မြန်မာကို ပိတ်ဆို့မှု အာဆီယံစီးပွားရေး အသိုက်အဝန်းအတွက် အတားအဆီးဟု အာဆီယံပြောကြား

အမေရိကန်ပြည်ထောင်စုနှင့် ဥရောပသမဂ္ဂတို့က ချမှတ်ထားသော စီးပွားရေးပိတ်ဆို့မှုများသည် အာဆီယံ စီးပွားရေး အသိုက်အဝန်းအတွင်း မြန်မာနိုင်ငံ အပြည့်အဝ ဝင်ရောက်နိုင်ရန် အတားအဆီးဖြစ်ကြောင်း အရှေ့တောင်အာရှ နိုင်ငံများအသင်း (အာဆီယံ) အထွေထွေအတွင်းရေးမှူးချုပ် ဆူရင်ပစ်ဆူဝမ်က ပြောကြားသည်။ အင်ဒိုနီးရှားနိုင်ငံ ဘာလီကျွန်း နိုဆာဒူဝါဒေသ လာဂူနာဟိုတယ်တွင် ပြုလုပ်သည့် အာဆီယံနိုင်ငံများမှ သတင်းထောက်များနှင့် တွေ့ဆုံစဉ် ယင်းသို့ဖြေကြားခဲ့ခြင်း ဖြစ်သည်။ မြန်မာနိုင်ငံသည် စီးပွားရေးအရ အလားအလာများစွာရှိသော နိုင်ငံဖြစ်ပြီး အာဆီယံစီးပွားရေး အသိုက်အဝန်း၏ ဆင့်ပွားအကျိုးစီးပွားမှ အကျိုးရလဒ်များစွာ ရရှိသင့်ကြောင်း ၄င်းကဆက်လက် ပြောကြားသည်။ “ဒါကြောင့် (မြန်မာ) ရွေးကောက်ပွဲပြီးနောက်ပိုင်း စီးပွားရေးပိတ်ဆို့မှုတွေ ရုပ်သိမ်းပေးဖို့ ကျွန်တော်တို့ (အာဆီယံ) တောင်းဆိုခဲ့တာပါ” ဟု ဆူရင်က ဆက်လက်ပြောကြားသည်။ အင်ဒိုနီးရှားနိုင်ငံ လွန်းဘတ်မြို့တွင် ၂၀၁၁ ခုနှစ် ဇန်နဝါရီလအတွင်းက ကျင်းပခဲ့သော အာဆီယံနိုင်ငံခြားရေးဝန်ကြီးများ အစည်းအဝေးတွင် အာဆီယံ၏ ဆွေးနွေးဖက်နိုင်ငံများ ဖြစ်သော အမေရိကန်ပြည်ထောင်စု၊ ဥရောပသမဂ္ဂ၊ ကနေဒါနိုင်ငံတို့အနေဖြင့် မြန်မာအပေါ် စီးပွားရေး၊ သံတမန်ရေးရာများအရ ပိတ်ဆို့မှုများကို ရုပ်သိမ်းသင့်ကြောင်း အာဆီယံက တရားဝင် ထုတ်ဖော် ပြောကြားလိုက်ခဲ့သည်။ စီးပွားရေးပိတ်ဆို့မှုကြောင့် မြန်မာနိုင်ငံတွင် နိုင်ငံတကာ စီးပွားရေးလုပ်ငန်းများ၊ ကမ္ဘာ့ဘဏ်ကဲ့သို့သော နိုင်ငံတကာ အဖွဲ့အစည်းများက လာရောက်ကူညီ လုပ်ကိုင်ရန် မလွယ်ကူကြောင်း ဒေါက်တာဆူရင်က ပြောကြားသည်။ အထက်ပါ နိုင်ငံများ၏ စီးပွားရေးပိတ်ဆို့မှုကြောင့် ဂျပန်၊ အိန္ဒိယ ကဲ့သို့သော စီးပွားရေး အင်အားကြီးနိုင်ငံများမှ လုပ်ငန်းများသည် မြန်မာနိုင်ငံအပေါ် လာရောက်ရင်းနှီးမြှုပ်နှံရန် စောင့်ဆိုင်းလျက်ရှိသည်။ ဥရောပသမဂ္ဂသည် မြန်မာရွေးကောက်ပွဲအပြီး မြန်မာသံအမတ်များနှင့် အဆင့်မြင့်အရာရှိများ ခရီးသွားလာခွင့် ပိတ်ပင်ထားမှုကို လျှော့ချထားပေးထားပြီး တိုးတက်မှုရလဒ်များအပေါ် မူတည်၍ အပြုသဘော တုံ့ပြန်သွားမည်ဖြစ်ကြောင်း မြန်မာ၊ လာအို၊ ကမ္ဘောဒီးယားနှင့် ထိုင်းနိုင်ငံဆိုင်ရာ ဥရောပသမဂ္ဂ သံအမတ် ဒေးဗစ်လစ်မွန်က ပြီးခဲ့သည့်တစ်ပတ် ရန်ကုန်မြို့တော်တွင် တွေ့ဆုံစဉ် ပြောကြားခဲ့သည်။ မြန်မာနိုင်ငံအပေါ် ပိတ်ဆို့မှုများ ရုပ်သိမ်းသွားပါက အာရှဖွံ့ဖြိုးရေးဘဏ် (ADB) အနေနှင့် အကူအညီပြန်ပေးရန် အသင့်ရှိကြောင်း ယခုလဆန်းပိုင်းက ပြောဆိုခဲ့ဖူးသည်။ အာဆီယံစီးပွားရေး အသိုက်အဝန်းသည် ၂၀၁၅ ခုနှစ်တွင် အသက်ဝင်မည်ဖြစ်ပြီး အာဆီယံ ၁၀ နိုင်ငံအတွင်း ကုန်သွယ်မှုလုပ်ငန်းများကို လွတ်လပ်စွာ ခွင့်ပြုမည်ဖြစ်ကြောင်း ၂၀၁၁ ခုနှစ် နိုဝင်ဘာလ ၂၁ ရက်နေ့ထုတ် The Voice ဂျာနယ်တွင် ဖော်ပြထားပါသည်။

http://groups.google.com/group/mayanmardailymail မှ ကူးယူဖော်ပြပါကြောင်း

Myanmar Express

Posted in: ကူးယူဖော်ပြ,စီးပွားပိတ်ဆို့မှုနှင့် ပတ်သက်၍,သတင်း