ရဲရဲဝံ့ဝံ့ သတ္တိရှိရှိ ပြောဆိုကြရန် ပြည်သူ့လွှတ်တော်ဥက္ကဋ္ဌ တိုက်တွန်း

From :မြန်မာတိုင်းမ်

ပြည်သူလူထု၏ အကျိုးစီးပွားအတွက် သတ္တိရှိရှိ တင်ပြကြရန်နှင့် ရဲရဲဝံ့ဝံ့ လုပ် ဆောင်သွားကြရန် လိုအပ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်း က ယခုလ ၂၂ ရက်နေ့တွင် ရန်ကုန်မြို့၊ တိုင်းဒေသကြီး လွှတ်တော်အစည်း အဝေးခန်းမတွင် ပြုလုပ်သည့် ပြည်သူ့ လွှတ်တော် ဥပဒေရေးရာနှင့် အထူးကိစ္စ ရပ်များ လေ့လာဆန်းစစ်သုံးသပ်ရေး ကော်မရှင်နှင့် အရပ်ဘက်အဖွဲ့အစည်း များ တွေ့ဆုံပွဲတွင် ပြောကြားသည်။
"အတိတ်ကို ပြည်လည်သုံးသပ်ပြီး သင်ခန်းစာယူဖို့၊ ရဲရဲဝံ့ဝံ့ သတ္တိရှိရှိလုပ်ဖို့ လိုတယ်"ဟု ၎င်းက ပြောသည်။
၎င်းအနေဖြင့် လွှတ်တော်တွင်လည်း လွှတ်တော်အမတ်များအား ရဲရဲဝံ့ဝံ့ သတ္တိ ရှိရှိလုပ်ဆောင်ကြရန် တိုက်တွန်းပြော ကြားထား သည်ဟု ဆိုသည်။
သို့ရာတွင် သတင်းစာများ၊ ရုပ်သံနှင့် ရေဒီယိုသတင်းများတွင်မူ ၎င်းပြောကြား ခဲ့သည့်စကားများထဲမှ 'သတ္တိ'ဆိုသည့် စကားလုံး ပါမလာတော့သည်ကို တွေ့ရ ကြောင်း သူရဦးရွှေမန်းက ပြောသည်။
"ကျွန်တော်ကတော့ သတ္တိရှိရှိဆိုတာ လည်း ပြောရဲတယ်။ ဒါပေမယ့် ကြောက် တဲ့သူတွေကတော့ ကြောက်နေကြပါ သေးတယ်။ အခုက ခေတ်ပြောင်းနေပြီ လေ"ဟု ၎င်းက ပြောသည်။
မှန်တာလည်း မပြောရဲ၊ ကောင်းတာ လည်း မပြောရဲနဲ့ဆိုပါက တိုင်းပြည် ဆက်လက်နိမ့်ကျနေဦးမည်ဖြစ်ကြောင်းသူရဦးရွှေမန်းက ပြောကြားသည်။ သတ္တိမရှိခြင်းမှာ အဂတိတရား လိုက် စားခြင်းတစ်ခုဖြစ်သည်ဟု ၎င်းက ပြော ကြားခဲ့သည်။
"သတ္တိမရှိဘူးဆိုတာ အဂတိတရား လိုက်စားတယ်လို့ပဲ ပြောရမှာပဲ။ ပြော လိုက်တယ်ဆိုရင်ပဲ ကိုယ်ဒုက္ခရောက်မှာ ကြောက်တယ် ဆိုတာလည်း အဂတိ တစ်ခုလို့ ကျွန်တော်မြင်တယ်"ဟု သူရ ဦးရွှေမန်းက ပြောသည်။
သတ္တိမရှိပါက အကုန်ဆုံးရှုံးတတ် ကြောင်း၊ သတ္တိရှိခြင်းသည် တာဝန်ကျေ ပွန်မှုပင်ဖြစ်ကြောင်းနှင့် လူအများသည် ကောင်းသည်ဟု ပြောခံရခြင်းထက် သတ္တိရှိသည်ဟု ပြောခံရသည်ကို ပိုမို နှစ်သက်တတ်ကြောင်း သူရဦးရွှေမန်းက ပြောကြားကာ လွှတ်တော်ကိုယ်စား လှယ်များနှင့် ပြည်သူများ သတ္တိရှိရှိ တင်ပြပြောဆိုကြရန် လိုအပ်ကြောင်းဖြင့် သတ္တိဟူသည့်စကားလုံးကို ထပ်တလဲလဲ သုံးစွဲပြောဆို သွားခဲ့သည်။

 Myanmar Express

Posted in: သတင်း