မြန်မာ့ပထမဆုံး ရေခဲပြင်ကမ္ဘာ အပန်းဖြေဥယျာဉ် ဖေဖော်ဝါရီတွင် ဖွင့်မည်

From : ခေတ်လူငယ်

မြန်မာနိုင်ငံတွင် ပထမဦးဆုံး နိုင်ငံတကာအဆင့်မီ နည်းပညာဖြင့် တည်ဆောက်ထားသည့် Ice Wonder Land ရေခဲပြင် အပန်းဖြေဥယျာဉ်ကမ္ဘာကို ဖေဖော်ဝါရီ ဒုတိယပတ်တွင် စတင်ဖွင့်လှစ်တော့မည်ဖြစ်ကြောင်း သိရသည်။ အဆိုပါ ရေခဲပြင်ဥယျာဉ်ကမ္ဘာကို တရုတ်ပြည်သူ့သမ္မတနိုင်ငံမှ ကျွမ်းကျင်ပညာရှင်များ၏ နည်းပညာဖြင့် ရန်ကုန်မြို့ရှိ ကန်တော်ကြီးပန်းခြံတွင် တည်ဆောက်ထားခြင်းဖြစ်ပြီး Ice Wonder Land တွင် ဆန်းပြားသည့် ရေခဲပန်းပုရုပ်တုများနှင့် ရေခဲပြင်စကိတ်ကိုပါ စီးနင်းနိုင်အောင် ဆောင်ရွက်ပေးထားကြောင်း သိရသည်။ ယင်း Ice Wonder Land အပန်းဖြေဥယျာဉ်ကမ္ဘာအတွင်း၌ အပူချိန် (-10ံC)၁၀ ဒီဂရီ ဆဲဆီးရပ်စ်အထိ အေးခဲအောင် ပြုလုပ်ထားပြီး ရေခဲတန်ချိန် ၂၀၀၀ ဖြင့် ဆောက်လုပ်ထားခြင်းဖြစ်ကြောင်း သိရသည်။ Ice Wonder Land အပန်းဖြေဥယျာဉ်ကမ္ဘာသို့ လာရောက်အပန်းဖြေသူများအတွက် ကျန်းမာရေး စောင့်ရှောက်မှုပေးနိုင်ရန် ဆရာဝန်များ ထားရှိပေးပြီး သက်ဆိုင်ရာဝန်ထမ်းများကို ရှေးဦးသူနာပြုစုနည်းများ စနစ်တကျ သင်ကြားပေးထားကြောင်း ၂၀၁၂ ခုနှစ် ဖေဖော်ဝါရီ ၂ ရက်နေ့ထုတ် ရန်ကုန်တိုင်းမ် ဂျာနယ်တွင် ဖော်ပြထားပါသည်။

Myanmar Express

Posted in: သတင်း