောသည်။

အဆိုပါ တပ်မတော်နယ်လှည့် ဆေးကုသရေးအဖွဲ့များသည် နိုင်ငံခြားမှ ဆေးပညာ ရပ်များကို သင်ယူခဲ့ပြီး၊ အထူးကုစစ်ဆေး ဆရာဝန်ကြီးများ ဖြစ်ကြောင်း သိရသည်။ လက်ပံတောင်း တောင်ဒေသခံများ ကျန်းမာရေးနှင့် ပတ်သက်သည်များကို Mobile ခွဲစိတ်ကားကြီးများဖြင့် လှည့်လည် ကုသပေး သွားမည်ဖြစ်ပြီး (၁၈) ရက်ကြာ ကုသမှုများ ကို ပြုလုပ်သွားမည် ဖြစ်ကြောင်းဝန်ကြီးက ပြောသည်။.

. www.MyanmarExpress.net
 

Posted in: စစ်တပ်နှင့် နိုင်ငံရေး