တရုတ်ဆန့်ကျင်ရေး ပြောဆိုမှုများကို စင်ကာပူ သတိပေး

From :(အေအက်ဖ်ပီ)

အောင်သာလင်း ဘာသာပြန်သည်။
အတွဲ ၂၈ ၊ အမှတ် ၅၅၇ ( ၁၇ - ၂၃ ၊ ၂ ၊ ၂၀၁၂)

ဝါရှင်တန်- ပိုမိုကြီးမားလာသော တရုတ်အင်အားကို ထိန်းချုပ်ရေးဆိုင်ရာ အမေရိကန်၏ မဟာဗျူဟာကြောင့် အာရှဒေသအတွင်း ပဋိပက္ခ ပေါ်ပေါက် လာနိုင်၍ တရုတ်နိုင်ငံအပေါ် တစ်ဖန် သုံးသပ်ရာတွင် သတိထားဆင်ခြင်ရန် စင်ကာပူနိုင်ငံခြားရေး ၀န်ကြီး ကေရှန် မူဂန်က ဖေဖော်ဝါရီလ ၈ ရက်တွင် သတိပေးပြောကြားသည်။

အမေရိကန်နိုင်ငံခြားရေးဝန်ကြီးဌာန အနေဖြင့် တရုတ်အစိုးရနှင့် ပူးပေါင်း ဆောင်ရွက်လိုသည့် အခြေအနေကို မိမိတို့ မြင်တွေ့ နေရပြီဖြစ်သော်လည်း အမေရိကန်တို့၏ တရုတ်ဆန့်ကျင်ရေး ပြောဆိုရေးသားမှုများကို မိမိတို့ တွေ့ နေရသည်ဟု ၀ါရှင်တန်သို့ ရောက်ရှိနေ သော စင်ကာပူနိုင်ငံခြားရေးဝန်ကြီးက ပြောကြားသည်။

ယင်းသို့ ဆန့်ကျင်ပြောဆိုရေးသားမှု အချို့သည် ရွေးကောက်ပွဲကျင်းပသည့် နှစ်အတွင်း၌ မလွှဲသာမရှောင်သာ ပေါ်ထွက်နေမည်ဖြစ် သော်လည်း ယင်း ပြောဆိုရေးသားမှုများကြောင့် အာရှ ဒေသအတွင်း မမျှော်လင့်သည့် ပြဿနာ အသစ်များ ပေါ်ပေါက်လာနိုင်သည့် အခြေအနေကိုမူ အမေရိကန်တို့ လျှော့တွက်မထားသင့်ဟု ၎င်းက ဆိုသည်။

စင်ကာပူနိုင်ငံသည် အမေရိကန် နိုင်ငံ၏ ရင်းနှီးသော မိတ်ဆွေနိုင်ငံဖြစ် သည့်အပြင် အမေရိကန်၏ အချက်အချာ ကျသည့် စစ်ရေး ထောက်ပံ့မှု အခြေစိုက် စခန်းလည်း ရှိနေသည်။

သို့သော် ကုန်သွယ်ရေးလုပ်ငန်း အပေါ် အများဆုံး မှီခိုနေရသည့် အလျောက် တရုတ်၊ ဂျပန်၊ အိန္ဒိယ စသည့် အာရှစီးပွားရေး နိုင်ငံကြီးများနှင့် အဆင်ချောစွာ ကူးသန်းဆက်သွယ် လျက်ရှိသည်။ ကဏ္ဍတိုင်း တိုးတက်ဖွံ့ဖြိုးအောင် သန္ဓိဋ္ဌာန်ချ၍ ဆောင် ရွက်နေသော တရုတ်နိုင်ငံသည် ကမ္ဘာ့နိုင်ငံများ အသိုက်အ၀န်းတွင် နေရာကောင်းကို ရယူထားပြီဖြစ်၍ ဤဆောင်ရွက်စဉ်၌ တရုတ်သည် အောင်မြင်နိုင်ဖွယ်ရှိနေ ကြောင်း မဟာဗျူဟာနှင့် နိုင်ငံတကာ လေ့လာရေးဌာန၌ ပြုလုပ်သည့် အစည်း အဝေး၌ ရှန်မူဂန်က စင်ကာပူ၏အခန်း ကဏ္ဍကို တင်ပြဆွေးနွေးသွားသည်။

အမေရိကန်သည် စစ်ရေးအသုံး စရိတ်လျှော့ချရေးအတွက် ကြိုးပမ်းနေ စဉ်မှာပင် တရုတ်နိုင်ငံ၏ လျင်မြန်သော စီးပွားရေးဖွံ့ဖြိုးမှုနှင့် ရပ်တည်မှု ခိုင်မာ လာမှုတို့က အာရှဒေသကို ပြန်လည် ပုံပေါ်တော့မည့် အရိပ်အယောင်များ သန်းလာသောကြောင့် အာရှကို မဖြစ် မနေ ဦးစားပေးဒေသတစ်ခုအဖြစ် သတ်မှတ်လာရတော့သည်။

တောင်တရုတ်ပင်လယ်အတွင်းရှိ နယ်စပ်ဒေသ ပိုင်နက်ပြဿနာနှင့် ပတ်သက်၍ တရုတ်နှင့် အငြင်းပွားခဲ့ သော ဖိလစ်ပိုင်နှင့် ဗီယက်နမ်နိုင်ငံတို့က တရုတ်အား စစ်ပြုလိုသော ဆောင်ရွက်မှု များ တိုးချဲ့ပြုလုပ်နေသူအဖြစ် စွပ်စွဲ ထားသည်။

အမေရိကန်စစ်တပ်က ဖိလစ်ပိုင်၊ ဗီယက်နမ်တို့နှင့် ယခင်ကထက် ပို၍ ပူးပေါင်းဆောင်ရွက်လျက်ရှိသည်။

အမေရိကန်နိုင်ငံသည် နိုင်ငံပေါင်း ကိုးနိုင်ငံထက်မနည်း ပါဝင်သော ဖွံ့ဖြိုးဆဲ ကုန်သွယ်ရေး အဖွဲ့အစည်းတစ်ခု ဖြစ်သည့် အာရှ ဒေသတစ်ဝန်း ပူးပေါင်း ကုန်သွယ်ရေးအဖွဲ့(Trans-Pacific Partnership) ကဲ့သို့သော အသင်း အဖွဲ့များနှင့် ဆက်သွယ်ခြင်း ဖြင့်လည်း အာရှဒေသနှင့် ပူးပေါင်းပါဝင် ဆောင် ရွက်နိုင်ကြောင်း ရှန်မူဂန်က ရှင်းလင်း အကြံပြု ပြောကြားသည်။

၎င်း၏အဆိုအရ အမေရိကန်အစိုးရ ၏ မူဝါဒ၌ အခြားအရေးကိစ္စများကို ချန်လှပ်၍ အာရှဒေသအတွင်း အမေရိကန်စစ်တပ်ထားရှိရေး တစ်ခုတည်းကိုသာ ဇောင်းပေးနေခြင်းမှာ မှားယွင်းနေပေသည်။

တရုတ် ပိုမိုဖွံ့ဖြိုးတိုးတက်လာခြင်းကို အမေရိကန်က ကြိုဆိုလျက် တရုတ်နှင့် ပူးပေါင်းဆောင်ရွက်သွားမည်ဟု သမ္မတ အိုဘားမား အစိုးရက ထပ်တလဲလဲ ပြောဆိုခဲ့သည်။

တရုတ်ဒုတိယသမ္မတ ရှီကျင်ပင်း အမေရိကန်သို့ အလည်အပတ်မရောက် ရှိမီ ဖေဖော်ဝါရီလ ၈ ရက်နေ့ ထုတ်ပြန် ချက်တစ်ခု၌လည်း ဒုတိယသမ္မတ ဂျိုးဘိုင်ဒင်က လက်ငင်းပြဿနာများကို နှစ်နိုင်ငံ ပူးပေါင်းကိုင်တွယ် ဖြေရှင်းသွားမည်ဟု ပြောကြားခဲ့သည်။

ယင်းအစည်းအဝေး၌ပင် အရှေ့ အာရှ ဒေသဆိုင်ရာ အမေရိကန် လက်ထောက် နိုင်ငံခြားရေးဝန်ကြီး ကတ်ကင်းဘဲလ်က "ကျွန်တော်တို့ ရေးသားပြောဆိုတာတွေကို သတိထား ကြဖို့ သိပ်အရေးကြီးပါတယ်" ဟု ထောက်ခံပြောကြားသည့်အပြင် နှစ်နိုင်ငံ အကျိုးစီးပွားကို အခြေခံပြီး အမေရိကန်ဘက်ကလည်း တရုတ် အစိုးရနဲ့ ဆက်ဆံဖို့ လိုလားနေကြောင်း ဖော်ထုတ်ပြောကြားသည်။

လက်ငင်းအခြေအနေတွင် အာရှ နိုင်ငံတိုင်းက တရုတ်နိုင်ငံနှင့် ပိုမို ကောင်းမွန်သော ဆက်ဆံရေးကို ရယူလိုကြကြောင်း၊ ယင်းသည် သဘာဝကျသည့်အလျောက် အာရှဒေသဆိုင်ရာ အမေရိကန် မူဝါဒတိုင်းသည်လည်း ဤအခြေခံအချက်ပေါ်တွင် အခြေပြု ရမည်ဖြစ်ကြောင်း၊ ဤသဘောတရား သည် အာရှနိုင်ငံအားလုံး၏ အရေးကိစ္စ လည်း ဖြစ်သည်ကို မိမိယုံကြည်ကြောင်း၊ အာရှနိုင်ငံအားလုံးကလည်း အမေရိ ကန်နိုင်ငံနှင့် ပိုမိုကောင်းမွန်သည့် ဆက်ဆံရေးကို ရရှိလိုကြမည်ဟု မိမိ ယုံကြည်ကြောင်း ကင်းဘဲလ်က ထပ်လောင်းပြောကြားသည်။

ယင်းအစည်းအဝေးတွင် စင်ကာပူ နိုင်ငံခြားရေးဝန်ကြီး ရှန်မူဂန်က အမေရိ ကန်နိုင်ငံတွင်းမှ တရုတ်ဆန့်ကျင်ရေး ပြောဆိုရေးသား ချက်များကို ထပ်ဆင့် ထုတ်ဖော်ပြောပြခြင်း မရှိသော်လည်း အမေရိကန် လွှတ်တော်အမတ်အများ အပြားတို့က တရုတ်နိုင်ငံ၏ ဖွံ့ဖြိုး တိုးတက်မှုကို ပိုမိုစိုးရိမ်လာကြသည်။

Myanmar Express

Posted in: သတင်း