တက္ကသိုလ် တက်ရောက် ရသူများ အတွက် မိုဘိုင်းဖုန်း အင်တာနက် အသုံးပြုခ လျော့ချပေး သွားရန်ရှိ

From : mrtv4

လာမယ့် ၂၀၁၃ ခုနှစ်မှာ ပြင်ဆင် ကောက်ခံ သွားမယ့် မိုဘိုင်းဖုန်း အင်တာနက် အသုံးပြုခတွေ အနေနဲ့ တက္ကသိုလ် ကျောင်းသား၊ ကျောင်းသူများ အတွက်
နှုန်းထား တွေကို လျော့ချပေးဖို့ ရှိတာ ဖြစ်တယ်လို့ မြန်မာ့ ဆက်သွယ်ရေး လုပ်ငန်း တာဝန်ရှိသူ တစ်ဦးရဲ့ ပြောပြချက် အရ သိရပါတယ်။ အခုလို တက္ကသိုလ် ကျောင်းသား၊ ကျောင်းသူတွေ အတွက် နှုန်းထား လျော့ပေး ရတာဟာလည်း သက်ဆိုင်ရာ ကျောင်းသင်ခန်းစာနဲ့ ပတ်သက် တာမျိုးတွေ Dowload ဆွဲတဲ့ နေရာမှာ အဆင်ပြေ စေရန် အတွက် ဖြစ်တယ်လို့ သိရပါတယ်။

ပညာရေး ဆိုင်ရာ စာအုပ်တွေကို ဒေါင်းလော့ လုပ်မယ် သူတွေ အတွက် ရည်ရွယ်တာ ဖြစ်တယ်လို့ မြန်မာ့ ဆက်သွယ်ရေး လုပ်ငန်းမှ တာဝန်ရှိသူ တစ်ဦးရဲ့ ပြောပြချက် အရ သိရပါတယ်။ အခုလို လျော့ချရာ မှာလည်း 5GB ဒေါင်းလော့ လုပ်သူ အတွက်ကို 5GB ထက်လျော့တဲ့ နှုန်းထားမျိုးသာ ကောက်ခံ သွားမှာ ဖြစ်တယ်လို့ သိရပါတယ်။

လက်ရှိ မှာတော့ မိုဘိုင်းဖုန်း အင်တာနက် အသုံးပြုခ နှုန်းထားများကို Time rate နဲ့သာ ဆက်လက် ကောက်ခံ လျက်ရှိပြီး Volume rate သို့ ပြောင်းလဲရန် အတွက်လည်း နှုန်းထား စတာတွေကို ထပ်မံစိစစ် လျက်ရှိတာ ဖြစ်တယ်လို့ မြန်မာ့ ဆက်သွယ်ရေး လုပ်ငန်းမှ တာဝန်ရှိသူ တစ်ဦးရဲ့ ပြောပြချက် အရ သိရပါတယ်။ ဒီလို ပြင်ဆင် ကောက်ခံ သွားမယ့် နှုန်းထား များနဲ့ ပတ်သက် လို့လည်း ဒီဇင်ဘာလ အတွင်းမှာ မြန်မာ့ ဆက်သွယ်ရေး လုပ်ငန်း အနေနဲ့ ထပ်မံပြီး ညှိနှိုင်း သွားဖို့ ရှိတာ ဖြစ်တယ်လို့ သိရပါတယ်။

 www.MyanmarExpress.net
 

Posted in: သတင်း