အကယ်ဒမီပေးပွဲ ဓာတ်ပုံများ နှင့် အဖွင့်မိန့်ခွန်း ~ Myanmar Express

အကယ်ဒမီ ဆုရရှိသွားကြသူများ

ဒုတိယ သမ္မတကြီး ဒေါက်တာစိုင်းမောက်ခမ်း နှင့် ဇနီး

ပြန်ကြားရေးဝန်ကြီးဌာန ပြည်ထောင်စုဝန်ကြီးနှင့် ဇနီး

ပြန်ကြားရေးနှင့် ပြည်သူ့ဆက်ဆံရေးဝန်ကြီးဌာန ပြည်ထောင်စုဝန်ကြီး ဦးကျော်ဆန်း၏ မိန့်ခွန်းအပြည့်အစုံမှာ

ကြွရောက်အားပေးချီးမြှင့်ကြတဲ့ ဧည့်သည်တော်များ၊ ရုပ်ရှင်ပညာရှင်များနဲ့ ရုပ်ရှင်ချစ် ပရိသတ်များ ခင်ဗျား -

၂၀၁၀ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်သည့်အခမ်းအနားကို တက်ရောက် အားပေးချီးမြှင့်တဲ့ ပြည်ထောင်စု သမ္မတ မြန်မာနိုင်ငံတော် ဒုတိယ သမ္မတ ဒေါက်တာစိုင်းမောက်ခမ်းနှင့် ဇနီး၊ ပြည်ထောင်စု ၀န်ကြီးများ၊ ဒုတိယ ၀န်ကြီးများ၊ လွှတ်တော်ကိုယ်စားလှယ်ကြီးများ၊ ဌာနဆိုင်ရာ အကြီးအကဲများ၊ မြန်မာ့ရုပ်ရှင် အဆင့်အတန်း မြှင့်တင်ရေး အကဲဖြတ် အဖွဲ့ဝင်များနှင့် ရုပ်ရှင်နှင့် ဗီဒီယိုဆင်ဆာအဖွဲ့ဝင်များ၊ ပြည်ထောင်စုနေ့ တိုင်းရင်းသား ကိုယ်စားလှယ်များ၊ မြန်မာနိုင်ငံ ရုပ်ရှင်အစည်းအရုံး၊ သဘင်အစည်းအရုံး၊ ဂီတအစည်းအရုံးနဲ့ အခြားသော အဖွဲ့အစည်းများမှ တာဝန်ရှိ ပုဂ်္ဂိုလ်များ၊ ရုပ်ရှင်အနုပညာရှင်၊ အတတ်ပညာရှင်များ၊ ဧည့်သည်တော်များနဲ့ ရုပ်ရှင်ချစ် ပရိသတ်များ အားလုံး ကိုယ်စိတ်နှစ်ဖြာ ကျန်းမာ ချမ်းသာပြီး မင်္ဂလာအပေါင်း ခညောင်း ပြည့်စုံပါစေလို့ ဆုမွန်ကောင်း တောင်းရင်း နှုတ်ခွန်းဆက်သအပ်ပါတယ်။

ယခုလို မြန်မာ့ရုပ်ရှင် ထူးချွန်ဆု ချီးမြှင့်ပွဲ အခမ်းအနားကို စုံစုံညီညီ သိုက်သိုက်ဝန်းဝန်း ကြွရောက်အားပေး ကြတဲ့အတွက်လည်း အထူးပဲ ကျေးဇူးတင် ၀မ်းမြောက်မိပါကြောင်း ဦးစွာ ပြောကြားလိုပါတယ်။

ဒီည ကျင်းပတဲ့ အခမ်းအနားမှာ၂၀၁၀ ခုနှစ်အတွင်း ထုတ်လုပ် ရုံတင်ပြသခဲ့တဲ့ မြန်မာ့ရုပ်ရှင်ဇာတ်ကားများ ထဲက ထူးချွန်တဲ့ အနုပညာရှင်များ၊ အတတ်ပညာရှင်များကို စိစစ်ရွေးချယ်ပြီး အကယ်ဒမီ ထူးချွန်ဆုများ ချီးမြှင့် ပေးအပ်သွားမှာ ဖြစ်ပါတယ်။ မြန်မာ့ရုပ်ရှင်လောက ဖွံ့ဖြိုးတိုးတက် မြင့်မားစေရေးကို ရှေးရှုလျက် နိုင်ငံတော်က ၁၉၅၂ ခုနှစ်က စပြီး ပေါ်ပေါက်လာတဲ့ အစိုးရအဆက်ဆက်မှ နှစ်စဉ် ရုပ်ရှင်အကယ်ဒမီ ရွှေစင်ဆုများ ရွေးချယ်ချီးမြှင့်ခဲ့ရာ ယခုအခါတွင် ထူးချွန်ဆု အမျိုးအစား ၁၁ မျိုးကို ချီးမြှင့်ပေးလျက်ရှိပြီး ဒီကနေ့ထိ ချီးမြှင့်ပေးခဲ့ပြီးတဲ့ ထူးချွန်ဆုပေါင်းဟာ ၃၂၈ ဆုအထိ ရှိခဲ့ပြီ ဖြစ်ပါတယ်။

မြန်မာ့ရုပ်ရှင်သမိုင်းကို ပြန်လေ့လာကြည့်မယ်ဆိုရင် ရုပ်ရှင်လောကသားများအနေနဲ့ ရုပ်ရှင်လောကအကျိုး၊ တိုင်းပြည်နဲ့ လူမျိုးအကျိုးအတွက် စစ်ကြိုခေတ်ကာလ အတွင်းမှာလည်းကောင်း ၊ လွတ်လပ်ရေး ကြိုးပမ်းမှု အကြို ကာလ တစ်လျှောက်လုံးမှာ လည်းကောင်း၊ နယ်ချဲ့နဲ့ ဖက်ဆစ်ကို တော်လှန်တဲ့ လွတ်လပ်ရေးကြိုးပမ်းမှု ကာလများမှာ လည်းကောင်း၊ ဒါ့အပြင် လွတ်လပ်ရေးကို ကာကွယ် ထိန်းသိမ်းခဲ့ရတဲ့ ကာလများနဲ့ ယနေ့ မျက်မှောက် နိုင်ငံတော်သစ် တည်ဆောက်ရေး ကာလများမှာလည်းကောင်း၊ မိမိတို့ကျရာ အခန်းကဏ္ဍကနေ တက်တက်ကြွကြွ ပူးပေါင်းပါဝင် ဆောင်ရွက်နေကြတာကို တွေ့မြင်ရမှာ ဖြစ်ပါတယ်။

ဒါကြောင့်လည်း ခေတ်ကာလအသီးသီးမှာ ရုပ်ရှင် အတတ်ပညာ အသိပညာ ထူးချွန်ကြတဲ့ ရုပ်ရှင်လောကသားများကို အခုလို ဆုများ ချီးမြှင့်ခဲ့ခြင်း ဖြစ်ပါတယ်။ ဒါ့အပြင် ၂၀၁၂ ခုနှစ် ၆၄ နှစ်မြောက် လွတ်လပ်ရေးနေ့မှာလည်း နိုင်ငံနဲ့ လူမျိုး အကျိုး ၊ အမျိုးသားရေးအကျိုးတို့ကို အစဉ်ရှေးရှုပြီး အနုပညာ ဖြင့် တိုင်းကျိုးပြည်ပြု တာဝန်ကျေပွန်ခဲ့ကြတဲ့ အနုပညာရှင် အများအပြားကို နိုင်ငံတော်သမ္မတကြီးက စည်သူဘွဲ့များ ချီးမြှင့်ခဲ့ပြီး ဖြစ်ပါတယ်။ ထို့အတူ ယခုနှစ် ကျင်းပတဲ့ ရုပ်ရှင်အကယ်ဒမီဆု ချီးမြှင့်ပွဲ အခမ်းအနားကိုလည်း ပိုမိုဆန်းသစ် ခမ်းနား ကောင်းမွန်အောင် IT နည်းပညာကို အသုံးပြု ဆောင်ရွက်ပေးထားတာ တွေ့မြင်ကြရမှာဖြစ်ပါတယ်။

ကြွရောက်အားပေး ချီးမြှင့်ကြတဲ့ ဧည့်သည်တော်များ၊ ရုပ်ရှင်ပညာရှင်များနဲ့ ရုပ်ရှင်ချစ် ပရိသတ်များ ခင်ဗျား -

ပြည်သူများရဲ့ ရွေးချယ်တင်မြှောက်မှုနဲ့ ယနေ့ တိုင်းပြည်တာဝန် ထမ်းဆောင်နေတဲ့ မိမိတို့ ပြည်ထောင်စုအစိုးရသည် ပြည်သူများ လိုလားတောင့်တသည့်အတိုင်း နိုင်ငံတော်၏ တည်ငြိမ်ရေးနှင့် တရားဥပဒေ စိုးမိုးရေး၊ အမျိုးသား ပြန်လည် စည်းလုံး ညီညွတ်ရေး ၊ ဒီမိုကရေစီကျင့်စဉ်များ ထွန်းကားရေး ၊ ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရ ဖြစ်ပေါ်ရေး၊ ဖွဲ့စည်းပုံ အခြေခံဥပဒေပါ ပြဋ္ဌာန်းချက်များနှင့်အညီ နိုင်ငံသားများ၏ မူလအခွင့်အရေးများ ရရှိရေး၊ ပညာရေးနှင့် ကျန်းမာရေး အဆင့်အတန်း မြှင့်တင်ရေး၊ စီးပွားရေးပြုပြင် ပြောင်းလဲရေး၊ နိုင်ငံနှင့် ပြည်သူတို့၏ အနာဂတ် လူမှုစီးပွားဘ၀ ဖွံ့ဖြိုးတိုးတက် မြင့်မားရေး၊ သဘာဝပတ်ဝန်းကျင်ထိန်းသိမ်းရေးနှင့် နိုင်ငံတကာ ဆက်ဆံရေး လုပ်ငန်းများကို ကိုယ်စွမ်းဉဏ်စွမ်း ရှိသမျှ ပြုပြင်ပြောင်းလဲ တိုးမြှင့်ဆောင်ရွက်လျက် ရှိပါတယ်။ ဒါကြောင့်လည်း အစိုးရသစ်ရဲ့ ၁၀ လတာ ကာလအတွင်း နိုင်ငံတကာကပါ အံ့သြ အသိအမှတ်ပြုရလောက်အောင် နိုင်ငံရေး၊ စီးပွားရေး၊ ဒီမိုကရေစီရေး၊ လူမှုရေးစတဲ့ ဘက်စုံ၊ ထောင့်စုံ ကဏ္ဍစုံမှာ ဖြစ်ပေါ်ပြောင်းလဲ တိုးတက်မှုများ ရရှိခဲ့တာကို တွေ့မြင်ရမည်ဖြစ်ပါတယ်။

ဒီလို ပြုပြင်ပြောင်းလဲ တိုးမြှင့်ဆောင်ရွက်ရာမှာလည်း အခြေခံဥပဒေနဲ့အညီ ဥပဒေပြုရေးမဏ္ဍိုင်၊ အုပ်ချုပ် ရေး မဏ္ဍိုင်၊ တရားစီရင်ရေးမဏ္ဍိုင်တို့ကို တည်ဆောက်ပြီး ဒီမိုကရေစီကျင့်စဉ်အတိုင်း သီးခြားစီ လွတ်လပ်စွာဆောင်ရွက် ခြင်း၊ တစ်ဖက်မှလည်း အပြန်အလှန် ထိန်းညှိခြင်းတို့ဖြင့် ဖော်ဆောင်လျက်ရှိ ပါတယ်။ ထို့အတူ မဏ္ဍိုင် ၃ ရပ်ကို ထိန်းကျောင်းပေးရမယ့် စတုတ္ထမဏ္ဍိုင်လို့ တင်စားကြတဲ့ သတင်းမီဒီယာကဏ္ဍကိုလည်း လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ ဆင်ခြင်တုံတရားတို့ကို ယှဉ်တွဲကျင့်သုံးပြီး ထိန်းကျောင်းပေးနိုင်အောင်နဲ့ ၎င်းင်းကိုယ်တိုင်လည်း စတုတ္ထ မဏ္ဍိုင်ရဲ့ အရည်အချင်းများနဲ့ ပြည့်စုံအောင် ကြိုးပမ်းဖော်ဆောင်ပေးလျက် ရှိနေပါတယ်။

စတုတ္ထမဏ္ဍိုင်ထဲမှာ အပါအ၀င်ဖြစ်တဲ့ ပြည်သူကို ပညာပေးခြင်း၊ ပြန်ကြားပေးခြင်း၊ ဖျော်ဖြေပေးခြင်းတို့ကို ဆောင်ရွက်ပေးနေတဲ့ ရုပ်ရှင် ဗီဒီယိုလောကနဲ့ ပတ်သက်လို့လည်း ယခင်က ကျင့်သုံးဆောင်ရွက်ခဲ့တဲ့ ရုပ်ရှင်နဲ့ ဗီဒီယို ဆင်ဆာ စည်းကမ်းချက် ၁၀ ရပ် အနက် ၄ ရပ်ကို လျော့ပေါ့ပေးခဲ့ပြီး အနုပညာကို ပိုမိုကျယ်ပြန့်စွာ ဖန်တီး ဖော်ကျူးနိုင် အောင် ခွင့်ပြုပေးနေပြီ ဖြစ်ပါတယ်။ ဒီလို ဆောင်ရွက်တဲ့အခါမှာလည်း ရုပ်ရှင် ဗီဒီယို အနုပညာရှင် အတတ်ပညာရှင်များ အနေနဲ့ လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ ဆင်ခြင်တုံတရားဟူသည့် အချက် ၂ ချက်ကို ယှဉ်တွဲကျင့်သုံးပြီး မိမိတို့ရဲ့ အနုပညာကို ဖန်တီး တီထွင် ဖော်ကျူးသွားကြရမှာ ဖြစ်ပါတယ်။ လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ ဆင်ခြင်တုံတရား ပြည့်ဝကောင်းမွန်လာတာနဲ့အမျှ ကျန်ရှိတဲ့ ဆင်ဆာမူတွေအနက်က ထပ်မံ ဖြေလျှော့သင့်တာတွေကို ဖြေလျှော့ပေးသွားမှာပဲ ဖြစ်ပါတယ်။ ဒါကလည်း ရုပ်ရှင်လောကသားများအနေနဲ့ ရုပ်ရှင်လောကအကျိုး တိုင်းပြည်နဲ့ လူမျိုးအကျိုး အခြေခံပြီး စည်းစည်းလုံးလုံး ညီညီညွတ်ညွတ် သိုက်သိုက်ဝန်းဝန်း ပူးပေါင်းပါဝင် ကြိုးပမ်းဆောင်ရွက်ခဲ့ကြတဲ့ အစဉ်အလာကောင်းတွေကို တိုးတက်ပြောင်းလဲလာတဲ့ ခေတ်စနစ်နဲ့အညီ လွတ်လပ်စွာ ဆက်လက်ထိန်းသိမ်း မြှင့်တင် ဖော်ဆောင်နိုင်ဖို့ပဲ ဖြစ်ပါတယ်။

ထွန်းပြောင်ခဲ့တဲ့ မြန်မာ့ရုပ်ရှင် သမိုင်းအစဉ်အလာကောင်းကို ထိန်းသိမ်းမြှင့်တင်နိုင်ဖို့အတွက်ဆိုရင် ခေတ် ကာလအခြေအနေနဲ့ ညီညွတ်တဲ့ ရည်ရွယ်ချက် တိတိကျကျရှိဖို့ လိုအပ်မှာ အမှန်ပဲ ဖြစ်ပါတယ်။ မြန်မာနိုင်ငံ ရုပ်ရှင် အစည်းအရုံးနဲ့ ရုပ်ရှင်လောကသားများ ဆောင်ရွက်ကြရမယ့် ရည်ရွယ်ချက် ၅ ရပ်ကို ကျွန်တော့်အနေနဲ့ အခါအခွင့် သင့်တိုင်း မကြာခဏ ရှင်းလင်း ပြောကြားခဲ့ပြီး ဖြစ်ပါတယ်။ ယခုလည်း အခွင့်သင့်တုန်း ရုပ်ရှင်လောကသားများ ထပ်မံ သိရှိ ကြိုးပမ်းနိုင်အောင် ပြန်လည်ေ ပြာကြားလိုပါတယ်။ အဲဒီ ရည်ရွယ်ချက်တွေကတော့ -

(၁) ရုပ်ရှင်လောကသားများ၏ လူနေမှုဘ၀ ဖွံ့ဖြိုးတိုးတက်ရေးအတွက် မြန်မာ့ရုပ်ရှင်နှင့် ဗီဒီယိုလောက ဖွံ့ဖြိုး တိုးတက်ရေးနှင့် စည်းလုံးညီညွတ်ရေးကို အလေးထား ဆောင်ရွက်ရန်။

(၂) မြန်မာ့ရုပ်ရှင်နှင့် ဗီဒီယို ထုတ်လုပ်မှု စက်မှုနည်းပညာ ဖွံ့ဖြိုးတိုးတက်ရေး ဆောင်ရွက်ကြရန်။

(၃) မြန်မာ့ရုပ်ရှင်နှင့် ဗီဒီယိုဇာတ်ကားများရဲ့ အဆင့်အတန်း၊ အရည်အသွေး မြင့်မားအောင် ကြိုးပမ်းဆောင်ရွက်ကြရန်။

(၄) မြန်မာ့ရုပ်ရှင်နှင့် ဗီဒီယိုဇာတ်ကားများ ပြည်ပသို့ ထိုးဖောက်ပြသပြီး ဈေးကွက်ရရှိအောင် ဆောင်ရွက်ကြရန်။

(၅) နိုင်ငံတော်၏အမျိုးသားရေး တာဝန်များကို နိုင်ငံတော်အစိုးရနဲ့အတူ လက်တွဲ ပူးပေါင်းထမ်းဆောင်ကြရန်။

ဆိုတဲ့ အချက်များပဲ ဖြစ်ပါတယ်။

ဆက်လက်ပြီး ရုပ်ရှင်လောက ဖွံ့ဖြိုးတိုးတက်စေရေးအတွက် မြန်မာနိုင်ငံ ရုပ်ရှင်အစည်းအရုံးရဲ့ ဦးဆောင်မှုနဲ့ ရုပ်ရှင်လောကသားများက အဓိကထား ဆောင်ရွက်သင့်တဲ့ အချက် ၅ ချက်ကိုလည်း ရုပ်ရှင်လောကသားများ ထပ်မံ သိရှိ ကြိုးပမ်းနိုင်အောင်နဲ့ အလေးထား ပူးပေါင်းဆောင်ရွက်နိုင်အောင် ကျွန်တော် ပြန်လည်ပြောကြားလိုပါတယ်။ အဲဒီအချက်တွေကတော့ -

(၁) နိုင်ငံတော်၏ မူဘောင်နဲ့အညီ ခေတ်မီ Studio များကိုလည်း တစ်ဦးတည်း ဖြစ်စေ၊ အများနဲ့ဖြစ်စေ ပူးပေါင်း အကောင်အထည်ဖော် တည်ဆောက်ရန်။

(၂) ရုပ်ရှင်ရိုက်ကူး ထုတ်လုပ်ခြင်း၊ ကူးဆေးခြင်း၊ ပြည်တွင်းသာမက ပြည်ပမှာပါ ပြသခြင်းလုပ်ငန်းများကို ပြည်ပနိုင်ငံများနှင့် ကျယ်ကျယ်ပြန့်ပြန့် ပူးပေါင်းဆောင်ရွက်ရန်။

(၃) ရုပ်ရှင်ရိုက်ကူး ထုတ်လုပ်ပြသမှုကို Analogue မှ Digital သို့ ကူးပြောင်းနိုင်ရေးအတွက် ကြိုးပမ်း ဆောင်ရွက် ကြရန်။

(၄) ပုဂ္ဂလိကပိုင်နဲ့ နိုင်ငံတော်ထံမှ ငှားရမ်း လုပ်ကိုင်နေသည့် ရုပ်ရှင်ရုံများကို အသံစနစ်၊ ပြသမှုစနစ်များ ခေတ်မီအောင် ပြုပြင် တည်ဆောက်သွားကြရန်။

(၅) တစ်ပြိုင်နက်တည်း နိုင်ငံတကာအဆင့်မီ Cinema Complex များ၊ Digital Cinema ရုပ်ရှင်ရုံများ ပေါ်ပေါက်လာအောင် ဆောင်ရွက်ကြရန်။

ဆိုတဲ့ အချက်များပဲ ဖြစ်ပါတယ်။ ဒီအချက်တွေကိုကြည့်ရင် မြန်မာ့ရုပ်ရှင်လောကနဲ့ ရုပ်ရှင်လောကသားများ အကျိုး အတွက် ဦးတည် တိုက်တွန်း နှိုးဆော်ချက်များဖြစ်တာ ထင်ရှားနေတဲ့အတွက် မြန်မာနိုင်ငံ ရုပ်ရှင်အစည်းအရုံးအနေနဲ့ ရော၊ ရုပ်ရှင်လောကသားများ အားလုံးကပါ ဒီအချက်တွေကို အဓိက လိုအပ်ချက်များအဖြစ် ခံယူပြီး ယခု လက်ရှိ ဆောင်ရွက်နေကြတာတွေထက် ပိုမို အရှိန်အဟုန်မြှင့်တင်ကာ နည်းလမ်းပေါင်းစုံနဲ့ အလေးထား ကြိုးပမ်းဆောင်ရွက်သွား ကြဖို့ ထပ်မံတိုက်တွန်း မှာကြားလိုပါတယ်။

ဒါ့အပြင် ၂၀၀၅ ခုနှစ်ကတည်းက ဆွေးနွေးချမှတ် မှာကြား အကြံပြုခဲ့တဲ့ ရုပ်ရှင်လောက တိုးတက်ရေး လုပ်ငန်းစဉ် ၁၂ ရပ်ကိုလည်း ရုပ်ရှင်အစည်းအရုံးက ဦးဆောင်ပြီး ရုပ်ရှင်လောကသားအားလုံး တက်ညီလက်ညီ ကြိုးပမ်း အကောင်အထည်ဖော် ဆောင်ရွက်သွားကြပါလို့ ထပ်မံ တိုက်တွန်း မှာကြားလိုပါတယ်။ အဲဒီလုပ်ငန်းများ အောင်မြင် စေရန်အတွက် ပူးပေါင်း ဆောင်ရွက်ကြတဲ့နေရာမှာ အခက်အခဲတွေ၊ ၀ိရောဓိတွေ အများအပြားနဲ့ ကြုံတွေ့ကောင်း ကြုံတွေ့နေကြရမှာ ဖြစ်ပါတယ်။

ဒါကြောင့် ကြုံတွေ့လာတဲ့ အခက်အခဲတွေ၊ စိန်ခေါ်မှုတွေကို ရင်ဆိုင်ကျော်လွှားနိုင်ဖို့ ကြိုးပမ်းဆောင်ရွက် ကြရာမှာ -

(၁) ရုပ်ရှင်နဲ့ ဗီဒီယိုလောက ဖွံ့ဖြိုး တိုးတက်ရေးဆိုတဲ့ ရည်ရွယ်ချက်၊

(၂) အတ္တ ပရ မျှတစွာ ဆောင်ရွက်မှု၊

(၃) ဇွဲ၊ လုံ့လ၊ ၀ီရိယနဲ့ ကြိုးပမ်းဆောင်ရွက်မှု၊

(၄) စည်းလုံး ညီညွတ်မှု၊

(၅) ပူးပေါင်းဆောင်ရွက်မှု၊

(၆) စိတ်ရှည် သည်းခံ နားလည်ခွင့်လွှတ်မှုဆိုတဲ့ အချက်တွေကို အခြေခံပြီး ပူးပေါင်း ဖြေရှင်းဆောင်ရွက်သွား ကြမယ် ဆိုရင် မအောင်မြင်နိုင်စရာ မရှိဘူးလို့ ယုံကြည်မိပါတယ်။ ဒီလို အောင်မြင်နိုင်ဖို့အတွက် ၀န်ကြီး ဌာန အနေနဲ့လည်း အတတ်နိုင်ဆုံး ပံ့ပိုးကူညီ ဆောင်ရွက်ပေးလျက်ရှိပါကြောင်းနှင့် ဆက်လက်ပြီးတော့ လည်း ဆောင်ရွက်ပေးသွားမှာ ဖြစ်ကြောင်း တစ်ပါတည်း ပြောကြားလိုပါတယ်။

ဒီနေရာမှာ တစ်ဆက်တည်း ပြောကြားလိုတာကတော့ နိုင်ငံတော်က မြန်မာ့ရုပ်ရှင်လောက ဖွံ့ဖြိုးတိုးတက်အောင် အားပေးချီးမြှင့်ခြင်း၊ ထိန်းကျောင်းပေးခြင်း မျှမျှတတဖြစ်စေမယ့် ရည်ရွယ်ချက်တွေ၊ လမ်းညွှန်ချက်တွေ ၊ လုပ်ငန်းစဉ်တွေ ချမှတ်ခြင်းတို့ကို ဆောင်ရွက်ပေးနေသလို ရုပ်ရှင်လောကသားများ မှီခိုအားထားရာဖြစ်တဲ့ မြန်မာနိုင်ငံ ရုပ်ရှင်အစည်း အရုံးရဲ့ အလုပ်အမှုဆောင်အဖွဲ့ကိုလည်း ရုပ်ရှင်လောကသားများရဲ့ ဆန်္ဒနဲ့အညီ မှီခို အားထားထိုက်တဲ့သူတွေနဲ့ ပြန် လည် ဖွဲ့စည်းနိုင်ရေးအတွက် ဆောင်ရွက်ပေးသွားမှာ ဖြစ်ပါတယ်။ ထို့အတူ နောင် ဆက်လက်ကျင်းပမယ့် ရုပ်ရှင် အကယ်ဒမီဆု ချီးမြှင့်ပွဲများကိုလည်း ညှိနှိုင်းပြီး ပြုပြင်ပြောင်းလဲ ဆောင်ရွက်သွားဖို့ ရည်ရွယ်ထားပါတယ်။ ဒီလိုပဲ ပြန်ကြားရေးဝန်ကြီးဌာနအနေနဲ့ ရုပ်ရှင်နဲ့ ဗီဒီယိုလောကသားများအတွက် ဖွဲ့စည်းဆောင်ရွက်ပေးနေရတဲ့ အဖွဲ့တွေမှာ လည်း ရုပ်ရှင်နဲ့ ဗီဒီယိုလောကသားများရဲ့ ကိုယ်စားလှယ်တွေကို ပြဋ္ဌာန်းထားတဲ့ ဥပဒေစည်းမျဉ်း စည်းကမ်းနဲ့အညီ ပါဝင်ခွင့် ရှိရေးအတွက် ဆောင်ရွက်ပေးသွားမှာ ဖြစ်ကြောင်းကိုပါ တစ်ပါတည်း ပြောကြားလိုပါတယ်။

ဒီကာလတွေအတွင်း ကမ္ဘာ့ရုပ်ရှင်ထုတ်လုပ်မှု နည်းပညာတွေ အမျိုးမျိုး ပြောင်းလဲလာခဲ့သလို စက်ပစ္စည်းကိရိယာ အသစ်အသစ်တွေ အသုံးပြု ရိုက်ကူး ထုတ်လုပ်လာနိုင်ခဲ့တာကြောင့် ကမ္ဘာမှာ ရုပ်ရှင်အဆင့်အတန်းဟာ အဆင့်ဆင့် တိုးတက် မြင့်မားလာခဲ့တာကိုလည်း တွေ့ရှိရမှာဖြစ်ပါတယ်။ ထို့အတူ ထုတ်လုပ်မှု အဆင့်အတန်းနဲ့ လျှော်ညီတဲ့ ပြသမှု စနစ်တွေ တိုးတက်ပြောင်းလဲ အသုံးပြုလာတဲ့အတွက်လည်း ထူးခြားကောင်းမွန်တဲ့ အမြင်၊ အကြား ရသများကို ကြည့်ရှု ခံစားနိုင်ကြပြီ ဖြစ်ပါတယ်။

ဒီနေ့ မြန်မာ့ရုပ်ရှင်လောက အဆင့်အတန်းကိုကြည့်ရင် ဇာတ်လမ်းဇာတ်ကွက်အပိုင်း၊ သရုပ်ဆောင်မှု၊ ၀တ်စား ဆင်ယင်မှုအပိုင်း၊ှအကိငသ အပါအ၀င် ရိုက်ကူးရေး အထောက်အကူပြုအပိုင်း၊ ပြသမှုနဲ့ ရုပ်ရှင်ရုံဝန်ဆောင်မှုအပိုင်း၊ ပြည်ပဈေးကွက် ထိုးဖောက်ပြသနိုင်မှုအပိုင်း ၊ စက်မှုနည်းပညာအပိုင်းနဲ့ ထုတ်လုပ်သူအပိုင်း စတဲ့ လုပ်ငန်းအားလုံးလိုမှာ အားနည်းချက်၊ လိုအပ်ချက်တွေ၊ ရှိနေသေးတာ တွေ့ရပါတယ်။ ဒါပေမယ့်လည်း ဒီ အားနည်း လိုအပ်ချက်တွေကို အတိုင်းအတာတစ်ခုအထိ ပြည့်မီအောင် ဖြည့်ဆည်းဆောင်ရွက်ပြီး ပြည်ပဈေးကွက်သို့ ထိုးဖောက်ပြနိုင်အောင် ကြိုးစား ဆောင်ရွက်နေကြတာကိုလည်း အားတက်ဖွယ် တွေ့ရှိရပါတယ်။

ယခုလို ရုပ်ရှင်ထုတ်လုပ်မှု အဆင့်အတန်း မြင့်မားလာသလို၊ ပြသမှုအပိုင်းက အဆင့်အတန်း မြင့်မားလာရန် လည်း လိုအပ်ပါတယ်။ ဒါမှသာ ဟန်ချက်ညီ ဖွံ့ဖြိုးတိုးတက်လာမှာ ဖြစ်ပါတယ်။ ဒါကြောင့်လည်း တစ်နိုင်ငံလုံးရှိ ရုပ်ရှင် ပြသရေး လုပ်ငန်းရှင်များနဲ့ တွေ့ဆုံပြီး ရုပ်ရှင်ရုံများ ခေတ်မီ အဆင့်အတန်းမြင့်မားအောင် ပြုပြင်ဆောင်ရွက်ရမယ့် အချက်များကိုလည်း ချမှတ် အကြံပြုခဲ့ပြီး ဖြစ်ပါတယ်။ တစ်ဖက်ကလည်း နိုင်ငံတကာအဆင့်မီ ခေတ်မီ အဆင့်မြင့် ရုပ်ရှင်ရုံများ တည်ဆောက်ရေးကိုလည်း အားပေးခဲ့ပါတယ်၊ ဒါကြောင့်လည်း ယခုအခါ နေပြည်တော်မှာ 3D စနစ်နှင့် ကြည့်ရှုနိုင်သော ရုပ်ရှင်ရုံတစ်ရုံ အပါအ၀င် ခေတ်မီ အဆင့်မြင့် ရုပ်ရှင်ရုံ သုံးရုံ ပေါ်ပေါက်လာခဲ့ပြီး ဖြစ်ပါတယ်။ ထို့အတူ ရန်ကုန်မြို့မှာလည်း နိုင်ငံတကာအဆင့်မီ ခေတ်မီရုပ်ရှင်ရုံများကို ၃ီ စနစ်ဖြင့် ကြည့်ရှုနိုင်သော ရုပ်ရှင်ရုံများ အပါအ၀င် ယခုနှစ်အတွင်းမှာ မကြာမီ လပိုင်းများအတွင်း ထပ်မံဖွင့်လှစ်နိုင်တော့မှာ ဖြစ်ပါတယ်။ အလားတူ မန္တလေး မှာလည်း အသစ်တည်ဆောက် ဖွင့်လှစ်နိုင်တော့မှာ ဖြစ်ပါတယ်။ ယနေ့အခါ ကမ္ဘာ့ရုပ်ရှင်ထုတ်လုပ်မှုနဲ့ ပြသမှုစနစ်ဟာ Digital စနစ်ကို ကူးပြောင်းလာပြီဖြစ်တဲ့အတွက် ကျွန်တော်တို့နိုင်ငံအနေနဲ့လည်း ရုပ်ရှင် ထုတ်လုပ်မှု၊ ပြသမှုလုပ်ငန်းများကို Digital စနစ်နဲ့ ထုတ်လုပ်ပြသနိုင်အောင် ဆက်လက်ကြိုးပမ်း ဆောင်ရွက်ကြရမှာဖြစ်ကြောင်း ပြောကြားလိုပါတယ်။

ပြန်ကြားရေးဝန်ကြီးဌာနအနေနဲ့ ရုပ်မြင်သံကြား ဇာတ်လမ်းတွဲတစ်ခုနဲ့ ဒုတိယကမ္ဘာစစ်ကို အခြေခံတဲ့ ရုပ်ရှင် ဇာတ်ကား တစ်ကားကိုလည်း အိမ်နီးချင်း တရုတ်ပြည်သူ့သမ္မတနိုင်ငံနဲ့ ပူးတွဲ ရိုက်ကူးထုတ်လုပ်နိုင်ရေးအတွက် ၂၀၀၇ ခုနှစ်ကပင် တစ်ဆင့်ပြီးတစ်ဆင့် ညှိနှိုင်းဆောင်ရွက်ခဲ့တာ ယခုအခါမှာတော့ ပဏာမ သဘောတူညီချက် လက်မှတ်ရေးထိုးရန် အဆင့်အထိ ရောက်ရှိနေပြီ ဖြစ်ပါတယ်။ တစ်ဆင့်ပြီးတစ်ဆင့် အောင်မြင်အောင် ဆက်လက် ဆောင်ရွက်သွားမှာပဲ ဖြစ်ပါတယ်။ ထို့အတူ ပုဂ္ဂလိကနဲ့ အဖွဲ့အစည်းများရဲ့ ပြည်တွင်းမှာဖြစ်စေ၊ ပြည်ပနဲ့တွဲ၍ဖြစ်စေ၊ ရုပ်ရှင် ဗီဒီယို ရိုက်ကူး ထုတ်လုပ် ပြသမှုများကိုလည်း ပြန်ကြားရေး ၀န်ကြီးဌာနအနေနဲ့ တတ်နိုင်သမျှ ကူညီဆောင်ရွက်ပေးမှာ ဖြစ်ပါတယ်။ ဒါ့အပြင် ပြည်တွင်းမှာရှိတဲ့ ရုပ်ရှင် ဗီဒီယိုအနုပညာရှင် အတတ်ပညာရှင်များ ဗဟုသုတနဲ့ ပညာရရှိရေး ပူးပေါင်းဆက်စပ် ဆောင်ရွက်နိုင်ရေးအတွက် အာဆီယံနိုင်ငံများ၊ အာဆီယံနိုင်ငံများနှင့် ပူးပေါင်း ဆောင်ရွက်နေတဲ့ မိတ်ဘက်နိုင်ငံများနှင့် Seminar များ၊ Workshop များကို စတင် ကျင်းပပြုလုပ်ပေးနေပြီး ဆက်လက်ပြီးတော့လည်း ကျင်းပပြုလုပ်နိုင်ဖို့ ကြိုးပမ်း ဆောင်ရွက်သွားမှာ ဖြစ်ပါတယ်။

ယနေ့အခါ ကမ္ဘာ့နိုင်ငံအသီးသီးဟာ အရာရာကို မိမိတို့ရဲ့ အမျိုးသား အကျိုးစီးပွားအပေါ် အခြေခံပြီးမှသာ ဆုံးဖြတ် ဆောင်ရွက်နေကြတာ တွေ့ရမှာ ဖြစ်ပါတယ်။ ထို့အတူ ကျွန်တော်တို့နိုင်ငံမှာ ပါတီစုံဒီမိုကရေစီကို ကျင့်သုံး ကြရာမှာလည်း ပါတီများ၊ နိုင်ငံရေးသမားများ၊ ပြည်သူများအနေနဲ့ အတွေးအခေါ် အယူအဆ နိုင်ငံရေးဝါဒများ ကွဲပြား ကြမှာ ဖြစ်သော်လည်း အားလုံးက အမျိုးသား အကျိုးစီးပွားပေါ် အခြေခံ၍ သဘောထားမတူတာတွေ ဘေးဖယ်ပြီး တူတာတွေ ပေါင်းစပ်ဆောင်ရွက်ကြရမှာသာ ဖြစ်ပါတယ်။ ဒါမှသာ ဒီမိုကရေစီစနစ်အတွင်းကနေ တိုင်းပြည်နဲ့ လူမျိုး အကျိုးကို ထိထိရောက်ရောက် ဖော်ဆောင်ပေးနိုင်မှာ ဖြစ်ပါတယ်။ ဒါကြောင့် ရုပ်ရှင်လောကသားများ အပါအ၀င် စတုတ္ထမဏ္ဍိုင်ဖြစ်တဲ့ Media လောကသားအားလုံးကလည်း အမျိုးသားအကျိုးစီးပွား ဘက်တော်သား Media သမားကောင်းများဖြစ်အောင် ကျင့်သုံး ရပ်တည် ဆောင်ရွက်သွားကြဖို့ အထူးအရေးကြီးကြောင်း ပြောကြားလိုပါတယ်။

ဒီလို ဆောင်ရွက်တဲ့နေရာမှာလည်း အောက်ပါအချက်များကို လေးစားလိုက်နာကျင့်သုံးဖို့ တိုက်တွန်းပြောကြား လိုပါတယ်။ ဒါတွေကတော့ -

- ဒီမိုကရေစီ မှန်မှန်ကန်ကန်နဲ့ အနှစ်သာရရှိရှိ ကျင့်သုံး ဆောင်ရွက်နိုင်စေရန်၊ စတုတ္ထမဏ္ဍိုင်ပီသစွာ ရပ်တည် ထိန်းကျောင်း ဆောင်ရွက်ရန်။

- အမျိုးသား အကျိုးစီးပွားကို အခြေခံ၍ ဆောင်ရွက်ရန်။

- ရုပ်ရှင်နှင့် ဗီဒီယို လောကအတွင်း ညီညွတ်မှုရှိသော ဒီမိုကရေစီ (Unity in democracy)ဖြစ်အောင် ကျင့်သုံး ဖော်ဆောင်ရန်။

- စည်းကမ်းနှင့် ဥပဒေကို လိုက်နာပြီး လွတ်လပ်မှုနှင့် တာဝန်ယူမှု၊ လွတ်လပ်မှုနှင့် ဆင်ခြင်တုံတရားတို့ကို ယှဉ်တွဲ ကျင့်သုံး ဆောင်ရွက်ရန်။

- လွတ်လပ်စွာ အနုပညာကို ဖော်ကျူးသော်လည်း ပြည်သူအတွက် အဆိပ်အတောက် မဖြစ်စေရေး ထိန်းသိမ်း ဆောင်ရွက်ရန်တို့ပဲ ဖြစ်ပါတယ်။

မကြာမီအချိန်အတွင်းမှာ ၂၀၁၀ ခုနှစ်အတွက် ထူးချွန်ဆုများကို တစ်ဆုချင်း ကြေညာပြီး ချီးမြှင့်တော့မှာ ဖြစ်ပါတယ်။ ရုပ်ရှင်ထူးချွန်ဆု ရွေးချယ်ရာမှာလည်း ယခင်နှစ်များနည်းတူ ရုပ်ရှင်ဥပဒေပါ အခြေခံမူ ၇ ရပ်ကို အခြေ ခံပြီး ရုပ်ရှင် ဂီတ စာပေ နယ်ပယ်က အနုပညာရှင်၊ အတတ်ပညာရှင် အင်အား ထက်ဝက်ကျော်ပါရှိတဲ့ မြန်မာ့ရုပ်ရှင် ထူးချွန်ဆု ရွေးချယ်ချီးမြှင့်ရေး အကဲဖြတ်အဖွဲ့ အဆင့်ဆင့်က ထူးချွန်ဆု တစ်ဆုချင်းကို သတ်မှတ်ပေးထားတဲ့ စံချိန် စံညွှန်းများနဲ့အညီ ဆန်းစစ်စိစစ် ရွေးချယ် အကဲဖြတ်ခဲ့တာပဲ ဖြစ်ပါတယ်။ ၂၀၁၀ ခုနှစ်အတွင်း ရုံတင်ပြသခဲ့တဲ့ ရုပ်ရှင်ဇာတ်ကား ၁၅ ကားကို အပြန်ပြန် အထပ်ထပ် ကြည့်ရှု အကဲဖြတ်ကာ အရည်အသွေးကိုအခြေခံပြီး အရည်အသွေး ပြည့်မီသူ၊ ထိုက်တန်သူများကိုသာ သက်ဆိုင်ရာ ဆုအလိုက် စိစစ်ရွေးချယ်ထားတာလည်း ဖြစ်ပါတယ်။ ဒီနှစ်မှာ ထူးချွန်ဆု ဆွတ်ခူးကြတဲ့ ရုပ်ရှင်အနုပညာရှင် အတတ်ပညာရှင်များအနေနဲ့ ထပ်ဆင့် ထူးချွန်ဆုများရရှိအောင် ဆက်လက် ကြိုးပမ်း သွားကြဖို့နဲ့ ဆုမရရှိသေးတဲ့ ပုဂ်္ဂိုလ်များအနေနဲ့လည်း နောင်နှစ်များမှာ ထူးချွန်ဆုများ ဆက်လက်ဆွတ်ခူးနိုင်အောင် ကြိုးပမ်း ဆောင်ရွက်သွားကြဖို့ တိုက်တွန်း မှာကြားလိုပါတယ်။

ရုပ်ရှင်အနုပညာရှင်များ၊ အတတ်ပညာရှင်များဟာ ပြည်ထောင်စုသမ္မတ မြန်မာနိုင်ငံတော်ရဲ့ လွတ်လပ်ရေး ကြိုးပမ်းမှု၊ လွတ်လပ်ရေး ထိန်းသိမ်းကာကွယ် စောင့်ရှောက်မှု၊ နိုင်ငံတော် တည်ငြိမ်အေးချမ်းမှုနဲ့ တိုးတက်ဖွံ့ဖြိုးရေး ကြိုးပမ်းမှုများမှာ အတိတ်သမိုင်းကြောင်းတစ်လျှောက် တက်ကြွ စည်းလုံးညီညွတ်စွာ ပါဝင်ခဲ့ကြသလို ဒီကနေ့ခေတ် မျက်မှောက်ကာလမှာလည်း နိုင်ငံတော်အတွက် တက်ကြွညီညွတ်စွာ ပူးပေါင်းပါဝင်နေကြတာ တွေ့မြင်နေရပါတယ်။ အနာဂတ်မှာလည်း ပြည်ထောင်စုစိတ်ဓာတ်နဲ့ ဖွဲ့စည်းအုပ်ချုပ်ပုံ အခြေခံဥပဒေပါ ပြည်သူပြည်သားတိုင်း လိုက်နာ ဆောင်ရွက်ရမယ့် တာဝန်များကို ဦးထိပ်ထားပြီး အမျိုးသား အကျိုးစီးပွားကို ကာကွယ်စောင့်ရှောက်မယ့် စတုတ္ထမဏ္ဍိုင် ရဲ့ ဘက်တော်သားကောင်းများပီပီ စည်းကမ်းပြည့်ဝတဲ့ ဒီမိုကရေစီ နိုင်ငံတော်သစ် တည်ဆောက်ရေးမှာ အင်တိုက် အားတိုက် ပါဝင်ဆောင်ရွက်ကြပါလို့ ထပ်မံ တိုက်တွန်း မှာကြားလိုပါတယ်။

နိဂုံးချုပ်အနေနဲ့

- ရုပ်ရှင်လောကနဲ့ ရုပ်ရှင်လောကသားများဖွံ့ဖြိုးတိုးတက်ရေးအတွက် ရည်ရွယ်ချက် ၅ ရပ်နဲ့ အခြေခံ လုပ်ငန်းစဉ် ၁၂ ချက်တို့ကို အလေးထား အကောင်အထည်ဖော် ဆောင်ရွက်ကြပါ။

- မြန်မာ့ရုပ်ရှင်ဇာတ်ကားများ အရည်အသွေး တိုးတက်မြင့်မားရေးအတွက် လိုအပ်မယ့် စက်ပစ္စည်းများ၊ Studio များ၊ ပြည်ပနဲ့ ပူးပေါင်း ရိုက်ကူး ထုတ်လုပ်ရေးလုပ်ငန်းများ၊ ရုပ်ရှင်ပြသရေးစနစ်နှင့် ရုပ်ရှင်ရုံများ နိုင်ငံ တကာ အဆင့်မီ ဖြစ်အောင် ၀ိုင်းဝန်းကြိုးပမ်း တည်ဆောက်ကြပါ။

- မြန်မာ့ယဉ်ကျေးမှု အမွေအနှစ်၊ အမျိုးသား စရိုက်လက္ခဏာများ ထိန်းသိမ်းစောင့်ရှောက်ရေးကို ရုပ်ရှင်ပညာနဲ့ ကူညီပံ့ပိုး ဆောင်ရွက်ကြပါ။

- အေးချမ်းသာယာပြီး၊ ခေတ်မီဖွံ့ဖြိုးတိုးတက်တဲ့ ဒီမိုကရေစီ နိုင်ငံတော်သစ်ကြီး ပေါ်ပေါက်လာစေရေး နိုင်ငံ တော် အစိုးရ၊ တိုင်းရင်းသားပြည်သူများနဲ့အတူ လက်တွဲပါဝင် ဆောင်ရွက်ကြပါလို့ တိုက်တွန်း မှာကြားရင်း နိဂုံးချုပ်လိုက်ပါတယ်။

အားလုံးကို ကျေးဇူးတင်ပါတယ်။